Дзякуй вам! Я гляджу і радуюся. Я ледзь не да слёз шчаслівы ад таго, як беларусы Польшчы стараюцца захаваць родную культуру. Хай будзе нам сорамна беларусам з Беларусі! Але я ведаю і не сумняваюся, што Беларусь будзе з цягам часу беларускай. Гэты працэс ідзе поўным ходам. Беларусаў ужо пацалаваў Гасподзь. Гляджу на твары людзей і бачу, што гэта плоць ад плоці і кроў ад крыві нашы людзі, якія волею лёса закінуты ў іншую краіну. І нараджаецца ў сэрцы да гэтых людзей моцнае духоўнае пачуцце, якое, відаць, завецца любоўю. Бывае так, што чалавек, які аказаў у свой час моцны светлы духоўны ўплыў на тваю асобу ўжо навечна застаецца ў тваім сэрцы. Нешта падобнае адбылося і ў мяне з беларусамі Падляшша. У 2019 годзе я ўпершыню пазнаёміўся з беларусамі Падляшша праз ютуб. Тады гэта выклікала тады ў мяне пэўны шок ад таго, што зусім пад бокам(а я з Гародні альбо Гродна, як, на жаль, пакуль на польскі манер у большасці выпадкаў называюць наш горад) знаходзіцца такі моцны культурны пласт беларускасці, а я нічога не ведаю аб гэтым. Гэта была адна з прыступкаў да таго, што я 12 лістапада 2019 года поўнасцю перайшоў на беларускую мову... Вельмі ляжыць душа наведаць тыя мясціны і пакланіцца святыням Заблудава і Супрасля. І ведаю, што гэта адбудзецца!