ลำยาวประวัติเมืองกาฬสินธุ์ มาบัดนี้ ฉันสิขอประเดิมเรื่องประวัติเมืองอันเก่าแก่ กาฬิสินธุ์น้อพี่น้องคนเริ่มก่อแปลง อันว่าเวียงจันทน์ฮ้างหลายปีแต่ครั้งก่อน หลายพะยาแต่สืบสร้างกะยังได้อยู่ดั่งเดิม คิดเมื่อคาวหลังย้อนตอนเวียงจันทน์สิผุผ่าย เจ้าอนุราชร้ายเวรเค้าได้ก่อกรรม อันว่าเวียงจันทร์เศร้าเป็นเวรศรโคตร คำพังเพยผู้เฒ่าโบราณเค้าเพิ่นก่าวจา เลยๆมาเป็นท่านเท้าสิริบุญสารเพิ่นได้มาสร้างก่อ เวียงจันทน์น้อมาแตกม้าง ข้ามลำโขงมาสร้างแสนคำน้ำก่ำ อันท้าวแสนหน้าง่ำพากันล้ำล่วงหนี จึงไปถึงลำห้วยแจละแมนามเก่า ดอนมดแดงพวกผู้เฒ่าพากันเว้าดอกวามา อันวาโสมพะมิตรเจ้านั่นทนอยู่บ่มีไหว ไลผ้าขาวลาวเวียงด่วนมาดอกทางใต้ เพิ่นได้พาพลย้ายหนีตายครั้งยิ่งใหญ่ ข้ามเมืองภูท่อซ้างเมืองซั่งนั่นท่อแลน มันสุดแสนใจกลุ้มกับไทซุมเป็นไข้ป่า บางคนยาซ่อยบ่ได้เป็นไข่กะทั่งตาย บ้างกะเฮฮนฮ้องหานายเป็นตะหน่าย โอนอนาย….พวกหมอลำจั่งค่อยเว้าลงท้ายดอกวานาย โสมพะมิตรพากันขนพลย้ายกายกุดสิมคุ้มเก่า เมืองบัวขาวต่อเท่าลงใต้นั่นต่อไป ถอยลงไปทางใต้บ้านเชียงเครือท่าเดื่อ ไพร่พลเหลือลดน้อยเหลือน้อยนั่นค่อยไป เพิ่นได้สร้างพระไว้องค์ใหญ่ฮิมสิม นามหนองเทาเก่าเดิมดอกมีต้อน ตอนเหนือนั่นคือกันองค์กั่น คนห้าพันครบถ่วนพากันซ่วนก่อแปลง บ่อนนี่คนเพิ่นเอิ้นบ้านกลางหมื่นดอกนามเดิม คนห้าพันเป็นซื่อเสียงของเมืองบ้าน พากันตั้งคารมหม่องอยู่ อีกสี่พันเคลื่อนย้ายลงใต้บ่ถอย อยู่กลางหมื่นเหลือน้อยสร้างก่อเฮือนซาน นานพอควรก่อแปลงเป็นบ้าน ผู้ที่ไปทางใต้แก่งสำโรงเป็นท่ง สงป่าเปลือยก่อตั้งเป็นบ้านอยู่กะเสิม พระยาโสมพระมิตรพาพลสร้างแปลงเมืองดอกเฮืองฮุ่ง สงป่าเปลือยฮิมแม่น้าปางซ้ำก่ำหมอง มีกาทองกระบี่ง้าวตาววิเศษเลวศึก อยู่โดนนานพอควรส่วนไผ่บ่มีฮ้อน คำทวาให้ใบนามอุปราช ราชวงศ์อีกให้นามซั่นซื่อพวง อยู่กับเจ้าองค์พ่อโสมพะมิตร เป็นลูกชายหลวงปัทชาร่วมก่อแปลงเมืองบ้าน โดนนานได้หลายปีได้สร้างก่อ สร้างวัดวาหมู่บ้านนานล้ำยิ่งประมาณ น่าสงสารแต่คนเฒ่าเดินทางไกลอิดอ่อน มองกาลหลังกับต่าวย้อน พ.ศ พ้นดอกผ่านกาย บุญบ่หลายกะตายย้อนศึกฮ่อบางคนน้อผัดล้มป่วย บางคนโซเมื่อยล้าตายถิ่มน่าอิดู เฮามาคิดฮ่มฮู้ถึงผู้บรรพบุรุษ ผู้ที่พาเฮาทำก่อนเดิมคาเค้า พาเฮาแปงปุนบ้านตามการนั่นหลายเซ่น เอาชีวิตต่อสู้เพื่อซนเซื่อพวกหมู่เฮา นับแต่ปีสองพันสามสามหกนั่นหลายปีข้ามล่วง จึงได้นำสารตรา……….เครื่องบรรณาไปทูลเกล้าองค์สมภารผู้ล้ำค่า องค์พระพุทธยอดฟ้าขอซ่นดอกเพิ่งบุญ บุญยาล้นกรุณาได้ทรงโปรด เปลี่ยนซื่อให้นามเค้ากะเล่าไล ซื่อว่าชัยสุนทรเจ้านามเมืองเนิ่นกะไส กาฬสินธุ์ใส่ซื่อให้เมืองบ้านเน้นนั่งปอง หวนคิดดูเปิงบ้านคนโบราณเพิ่นได้กล่าว โอนอ……………รถบ่อลาม้าบ่พ้อเดินเท้าดอกย่างเดียว เทียวไปมาหากันนั่นข้ามดงดอนแสนลำบาก ย่างขึ้นดงลงฮ่อมฮ่วยแสนยุ่งยากกะใจ ไปเล้วศึกนั่นแฮงฮ้ายเป็นกับตายคนละเคิ่ง เหลือเป็นเมืองเหลือเป็นเมืองและบ้านยปานนั้นกะว่าบุญ เฮาควรทูลเทิดไว้พระทรงเกียรติบูชา พระมหากรุณาธิคุณผู้เขื่อนแขงแปงบ้าน บุญสมภารของเจ้าคจักกวีเฉลมเกษ มีปีะเทศให้ไพร่บ้านเฮาได้ซ้นดอกเพิ่งบุญอันวาคุณของท่านสมภารนั่นมีมาก บรรพบุรุษหากบ่ดีเลิศล้ำทำให้บ้านนั่นหม่นหมอง อันบุญคุณล้นเกล้าของเจ้าพ่อโสมพระมิตร หรือ พระยาชัยสุนทรหากมากมายหลายด้าน การเมืองฮ้อนชาวนิกรนั่นได้เพิ่ง เมืองกาฬสินธุ์เฮ็ดฮูบปั้นให้คือท้านท่านพระยา ขอขมาคันผิดพลั้งฝากความหวังกับเจ้าพ่อ มือถือกากระบี่พร้อมยืนเทินเท้อได้เม่อมอง มือทั้งสองประนมน้อมกตัญญูรู้คุณค่า ราชการทุกถ่วนหน้า ข้าลำร้องให้ท่องจำ ชัยสุนทรคนเค้าเอานามฮอดสิบสี่ สุดแสนดีตั้งแต่เค้าจนกะเท่าทั่งปลาย นางบรรยายมาโดนแล้วประวัติเมืองเกี้ยงอ่อฮ่อย ลำว่าหวานแซบซ้อยอภัยข่อยผู้แอ่วลำ………..ละนา

