بعد شيرجعه انتهى البيناتنه لا اسفنه يفيد لا دمعاتنه ما يرجعنه الندم احنه داخلنه انهدم ومر قطار الشوك عده وفاتنه وبعد شيرجعه انتهى البيناتنه احنه من خاطر علاقتنه انكسر ما تنازلنه ولا بينه انجبر صار همنه الغلط من عدمن بدر وطبعا تسيء الامور احنه مالينه الغرور وكلمه ما نتحمل اثنيناتنه !! العشك يعني التفاني...التضحيات ما يدوم الا بوفه ونكران ذات واحنه ما قدسنه حته الذكريات وطبعا تسيء الامور احنه مالينه الغرور وكلمه ما نتحمل اثنيناتنه وبعد شيرجعه؟ انتهى البيناتنه

مو اني الرخيص الينشرة وينباع تجرحني وتظني بظحكتك ابرد ولا انة الفظالة البقت بالماعون من تمد سفرتك اني بيهة امتد وما حاقد كبل كاضيهة بس بالزين بس اكلبهة كاعك لو ردت احقد الك ياسيف معلومة اخذهة وياك تجي مدنك اذا تحتاج للمبرد

احن لكلبك الما حن ..... واتلذذ بهجرك والوصل وياك واذكرك وابتسم وانوب ارد احزن حلاة الذكرى من وياها دمعة تطيح شفتك تبتسم ركعة بصلاة الون سلام لكبك الما حن .... وسلام لدمك البارد يل ما كتلي اجيك شمالي افشل الروح ليش اكشخ وانطرك جني متواعد أذا محتاجني اتعنه حركـ شوككـ االراكد واذا ماشيت غيرك ناس واذا بأحضانهم كاعد انه بس حاولت ليش انحسب خوان ما دام الله يدري بكلبي بس واحد وصنت زرعك وانه بروحي مواسم جوع ومن سنبل ودادك كرصة ما حاصد انه غراني فيك من جنت حطاب والمهيوب امددها لمن جنت اخلي بكل جذع نيشان اختاريتكـ الشجرة لاكعد بسدها يل ماخذني دولاب وهوه اترجاك بوجهي الدنيه لتسدها هاي الروح طفله وددلتها بيوت وادم خبزة ما عدها لا اتيها ولك تكسر هواي كلوب من يضيع معضدها والي يمك كلب من تبتعد رجعه ولك بيه حنيني ماضي طيوره يفزن بسرعه دنطيني مجال اتفاهم ويه الناس كل ما اريد اسولف تنزل الدمعه اتعودتك هوه معلم ما ينشم اذا ميطوف برديه او لا ضيجت خلكي وياك تطلب واني اكول الدنيه مكضيه اضمك وين ما بيه انت بروحي وي يشوفوك دكه بوجه عربيه تنزعل ينخطف لوني ويمدد جرف بعيوني بسرعة يبين شبيه الزلف لمن يبوسة الشيب عليٌ زعلانه ترجية

لو بيدي ارجع ساعتي وين أرجع ؟؟ الياصدفة والله ابقه افر بيها لما ترجع بشر ماعرفه وانهي العلاقة من العركَـ كَبل الدمع والونه مو أنتَ بالواقع جذب واكَضيها انا اتمنى من اولها ما انطي وجه واوصيك لاتدوسه انتبه مرات سهلة تطب كَلب بس صعبة تطلع منه يالطيحتني من وكت والله اعله مودك جذبت نام أنتَ ويطبني سهر واتكَلب وما أغفه الزين من يحلف چذب تطلع وياه الحلفه مغبون احس بعشرتك والكَلب طافح همه شيصير اليودع ابو ومايلكَه خير بعمه دافعت عن چذبك رغم لاحظ عيوبك لاعمى كَالولي عنك مو حلو وكَلتلهم أعشكَـ دمه لا من أنصحك تنتصح ولا يدخل براسك شرح هو أنتَ توكَع ع الجرح بس مو تطيبة تلچمه چنت أدري مانبقه سوه دمعة ويضحكة شفة لجنازة من تمشي بدرب يندار وجه الزفه مو حقي لو رد الوكت اكفر بذيج الصدفة وانعل ابو ذاك الدرب الجابك تشل احوالي، تلاكَينه غربه وبس جزت عينك لكَيتك غالي من يومها ومن ماتجي الكَاك جاي ببالي وعيوني مو من الدمع من الاحساس اتلالي يسموني خالي ومو جذب بس ياهو اليحب من صدكَـ غير أبو الكَلب الخالي من باب أموت بغيبتك ومن باب أموت بجيتك ولليوم مدري شتنحسب محبوبي لو چتالي يالما مقيمني عدل بالما مثمن أفعالي تدري شكبرها مكَابلك وأدري الفراكَـ احلالي ومو كلها تنذل بالبجي ولا كلها تشبه حالي بجي المسافر بي نفع وبجي الطفل ع الأم طبع بس أنتَ نزلت الدمع من أبو الخشم العالي بالعافية وكَلبي القوي شافك وجته الرجفة وهاي العلى خدودك ترى مو شامة نقطة ضعفه ولا قاضي ينصب محكمة ويحاكم العافونه ولا أم تكَلك عندي أبن شحه بسواد عيونه يومك بدوني يمر حلو بس اني يومي شلونه ؟ يومي بدونك بي نقص ولفين ميكملونه زين أنتَ تدري الحَب صدك ضحكة شفافه تخونه ؟ وحتى أغاني هالوكت ممكن تبجي عيونه بالدنيا كلمن ينكتل ثاره هله يردونه بس اليحب محد اله لتخاف من ناسه وهله بالشوكَـ لمن ينكتل كل الخلكَـ ينسونه غشيتني شكَد چان بعيونك هلا لمن چنت ماعرفك مو أيد احس جنحان الي لمن كَعدت بصفك وديتني لكل التفاصيل اليحبها الحالم وفزيت لنك واحد يچذب علّي ويكَلي ظرفي وظرفك آه يالعيونك والجروحك وسعة هدني ارد اذب روحي اعله اقرب دمعة طلعت صوتي يالچنت حچي العيون تسمعة ؟ صح جنت للجية وطن بس البجن يتعلمن وخليها بذنك للزمن مو كلشي بالروحة انكسر يتصلح ويا الرجعة لو بيدي أرجع ساعتي وين أرجع ليا صدفة والله ابقه افر بيها لما ترجع بشر ماعرفه

😂😂😂😂 بضبط

هذا الولد يصير ابن اختها يمكن بغير دولة واختها توفت وابن اختها انطاها علم انو امه توفت

@salimman2234 🥺💔 الله يرحمها يارب

امين 🥹💔​@@RAHAFFREHATfrehat-z9r

ممكن دزليه تلي

روح خلي أصيل هميم تفيدك

@@AnourMohammed جا شكو شبيه؟