مالو لو قبل ما تستخدم كلمة (فكرة غبية) تستغرب انتا بنفسك ليه اليوتيوب بعمل كدة! ليه يوتيوب بختار يدعم افكار محددة بس؟ و يضيق النطاق على افكار تانية! يعني مثلا عادي انو يدعم افكار الشذوذ (مع انها تناطح الحقائق العلمية على قولك) بل كمان القانون الحالي بفرضها عليك و يدخلها ليك في المدراس و يمارس عليك احكام لو انكرتها... لحدي ما تلقى روحك مع الزمن و العمر و السنين مؤمن ايمان كامل بالفكر الشذوذي و بدافع عنو ( بالرغم من تناطح الحقائق العلمية ) و دا نفس السيناريو الحصل مع شكل الارض، لما فيثاغورس الملحد قبل الميلاد بكتير .. شيطانه قال ليهو قول انو الارض كرة. لحدي ما بعدها سيدنا عيسى عليه السلام جا بالانجيل و كان فيه الارض المسطحة .. و تم تحريف الإنجيل، لحدي ما نبينا جا بالكتاب الذي لا ريب فيه هدى للمتقين ، موضح بالآيات شكل الارض و السماء بصريح العبارة بعدها ترجمت كتب فلاسفة و بتاعين النظريات اليونانيين في العصر العباسي، و بدأت تنتشر نظرية بطليموس على انها كرة لكن ثابتة لا بتحرك لا بدور، لكن قليل من المسلمين في الوقت داك مؤمنين بالفكرة. بعدها جا الماسوني كوبرنيكس و نظر و عمل نظرية ان الارض كرة و تتحرك ، و هنا انقسم الناس ل مسطحين و كروويين ، من المسلمين و غير المسلمين و حتى كتب تفسير القرآن منهم من بقول انها كرة ، و في منهم من يفسر على انها مسطحة و بعدها استمر الوضع سنين لحدي ما قامت الحروب العالمية في العشرينات، و الفكر الماسوني الشيطاني أجتهد في نشر نظرية كوبرنيكس ( كرة و تدور) ، و لحدي ما جات 1969 و مشت امريكا للقمر و صورت شكل الارض من فوق ، و سكتو الناس على كدة.. و بعدها اتضح انو امريكا كذبت و عملت فيلم هوليوودي و لا مشت القمر ولا قدرت و طبعا لان الإعلام مؤثر قوي و مسير و مبرمج من جهات ، مرو على القصة دي مرور الكرام و لا كانو امريكا عملت حاجة ، و ماشين ب سياسية " اذا اردت ان تحتل أمة فاحتل فكرها" و القران كتاب علم ، محفوظ بكل آياته و حقائقه العلمية ، و لكن قليل من يقرأ و يتدبر و يفكر .. " وقال الرسول يارب ان قومي اتخذوا هذا القران مهجورا" صدق الله لكن ليه شكل الارض مهم ؟ اول شي حيخليك تتحرر فكريا و تطلع من البرمجة العصبية إلى هم مدخلين الناس فيها، و تفسير الآيات حيبقى ليك غير غامض ابدا زي السقف المحفوظ ، و يمسك السماء أن تقع على الارض، و كتييير ايات و ربك أمرك أنو تدبر، ف لما تعرف شكل الارض حتعرف و تشعر بعظمة الارض الانتا فيها و عظمة ربك. و حتعرف عدوك الشيطان دا و تضليلو ، لأن دا اصلا مهنته في الحياة دي.. " لأمرنهم فليغيرن خلق الله" في النهاية الأمر برجع ليك ، تحب انك تبحث و تفكر عن (الفكرة الغبية على قولك) او تفضل قاعد في الفقاعة المدورة لحدي ما يجي النيزك و يفرقعها ..