😂ม่วนหลายเสียงแคนแดนอิสานเฮา

แก๋วขอบคุณครับ

เเล้วมาบัดนี้ ขอเชิญญาติพี่น้อง มาท่องเที่ยวกาฬสินธุ์ ถิ่นผ้าไหมเเพรว่า สง่างามคนลือเลื่อง ไปเบิ่งเมืองขอมเข้า ของโบราณมีหลาย เมืองฟ้าเเดดสงยาง บ้านข้าวหลามหามก้อม เมืองเค้าเเต่เก่าหลัง อยู่เมืองกมลาไสย ไปเบิ่งเด้อทุกท่านทั้งไปผ่านทางหนองเเปน นั่นคือเเดนเมืองขอม มีโตโน่นส่าวเอ่เมือง ก่อนสิเพพังม้างเป็นนำหยังเเต่ครั้งก่อน กลมศิลปากรได้มาอนุรักษ์ไว้ไปดูได้บ่เสี่ยวสูน หรือสิไปฝ่ายพุ้นเมืองคำม่วงอยู่ทางเหนือ ชมผ้าไหมเเพรว่าคนส่า...ทุกมุมบ้าน ไปเบิ่งสัตว์โบราณ...พิดตะพันภูกุ้มข้าวไดโนเสาร์โตบักใหญ่ อยู่ทางอำเภอใหม่สหัสขันท่านพี่น้องให้ไปท่องเที่ยวเถิง...สิไปเขื่อนลำปาวใสธาราเเก้วเวิ่งให้ไปเบิ่งอย่ากังขา เชิญท่านมาลำปาวบอกข่าวคราว...ให้มาเที่ยว น้ำสีเขียวลงเรือเล่นเย็นกายได้พักผ่อน หาดดอกเกดคนสะออน หาดทรายขาวชาวพี่น้อง ให้ไปท่องเที่ยวสถาน งานกาชาดประจำปี ขอวานเชิญทุกท่านให้ไปเที่ยวเเสวงหา งานผ้าไหมเเพรวาให้ท่านมาน้อยามเยื่อย หรือสิไปทางก่ำผาเสวยอย่าเลยผ่าน อยู่เทือกเขาภูพานเป็นสถานเที่ยวท่อง เชิญพี่น้องเที่ยวสะท้าน จังหวัดกาฬสินธุ์ ขอวานเชิญเอิ้นทุกท่านให้ไปทัศนาจร กราบพยาไชยสุนทร เจ้าพ่อเมือง...ของเค้า จับความเหงาบรรเทาฮ้อนไปขอพรให้เย็นฉ่ำ กราบเจ้าพ่อองค์ดำ...สิ่งศักด์สิทธิ์คู่บ้านมานานล่ำเก่าสมัย บ้านกุดฉิมคุ้มเก่า ไปเบิ่งเด้อน้องอ้าย เป็นเมืองเก่าที่งามดู เขตอำเภอนาคู่ ถิ่นภูไท...บ่ไกลล้ำ ฝากเสียงลำมานำเอิ้นพอวานเชิญทุกท้องถิ่น ไปเที่ยวเมืองกาฬสินธุ์ เฮายินดีสิรับต้อน...ขอวอนท่าน...ให้เที่ยวเถิง...ขอวอนท่าน....ให้เที่ยวเถิงหวานเริงๆ....ละนาละนา

