أي واحد يدفع 95 ريال لتقرير موجز يطلع حوادث نجم وصور للحادث و اخر قراءة للعداد وهذا الشي يعطيك نبذه عن السيارة قبل تتورط ولا تنسى الفحص عند ناس موثقين ولا تروح لمكان يدلك عليه صاحب السيارة ...

لكن يابو ناصر ما كلمتنا عن الشخص سبب المصيبة كلها اللي انت رسلته يفحص وقالك تمام هذا بغينا يندق خشمه ذا

يابوي دام انك سعودي مثله فحقك راجع راجع سواء بالتهديد او بدون اما لو كان اجنبي زمانه لا اخد حق ولا باطل معهم 😂

جزاك الله خير على توضيح اللي حصل لك وبالفعل لازم تحمي نفسك وتفحص ولاتثق بااي شخص قبل لاتشتري

ذكرتني بواحد من قرايبي شريطي جيت ببيع سيارتي وقالي نتقابل برا المعارض واعطاني سعر 15 الف وبعدها بعتها قدامه في الحراج ب23500 وبعدها شريت موتر ب41 الف مع النقل والتامين ولمى درى قالي انعرضت علي 34 الف ورفضتها وانغبنت وثاني يوم اروح المعارض ابي شريطي يسوم سيارتي مو مستخدم لان الشريطي بيسوم باقل من سعرها السوقي واحصل شريطي ووداني للمعرض وسامها صاحب المعرض ب39500 وتطمنت وعرفت ان قريبي شريطي نصاب

واضح من كلامك انك راعي مشاكل في البيع والشراء ومن النوع اللي يرد السلع بعم مايشتري ... سياره مشتريها بسعر رخيض واقل من سعرها في السوق اكيد فيها مشاكل وتتصلح بفارق السعر اللي انت وفرته

الله يحفظك ويسعدك

الله يعوضك

قسم بالله صارت معي اليوم وبكره بروح العن ابو لي خلفوه على ابو لي جابه واحد سوداني عندي اكسنت 2019كل شي فيها بلد وركب معي ٢يقولون عندهم معرض وراحو بي الفحص عندا سوداني فحصها ويقول فيها المكينه مفتوحه من قبل وفيه رشوش متفرقه والسيارة على يد الوالد ماشيه 94الف وما سافر عليها ولا شي وكل شي جديد عطوني فيها 38الف وانا عرفت ان الشغله فيها لعب بس بكره راح اروح اسوي فيه بلاغ حسبي الله ونعم الوكيل فيهم انتبهو وربي كثرو النصابين

الحمد لله، كفو والله يبو ناصر قول وفعل والله يجزاك خير

اخوي صاحب المقطع انا نفس موضوعك بس والله ان الغبينة اكبر الموتر مايسوى ٥٠٠٠ وشاريه ٥٨ الف. وابي استشارتك وبعض المعلومات تفزع لي فيها

كيف يصلح في الوكاله وما عنده ورقه إصلاح

كيف يصلح في الوكاله وما عنده ورقه إصلاح كان فهمتها طيب ليش ما بلغت عن السياره اقل شي عن اختلاف رقم الشاص مختلف عشان ما يغشون شخص آخر مشترك انت في التستر علي شي يخالف قواعد المرور والله ذمتك ناقصه

وقعت علينا هذي المشكله ..ولا لقينا كيف ناخذ حقنا قدمنا للقضاء قالوا اذا حلف النصاب خلاص بذمته واحنا بح

حسبي الله عليهم ونعم الوكيل مدري شلون يوكلون عيالهم مال حرام

والله انا وقعت في نفس المشكله شريت سياره من نوع اسيزو وتضح ان السيارة تبخر والمكينه مغيره ومفكوكه وكلمت البيع يقول عين خير وبعد مماطله يقول خذ ٣٠٠٠ وانقص ٣٠٠٠ فرفضت جمله وتفصيل هذا الصلح الجائر وقال صاحب المعرض انا بصلح بينكم خذ فلوسك بس بنقص عليك ١٥٠٠ ريال حق نقل ملكية السيارة بعدها عرفت ان العملية فيها نصب وطمع والآن موضوعنا في المحكمة واسأل الله ان ينصرني عليهم وان يخرج حقي وان يكفي الناس شرهم بحوله وقوته انه على كل شيء قدير

لعن ابو ذا البيعة ما اطول سالفتها...

بمعارض السيارات الكثيرين غشاشين ولاكن يوجد من يتعامل بلصدق والامانه والمفترض بكل منطقه مكتب تابع لوزارة التجاره لتقييم المعارض الصادقه يرجع له كل من يرغب بسياره مستعمله

😂😂😂

طيب انا بالجنوب وشفت سياره بموقع حراج وكلمت خوي من سكان الرياض راح يشوف السياره نضري م يقدر يوديها الفحص لأنها مصدومه والاتفاق معا راعيها انها بودي وكاله جاتني طلعت مرشوشه ومقلوبه ومغير لونها وقيرها ومكينتها عطلانه ومكيفها م يشتغل وكلمت راعي السياره وقلت له السياره فيها وفيها وقالي كلمتين وقفل بعدها يقول لي شرهتك على خويك اللي جاء يشوفها الحين اقدر اسوي شي ولا خلاص راح حقي للمعلوميه اللي بيني وبين راعي السياره كله مكالمات مافي مراسله ببينا اتمنى الافاده باقي اقدر ارد حقي او لا ووش الاجرار اللي مفروض اسويه

