Ortiq Otajonov

Ortiq Otajonov - Topic

Ortiq Otajonov - xonanda, Oʻzbekiston, Turkmaniston va Qoraqalpogʻiston xalq artisti. Xorazm viloyati Bogʻot tumani Jdanov nomli kolxozda tavallud topgan. Maktabni 7-sinfgacha Bogʻotda, davomini Urganchda oʻqigan. Matyusuf Xarratov nomidagi Urganch musiqa bilim yurtini va Toshkent madaniyat instituti ni tugatgan. Milliy ashulachilik yoʻllarini Komiljon Otaniyozov. shuningdek, A.Otajonov, M.Mirzayev, G.Rahimova, O.Ibrohimov va S.Sobirovlardan oʻrgangan. Oʻzbek davlat filarmoniyasi, „Lazgi“ ansamblida xonanda, „Lazgi“ ansamblining badiiy rahbari. Repertuaridan Xorazm mumtoz ashulalari, kuyini oʻzi bastalagan asarlar, shuningdek, afgʻon, turkman, ozarbayjon, rus, arab qoʻshiqlari oʻrin olgan. Ijrolari 2 gramplastinka, Oʻzbekiston radiosi fonotekasiga yozilgan. Oʻzbekiston televideniyesida „Ortiq Otajonov“ film-konserti yaratilgan. O. Osiyo, Yevropa, Amerika, Avstraliya mamlakatlarida gastrolda boʻlgan.
Oʻzbekiston Xalq Artisti unvonining ilk sohibi. 1991-yil 8-noyabrda Oʻzbekiston Xalq Artisti unvoni ilk marta Ortiq Otajonovga Islom Karimov tomonidan shaxsan topshirilgan.
Ortiq Otajonov 2019-yil 17-may kuni vafot etdi.