❤❤❤❤

ม่วนกว่าลายสารคามมันมีต๋อยแล๊ดๆๆมันกะเลยม่วนครับผม

ลต

❤️❤️❤️❤️

มว่นชอบ

สวัสดีค่ะมิตรใหม่ขอมาชมด้วยค่ะ

โอย...อือออ. .ฟ้าเอ๋ยจังว่าฟ้าฮ้อน. ข้ามละก่ำภูพานบ้านน้องอยู่เอ๋ย...ต้องการหมอลำหมู่แตดแต่เด้ซุปเปเปอร์....ยังคลองโร....เอ๋ย....ฝ่ายคณะแน่นๆ. ให้แฟนฮู่..คู่ชูกคนเอ๋ย.....ละนา.........ละนา.. มาบัดนี้พี่น้องเฮ่าเอาใจร่วม สามาคีเด้ท่าน..อย่าได้มีไพพานคลองศิลทานให้มั่นเพิ่มเสริมซอนให้แต่งบุญ... อย่าก่อการให้วุ่น อย่ากวนขุนดือตม อยาทำลายสังคมซิชุมเริงคือน้ำ..เอ๋ย...อย่าเฮ้อตามแฟชั่นจนรึมคลองโบราณหันไปย้องชุมอื่อ อย่านินทาเว้าพื้นชุมเชื้อดอกหมู่เดียว อยาไปเทียวทางรวม กับคนพานมันพิดปอง พาเฮ่าไปพิดคลองพิดทำนองอีกด้วย ทั้งพิดเชื้อดอกดังเดิ่ม..เอ๋ย....ชุมไว้เรียนอย่าฟาวเริมเพิ่มความรักให้นักฮก อย่าได้เทียวทางฮกซองบ่เห็นวิธีแก้. ฮู่จักแปลความหมายได้ทางฮู้นำเอาไปให้มันได้คุณค่า....อย่าเฮ่าหูไปนา อย่าเอาตาเทียวจอง มองบังว่านังง อยาไปหลงนำไพไฮโลไปทั้ว คันคนได้เม่ามัว จนทอนตัวน้อบ่ได้ ซิวายสิน. แมนสิงของ......แนวเป็นไม้น้อต่างป้อง พี่น้องต่างน้อใจกัน บ่มีวันสำราญจิตเกิดพิดภัยให้คนเย้อ ชุมไภ้เขยอย่าเกินเฒ่า ยกยอคุณตายายเฮ่าไว้เหนือเก้าทุกเช้าค่ำ ชุมลูกหลายอย่าเกินธรรม ปู่ยาสอนบอกแล้ว อยาเถียงท่าน..เอือ..เอือ..เอย.แมนบ่ควร.. เอือ...อย่าเถียงท่าน..แมนบ่ควร..เอ่ย......เอย น้อ...เอย....โอโอโอ..ละนา