انا شريت سيارة واشتغلت فيها صيانة وفحص دوري ولكن بعدين عرفت ان في لحام بالشاص وفيها رشوش متفرقه وهو قالي ان فيها رفرف فقط والسيارة وكالة . كيف أرجعها للبائع

نصيحة ياشباب افحص السيارة منت خسران شي ترا

هذي الاشكال الي مشوهه سمعة الشريطية الله يهديهم ويبعدون عن الغش

والله لولا الله ثم الي معك أنك أكلت خازوق ريمنتدا

انا ما اعرف ايش السبب انك ما ذكرت نوع السيارة وايش كان فيها وكم كان المبلغ اللي دفعته في السيارة

الزبدة تبدأ من 14د

كويس انوو جاب لك موتر ممكن م تلم ف موتر

والله كفووو عليك والله يزيل كل نصاب

الله يعوضك خير واشهد انها تاكل اكل

ليش مفحصت السيا ره قبل ماتشتري

والنعم فيك يابو ناصر والله انك رجل محترم واسد يسعدني ويشرفني معرفتك وعرفت تجيب حقك بالنظام ونصيحه طيبه

بيض الله وجهك يابطل والنعم فيك

رب اغفر لي ولوالدي

يابو ناصر انت فاهم هم ميدرونك هم يدورون اللقمه السهله ونت علقه وشكرا لك علا النصايح الصادقه الي تقدمها والله يعطيك العافيه

والله شوف الحال الي سار معاك صار معاك صاير معايه ونشالله حقي يطلع زي ما قدرت تيطلع

قصمنجي يحلب النمله

انت تقول لنا سالفة انك رجعت حقك لكن دام جوالك ماوقف من الاتصالات مافكرت انهم عصابه؟ خصوصا ان الهيكل رقمه متغير مافكرت الغبنه الي جتك كم جت لواحد غيرك؟ لما من الله عليك وكشفت الموضوع وعندك كل مايثبت ليه ماتقدمت بشكوى رسميه ضد الجهه المسؤوله لايقاف العبث؟ انا بالجزئيه ذي كنت انتظرها وفهمت منها انه يهمك مصلحة نفسك ولاهو عيب بس العيب انك تكشخ علينا انك سوبرمان

سلم علا ابو فيصل وأبو خليل

انت الحين تقص علا مين علا نفسك ولا علي

ياعيال انا اليوم بغا يصير لي موقف نصب كلمت واحد لقيته بموقع شباك يدعي انه من معرض الوكاد صليت ركعتين استخاره ولا كنت بعربن واليوم مودع فلوس الوكاد دقيت عليه طلع رقمه تحويله يعني مايدق بس هو يدق وعنده واتس على نفس تحويله شلون مدري بس كلمت المصري اللي بالمعرض اول ماقلتله في واحد قال مانعرفه مشغلنا اتبهو كثرانين والله يحفظ الجميع . استغفر الله ولا حول ولا قوة الا بالله .

استغفر الله العظيم واتوب اليه استغفرالله واتوب اليه لااله الا الله ولاحول ولاقوة الا بالله

عليهم من الله مايستحقون وجعلها في عافيتهم وصحتهم وكل من يغش المسلمين آمين

وش الفائدة راح يلعب على شخص اخر طالما لم ينال عقابه ,, على الأقل تذكر اسمه بالكامل ورقم جواله ورقم هويته وعنوانه وجميع ما يخصه

والله حسيت فيك لان صار لي متلك حسبي الله ونعم الوكيل

السلام عليكم اخي عندك معلومات كيف يتم التعامل معه اخوانه بلخليج بمجال تصدير السيارات من المانيا للخليج ؟

جزاك الله خير

نصيحة لوجه الله انتبه لهذه النقاط المهمة بعد الانتهاء من صلاة الاستخارة فهي أهم من النقاط التي سوف أذكرها : ١- لاتشري سيارة ليست على اسم بائعها يعني تكون على ملكية عبداللطيف أو غيره من شركات السيارات . ٢- شيّك على السيارة من خلال تطبيق موجز . ٣- أطلب من البائع أن يقوم بتصوير السيارة مقطع فيديو للسيارة مبيّن رقم اللوحة عليها وصورة لإستمارة السيارة . ٤- أفحص السيارة بنفسك ويكون الفحص معترف فيه ويعطيك أوراق اجتياز الفحص . ٥- لاتدفع ريال واحد قبل فحص السيارة وإن تمّ الفحص بنجاح اطلب من البائع إيقاف السيارة داخل المعرض وليس بجانبه وتحويل المبلغ للمعرض ومكاتبة كل أمر البيع في المعرض واحتفظ بصور منها . كفانا الله وإياكم أهل النصب والاحتيال .

طيب انت الغلطان في الموضوع كله صح الرجال كذب عليك وغشك بس انت مافحصت السياره القانون لا يحمي المغفلين ياعزيزي

ياغالي الله يسعدك ممكن رقمك اتواصل معك

السلام عليكم ابي حساب صاحب القصه