گەلێک سپاس بۆ روونکردنەوەکەتان. بەڵێ به پێی قسەگەڵێک که منیش بیستوومه لەوە ئەچێ ئەو رەوایەتەی ئێوە به تەواوی راست بێ.

سپاسی فراوان.

گەلێک سپاس و دەسخۆشی بۆ ئێوەش.

کاک ئومێدی هێژا بەڕاستی ئێوە ئەونده "تەکالیف" تێئۆریک و سیاسی و ئەمانەتان بۆ من داناوه که باوەر ناکەم ئەگەر عومری دووباره و چەندبارەیشم ببێ بتوانم بەوە وا "جیلی نوێ" رازی(بە قەولی ئێوە "تێر")بکات تەنانەت نزیکیش ببمەوە! کاک ئومیدی بەڕێز ئەگەر من خەریک ئیدعاگەلێ بێ‌پایە له خاوەنداریەتی زانیاری فەلسەفی و کۆمەڵایەتی و لەمانه ببوایم و هەروەها خوەم به قارەمانی مەیدانی سیاسەت بنواندای، ئێوە حەقتان بوو بمدەنە بەر ئەم تۆپ و تەشەر و رەخنەگرتنانه. بەڵام من ئەمەمه وا هەم؛ لەوە وا دیوتانه و ئەیبینن زیاتر نیم. من هەر ئەوەنده قسە ئەکەم و دێمه قسە که هەم توانم ئیجازەم پێ بدات و هەم له قووڵایی دڵەوە پێویستیەکەی چ بۆ ئێستا بێ چ بۆ داهاتوو هەست پێ بکەم. جا ئەگەر کەس پەیدا بوو گوێیک بۆ من شل کات خوەشحاڵ ئەوم، ئەگەریش پەیدا نەبوو من ئەرکی خۆمم به جێ هێناوە. ئینکاری ناکەم که حەتمەن له وتار و کردارما وەک هەر ئینسانێکی‌تر هەڵەیش پەیدا ئەبێ. هەر بۆیه تا ئاخرین چرکەساتی حەیاتم‌دا هەر لەسەر ئەو بۆچوونەم وا ئێوە به "کارەسات" ناوتان بردوه؛ واته هێشتا "بە دوای رێگاشدا دەگەڕێم". له بۆچوونی من‌دا رێگە پەیدا کردن و رێگە پێوان لەیەکتر گرێ دراون؛ هەر بۆیه باوەڕم به هیچ پەیغەمبەرێک که زانستی نیهایی و تەواوی بۆ "تێر کردن" هیچ نەسڵێکی بەشەری هێنابێ، نیه. هەر بۆیه بۆ گشت دەسکەوته ئینسانیەکان و هەر زەڕه له رەنج و فیداکاری بۆ پێشکەوتن بن‌دەستەکان بایەخ دادەنێم. هەر بۆیه له تەواو دەورانی تێکۆشانی به کۆمەڵمان دژ به دوژمنانی ئازادیا، ئەگەر له هاوڕێیکما نۆ عەیبم دیبێ و یەک باشی، هەر باشیەکەم بۆ ئەسڵ بووه. وتووتانه "بە داخێکی گرانەوە ... ٩٩ له سەدی هاوڕێیانی لاو و تازە پەیوەست بوو به کۆمەڵه تا ئێستاش ناوتیان نەبیستوه". کێشەیێکم نیه؛ با تاقە یەک نەفەریش من نەناسێ. بەڵام خۆ هەر به دیتن و بیستنی ئەم ویدئۆه کەسانێک پەیدا ئەبن بزانن لەم قسە و باسه هیچ مەبەستێکم جگه له دڵسۆزی بۆ ئێوە و گشت تێکۆشەران رێگەی خەلاسی لەم دنیا پڕ له ئێش و ستەمە نەبوە و نیه. بەڕاستی پێتان وایه قسەکان من بۆ "دژایەتی سوێند خواردوو له نێوان کۆمەڵه و دێمۆکرات"ه؟ ئەگەر وایه و ئەگەر تاقەتتان بوو داواتان لێ ئەکەم جارێکی تر گوێ لێ بگرن. پێتان وا نیه ئەگەر من هەزار مەدرەک دوکتورا و پڕۆفێسۆریم ببوای و تەواو مێژووی چین و ماچینم زانیبای و چەند ملیۆنیش منیان ناسیبای بەڵام قەتڵ و عام نەیاران سیاسیم به سوسیال دێمۆکراسی لە قەڵەم بدای، ئەم کاره به مانای به فیڕۆدان و به لاڕێدا بردن هزر و رەوتی ئازادیخوازی گشت نەسڵەکانه؟..... رێگام بدەن لەمه زیاتر کات‌تان نەگرم و به هێوای سەرکەوتن ئێوە و گشت تیکۆشەران رێگەی ئازادی له پێناو تەفروتوونا کردن جەلادان ئیسلامی ئێران و دەرکردنیان له کوردستان و بەدی‌هێنان وڵاتێکی ئازاد و ئاوەدان قسەکانم کۆتایی پێ بێنم.