โอ.... โอ๋ย ฟ้าเอ้ย ฟ้าฮ้องตึ้ง ข้ามเขาพึงไปเชียงใหม่ ตกมาฮอดคลองไผ่ ฟ้าเป็นสีครึ้มๆ หัวใจน้อง ห่วงแต่แฟน ห่วงแต่แฟน... อื้อๆ อือ... โอยละน่า เอออันนี่ละพ่อแม่เอย เมษายนกายไปแล้ว พฤษภาผัดมาต่อ ฝนตกลงจากๆ จ้น ใบหญ้ากะป่งมา พวกชาวนากะเตรียมไว้ทั้งไถกับคราด ฝั้นเชือกไว้สิไถดั้นว่าฮุดนา ฟังเสียงจาคนเฒ่า สูเอยฮอดมื้ออื่น พ่อเฒ่าจ้ำบอกลูกบ้านสิพาเลี้ยงเจ้าปู่ตา ให้สูหาเตรียมไว้เฮือนละโตเอาเด้อไก่ เบิ่งคางไก่คันมันซันที่ลี่ ปีนี้สิบ่ดี คันปีใด๋คางไก่โค้งยาวๆ คือเกี่ยว พ่อเฒ่าจ้ำบอกไว้ปีนั่นจั่งสิดี มาเต็มทีแต่ผู้นาไกลบ้าน ผัวเมียเดียวเลี้ยงลูก... อ่อน ตื่นขึ้นมาผัวไปก่อน ไปไถนาคราดไว้ถ้าพอได้ละเคิ่งงาน แม่บักหำอยู่บ้านกะฟ้าวตื่นคือกัน เตรียมเอาฟืนมาดังไฟ เป่าฟูทั้งฟู่ เสียงวีไฟควันกุ้มในครัวลุกห่อมๆ กะบองก้อมเขี่ยไว้ เอาน้ำละใส่มวย น้ำฮวดแล้วเอาเข้าหม่ามาซาว สองมือจับหวดมาสุบหม้อ เสียงลูกออๆ ไห้ ไวไวกวยลูกแม่ พอลูกหลับแม่ผัดฟ้าวหาถ้วยข่องจอง ตักปลาแดกใส่ถ้วย เกลือตื่มแถมนำ สิได้ไปนาเซพ่อบักหำไปแล้ว เสียงเฮือนใกล้แซวๆ กะฟ้าวตื่น เอิ้นใส่กันพ่องเว้า... นั้นทังเฒ่า... ผ่องอาเฮ็ม ผ่องอาเฮ็ม... เอย... เฮย... อือม์... อือละน่า... อันนี่ละพอเมื่อตาวันขึ้นสีมายๆ พอพุมพู่ บ่ากะหาบต่าได้ทั้งฟ่าวละพ่องเดิน มือหนึ่งอุ้มลูกน้อย ฟ่าวเล่งลงนา ผัวกะผัวทังโตกะผัดคอยกินข้าว เสร็จดีแล้ว ลงดำจ้าวไหว่ๆ แขนอู่ลูกน้อยไว้เสียงไห้กะส่างมัน มื้อเนี่ยงคั้นตมอยู่ในนา สวยมายมายแดดเผาทั้งฮ้อน คอบอยากมีนำบ้านชาวนาจั่งหน้าก่ำ หน้าดำๆ แม่นชาวนาเฮ็ดเลี้ยงพวกพี่น้อง คนเฒ่าจั่งเจริญ เผิ่นจั่งเอิ้นว่ากระดูกสันหลัง คันบ่มีชาวนาบ่ได้เป็นเมืองบ้าน พอจากเสร็จดำแล้วตาเว็นเจ้าค่ายค่ำ พ่อบักหำขึ้นเถาะเจ้า... สิดกกล้า แม่นแน่เด้อ แม่นแน่เด้อ.... อือ... อือม์... โอยละน่า

👍👍👍

ลำเปิดตัวนางไอ่ คณะ ฟ้าสีคราม ผู้ลำ แม่พิสมัย เพชรลมโชย เรื่อง ผาแดงนางไอ่ ...โอ้ย ตอหลอเอ๋ย ตอหลอใหญ่แม่พวมป้อยตอหลอน้อยแม่พวมแพง กินแลงแล้วแม่กล่อมนอน เอ้อ เอ้ย แม่กล่อมนอน เอ้ย ล่ะน่า แล้วมาบัดนี้ฟ้าสีครามควมไขตัวสมมุตินามให้คนฮู้คอยฟังดูอย่าใจหม่อ สิเป็นรองหรือเป็นต่ออย่าฟ้าวไขห่อแป้งกระเป๋าแห้งห่าเสียง เริ่มยกหนึ่งกำลังออกสต๊าทวิ่งสูกสูบแล่นบ่ทันหัน ยังตามหลังบ่ทันแซงแข่งเขาบ่ทันได้ พิสมัยเพชรลมโชยกำลังมายืนร้องบนเวทีให้ไฟส่อง บ่ทันฮอดเกียร์สองสามยังมีสี่ห้าโอ้ยลุงป้าถ่าเบิ่งเอา ก่อนสิสมมุตเว้าเข้าในเรื่องบ่อนเรียงบท พี่ขวัญชัยแสงยศเพิ่นแบ่งปันบ่ทันพร่อง ตัวของพิสมัยน้อมสมมุตนามเป็นนางไอ่ แฟนบ่ต้องสงสัยฟ้าสีครามนามชื่อนี้บุญมีอ้ายกะอยู่นำ ลำปีก่อนกับปีนี้กะคือเก่าบ่ไปไส พี่ขวัญชัยพี่บุญมีบ่เปลี่ยนแปลงให้วงฮ่าง ส่อยกันลำส่อยกันสร้างบ่ปีนเกลียวให้พร้อยด่าง ผู้เพิ่นจ้างฟ้าสีครามรับร้องได้ทุกมื้อไปลำจ้างบ่เปลี่ยนโต หมัยนางลำแม่นสิรูปบ่โก้กายน้องก่ำคือกา ชีวิตเป็นชาวนาก่ำกะตามแต่เพียงร่าง ใจของนางยังคงที่เป็นคนมีอุดมการณ์บ่หลบปี้นหลบไป่ ลำแต่น้อยจนใหญ่อาศัยแฟนผู้ส่อยย่องอีหมัยน้องจั่งค่อยดัง ฮานี้ตกลงใจวาสิมาอยู่ยั้งกับอ้ายพี่ขวัญชัย ฟ้าสีครามบ่ไปไสพิสมัยกะเคยเว่า แล้วคันแม่นเซาวงนี้สิวางมือซามน้องแอ่ว ตัดสินใจคักแล้วจั่งมาเว้าสู่ฟัง ขอขอบคุณพวกแฟนๆอีกครั้งที่มานั่งเป็นระดับ จับนิทานผาแดงก่อนสิไปบ่มีช้า อาหังโตยามข้าเป็นสาวมาชื่อนางไอ่ เมืองทีตานครใหญ่พญาขอมเป็นผู้เฝ้าสิไปเว่าพ่อกะน้า เอ้อ เอย ล่ะน

ขอเอาซาวด์แคนนี้ำปฝึกลำลงช่องได้บ่ครับ มีลิขสิทธิ์บ่น่

คิดถึงอดีต แต่ยังเป็นเด็ก ไปเบิ่งหมอลำ ช่อมกัน

คักๆ

ขออนุญาตนำไปประกอบคลิปได้บ่ค่ะ

มณีนวลในหน้าเวสุดายอดสง่า กายาสวยสะอาดหน้าตาคิ้วกะก่องคม สมรูปเหลาหล่อแล้วแคล้วข่องบ่มีสอง นวลละอองสีสันเกิ่งสวรรค์เทิงนั้น ผิวพรรณคือนางฟ้าเทวดาซาเกิ่ง นางจึงนบนอบไหว้บิดาเจ้าพ่อพระองค์ ขอให้คุณพ่อเจ้าได้นำกวมปกเกศ แน่เด้อ โขงถิ่นเทเวทย์เฝ้าไพรกว้างออกธุดงค์ ขอจงแนมนำข่อยคนพลอยให้ไปฮอด ขอให้ได้หน่วยแก้วตามมุ่งปรารถนา ลูกสิกลับมาไหว้บ่ไลลาลืมง่าย ขอให้สมมาดหมายขอบพระคุณพ่อเจ้าได้นำกุ้มส่อยพะนาง....แหน่เด้อ

ทำนองขอนแก่นโบราณแท้

บ่แม่นขอนแก่นเด่ะนิอั่นนี้อุบล

ถ้าผู้ได๋เสียงดี ยากลำเป็นแล้วฝึกด้วยตนเองอีแม่ยากบอให้เฮกวิธีด้วยการฝึกลมหายใจให้หันใจเข้าให้มัมลึกใด๋ที่สุดลึกคักให้มัมสามารถเอากำลังภายในเฮาออกมาใช้ได๋เฮ็ดใด๋ทุกเชาก่อนตื่นเฮ้ดเลยเด้อหล่าไผมีพรสวรรค์แล้วต้องมีพรแสวงนำฮ็ดลองเบ่งบ่ลองบ่ฮุ้

ลำวาทกาฬสินธุ์ กลอน วัดกับบ้าน หมอลำ จักจั่นเขียว พี่น้องผู้ฟังเอ้ย เพิ่นยังว่าตกมาสองพันห้าโลกาบ่คือเก่า ใจมนุษย์ของคนเฮามัวนำกามกิเลสกั้วตัณหามั่วกว่าแต่หลัง แล้วบ่มีการยับยังฟังเทศน์ธรรมาบท ศีลปานาเลยลาลดหล่าลวมดอกควมวุ่น ถามหาคุณกองกั้งทางโยมบ่เตี้ยงต่อ เกิดเป็นหนุ่มเป็นสาวมามีแต่เตรียมท่าจ้อโอ้ยรอถ่านุ่งแต่ยีนส์ สาวสังคมดีดดิ้นทำทรงส่าบ่หัวซา หาแต่แนวมาเสริมตื่มทรงประสงค์เอ้ พี่น้องเอ้ยเลยมาเพมาล้มโยมเอ๋ยโยมข้าวบ่ส่ง มวลพระสงฆ์พระเจ้าอาศัยข้าวดอกส่งเพล พี่น้องเอ้ยบ่แม่นผมเว้าเล่นเห็นวัดปานเห็นผี ยามมีเทคมีหมอลำลูกขี่คอน้อเป็นปุ้ม แล้วซุมหัวขาวหัวหล่อนฟันคอนผัดบ่ค่อย ทางวัดวากะมิดจ้อยๆอ้ายเณรน้อยได้ลักหนี แล้วคำพระองค์เพิ่นบอกชี้บ่มีผู้สิทำตาม ยามเอาบุญลงโฮมได้ส่งเพลจนตาฮ้อน หาว่าทางส่งฮ้ายทางกะโยมผัดแฮ่งกิ่ว หาว่าทางพระท่านพวกไทบ้านผัดแฮ่งจัง แล้วบ่ได้ติดต่อตั้งพระเณรหลั่งน้อลาหนี พวกพระเถรเณรชีปล่อยกุฎิจนเซม้าง เห็นแต่ทางไปซ้อนป่าสวนมอนกะคงอยู่ ทางวัดวากะบ่ฮู้พระครูเฒ่าจ้ำแจ่วบอง พี่น้องเอ้ยยามคนตายเพิ่นจั่งฮ้องหน้าหล่านานิมนต์ เป็นนำโยมหรือว่าเป็นนำพระอย่าพระธรรมให้จำไว้ แล้วคุณจอมไตรยังคงหมั่นบ่มีวันสิแปลเปลี่ยน ผมจักจั่นเขียวหมอลำเตือนหมอลำเตือน ให้ท่านเพียรแนหล่ะเจ้า เทียวจังหันทุกเช้า ยาคูเฒ่าสิอยู่นำ ยาคูเฒ่าสิอยู่โดน คนเอ๋ยคน โอ้ยจำไว้แนศรัทธาฟังเอ้ย

กลอนลำ​ สาวหมอลำไร้คู่​ -​ เเม่​ ฮันนี่​ ศรีอีสาน ~โอ๊ย.... ละว่าเดือนเอ้ยเดือนสูงคล้อย... สาวนางคอยอยู่หน้าต่าง​ ล้ะนัดกันไว้กะเลยห่าง​ ว่าสิกายมาย่องเยี่ยม... โอ๊ย... คืนนี้.. เเม่น​ บ่เห็น​ โอ้ย.. คืนนี้​ เเม่นบ่เห็น... กลับมาเเหม๋.... นา... ยังคอยอ้าย.... ~ล้ะมาบัดนี้สาวนางลำได้มาร้องฉลองงานพวกอิพ่อ... มาเห็นชายรูปหล่อ​ พออยากกายมาเกิดเยี่ยม​ เเม่นชายลี้สิจ่มนำ.... ~ล้ะสาวหมอลำนี้หากเกิดบ่เเม่นก้ำไปตามชาติซาตา... วาสนาสิลอยลม.. ย่านเเต่จม... โอ้ย... ลงน้ำ... ล้ะพออยากเป็นสะพานข้ามหมาองเทียวทองพวกแม่พ่อ... ย่านหลายเด้... ย่านเเต่รักบ่สมปอง​ เพียงเเต่มองได้นั่งเก้อ... ละเมอเว้าได้เเต่ฝัน.... ล้ะสาวหมอลำมาขอเกี้ยว​ บ่เหลียวนำเเม้เเต่หน่อย... อ้ายเอ๋ย....เป็นสาวหมอลำต่ำต้อย...ปัญญาด้อยว่า...พี่ชาย​ ปัญญาด้อยว่า... พี่ชาย... โอ้ยเด้น้อ... นา... นั่นล้ะนา​ นั่นล้ะนา.... #ลำล่อง​ #ฮันนี่​ ศรีอีสาน #กว่าสิจับจุดได้5555

ม่วนๆเกือบลุกมาฟ้อนเสย🤣🤣🤣

ทำนอง อุบลเด้ะนิ

ลำพุทธทำนาย หมอลำ สะไบแพร นามจิตร ทำนอง กาฬสินธุ์ ล่ะมาบัดนี้ตกว่างโลกาข่อนนอนบ่เต็มตาหน่วย ภูสิหวยอ่วยเนิ่งเพลิงสิไหม้จี่เผา โลกมนุษย์ชมภูพวมสิควันอูดเอ้าเผาจี่ทวีหนัก คนสิกลายเป็นยักษ์เปรตผีโพงเป้า ซอมเบิ่งเอาเด้อท่านปัจจุบันบ่คือก่อน โลกขอเฮากะฮ้อนปานนอนพื้นแม่สะแนน นอนผืนพรมพอปานนอนแผ่นแป้นปานนอนแผ่นศิลาหิน ฆ่ากันกินบ่มีกลัวชั่วดีบ่มีโอ้ ราคีคาวฉาวโฉ่ความโมโหพาตกต่ำ ขาดศีลธรรมห่อร่างพากันสร้างสิ่งบ่ดี คำพุทธทำนายเพิ่นได้ตัดสั่งชี้ว่าข่อนเคิงสองพันปลาย โลกสิเป็นทะเลทรายหมู่คนสิเป็นบ้า ไฟตัณหาเผาไหม้ทางจิตใจคนพ้อยด่าง ใกล้ล่ะเด้อญาแม่ใกล้สิตกถึงหว่างศาสนาพุทธเจ้าสิสูญเศร้าดอกเสื่อมถอย ควายบักดำอีด่อนบักเขาเลอีตู้น้อยพากันสั่งกิโลขาย ไปงมงายนำแนวกินทรัพย์สินรายได้ บ่สนใจคลองเค้าประเพณีแต่กี้ก่อน เกิดภาวะโลกร้อนปานนอนข้างขี้ถ่านไฟ ว่าปีก่อนหกจังหวัดภาคใต้ถืกคลื่นใหญ่ภัยพิบัติ หกจังหวักฝั่งทะเลอันดามันสั่นสะเทือนโฮฮ้อง เกิดเป็นฟองทะเลบ้านคนหนีตายอลหม่าน นี่ล่ะเด้อญาแม่นี่ล่ะเป็นสัญญาณจากเบื่้องบนคนทั่วหล้าไปภายหน้าถ่าเบิ่งไป โลกมนุษย์ชมภูสิบ่มีต้นไม้ธรรมชาติสิแปรปรวน ป่าสงวนไปทำลายปล่อยให้ภูหัวโล้น ฟ้าหรือฝนเลยบ่ตกตามเป้าย่อนคนเฮาใจตกต่ำ แม้ตั้งแต่ภูเขามหึมาค่าล้ำยังอ่วยเนิ่ง เอ้อ.... .ให้เบิ่งเอา ยังอ่วยเนิ้ง ให้เบิ่งเอาศรัทธาเฮา โอ้ย ล่ะนา ล่ะน่า....

อยากได้กลอนลำอ้ายนิด จากแต่กายใจคึดถึงคับ

ขอไห้ลงกลอนลำตามทำนองลายแคนได้บ่ครับ

ไผมีกลอนลำลงมาให้หัดลำนำแหน่เด้อครับ

กลอนลำ สาวหมอลำตามแฟน แม่พิศมัย เพชรลมโชย โอย.......โอ้ย........ละแฟนเอ๋ยแฟนไกลหน้า บ่มีว่าสิคืนมา ได้นำเอิ้นอยู่ ว่อนๆ ถึงยามกินยามนอน ได้แต่น้อห่วงเจ้าจั่งนำเอิ่น ให้พี่คืน เหอะเออ..... เอ๋ย... ละน่า ละนับแต่พัดพากเจ้า เจรจางามเห็นเป็นดั่งสรมาแทงมันบ่งในกะใจน้อง. แล้วนางจั่งไลหนห้องเมืองกาสินดินน้ำก่ำ นำหาแฟนผู้โก้จั่กไปค้างอยู่บ่อนใด๋ ไปขอนแก่นกะบ่พ้อเลยขึ้นสู่เมืองอุดร หอนสิกลับคืนมาคิดอยากหา.ให้มันพ่อ งอไปดูงานฝ้ายทางเมืองเลย ใกล้ท่าลี่บ่เห็นมีพ่อบักน้อยหัวใจข่อยสิหมุนเพ. ละย่องจนหมุนเอ่เล่อยู่แถวเขตริมโขง ทางหนองคายชายแดนแล่นอยู่แถวริมน้ำ. ตามลงมาทางเบื่องเมืองสกลได้พ้นผ่าน ทางจังหวัดมุกดาหาร นครพนมกะบ่พ้อ ซ่างมาล้อให้คิดนำ ต่อจากนั้นเลยจ้ำไปเบิ่งทางยโส เสียงคนโห่งานบุญ แห่บั้งไฟอยู่เต็มบ้าน. บ่เห็นตาหวานฉ่ำซ่างใจดำแท้น้อ พี่. นำหาพ่อคนดีไปวารินล่วงพู้นอุบลก่วงกะบ่มี. เลาะมาทางแก๋วพี้ ศรีสะเกษกะค่อยลัด ยั้บไปทางชายแดนแก๋วสุรินกะเมือง ช้าง บ่มีทางสิเห็นอ้ายคิดนำหลายใกล้สิค่ำ ไปแถวเขตบุรีรัมย์ สายโท เจ็ดแปดเก้า บ่เห็นเจาพ่อบักหำ ต่อจากนั้นเลยจ้ำไปไหวคุณหญิงโม โงไปแถวชัยภูมิกะเห็นเงาอ้าย กายมาเมืองเกินร้อยมาค่อยดูใกล้สิเที่ยง ยั้บมาเมืองสารคามนำหาแฟนกะบ่พ้อ.....เลยขอเอิ่น...ให้พี่คืน..ล่ะเด้อแฟนเด้อ. เหอะเออเอ่อเออ...ล่ะน่า

ลองฝึกหัดกลอนนี้กันดูครับ โอมละลวยว่ามหาละลวยผู้ข้าเสกเด้อใส่แป้ง แล้วสิเป่าไปตามลม โอมคาถาลิ้นทองของสัมมาพระโคดม สิจ่มมนต์คันมนต์กล้า คาถาธรรมจบสิ้น ลิ้นทองกาละเวกเสกมนต์ขลังใส่ผู้เฒ่า ฮอดยามเช้าอย่าซะติง ฟังแล้วมิดเด้ออิ้งติ้งลืมเคี้ยวหมากพันยา อ้อปุตโตสิมมะลีให้ก่อกวมโอ้ยคุมกั้ง คือถืกวันจังงังคุณผู้ฟังอย่าเหงาง่วงนะปิดโตโมปิดดังปิดทวารทั้งเก้าอย่าเหงานอนจนแจ้ง...หุ่ง พวกแม่ป้าพ่อลุงกับทั้งสาวดอกส่ำน้อยได้ฟังข่อยให้คิดถึง ลืมฮอดหนึ่งข้าวหม่า สาวแม่ฮ่างน้อแม่หม้ายเจ้าภาพใส่คายพอฟังฮอดหมอวีรพงษ์สิอ่วยแคนคันลายน้อย เมียนอนคอยอยู่ทางบ้านจนลืมเมือหยอดน้ำเต่า ฟังแต่สามทุ่ม หม่าจนว่าฮอดมื้อเช้าให้มนต์เข้าดอกก่อกวม สรุปความบ่แล้วฟังไว้อีกกะงามหลายตะเว็นกลายสามโมง..จั่งสิลาโอ้ยลงฮ้าน บ่แม่นคุยบ่มีหว่านๆลูกของพ่อทันใจคันได้เว้าจะต้องแน่ หละขอโทษเด้อคุณพ่อขอโทษเด้อคุณแม่ฟังผมคุยแล้วสิคุ้ยเอาคำเข้าแม่นตื่มลง หงส์ลอยเหวิ่น....

ม่วนครับคึดฮอดบ้าน

คือจังทำนองอุบลนี้ครับ

ละศาสนาสองพันห้า วัดกะมีแต่หลวงตา... พอเป็นเจ้าได้เฝ้าอยู่ หาญาคูญาซา พระหนุ่ม ๆ แน่น ๆ เทิ่งเณรน้อย...บ่ค่อยมี... ละคิดต่อพระบวชใหม่ บ่ได้จักเด้อ...กี่มื้อ พระสึกออกลาศีล ฟ้าวนำการนำงาน ย้านแต่เงิน...บ่พอไซ้ โยมผุไปกินทานกะบ่ใสโฮงเหลื่อม บ่หนาตา...คือแต่เก่า ไปจังหันจังเพลมีแต่พ่อออกเฒ่า มีแต่แม่ออกเฒ่าบ่คือเค้า...แต่เก่าหลัง... เป็นนำหยังละพี่น้อง เป็นนำพระ...หึนำโยม เบิ่งแล้วสมพอกัน เทิ่งวัดวาและทางบ้าน... โยมบ่ไปกินทานบ่เลื่อมใสหลวงตาเฒ่า กะพอมีอยู่บ้างแหน่ ละส่วนหลวงตาแก่ ๆ กะควรมองเบิ่งข้างเจ้าของบ้างเป็นจั๋งได๋... ละปรับเข้ามาใส่กันให้มันพอน้ออยู่ได้ เพื่อสืบต่อศาสนา อย่ามัวหวังอัตติลีลาภและผลให้ทนค้ำ ละเว้านำคนสมัยนี้มีให้เห็นพ่องเป็นข่าวละพากันแตกหย่าว ๆ ได้ยินข่าวพระบอกใบ้หวยแม่นฟ้าวแล่นหา บ่หัวซาพระวัดบ้านยามเป็นบุญเป็นงานเปิดเครื่องเอิ้นอยู่วอน......วอน... ตีระฆังกะบ่เห็นตีกลองเพลกะบ่ฟ้าว เทียวไปเฝ้าพระอยู่ดอน นี้กะเป็นโตอย่างพอเห็นภาพสะท้อนว่าโยมห่วงแต่นำหวย คนหวังรวยแต่นำเบอร์ เพิ่นผู้ถืกเอ้ย แห่งเป็นฮ้าย เหลีวเห็นหยังกะให้ทาย บายหยังมากะซงใบ้ บอกโยมเป็นนัย ๆ เออ.... แนวบ่เว้าอยู่ควมเก่า หนทางเทียวเข้าไปเหล่าแปนพอปานเดิ่นบ้าน บัดห่าพระอยู่วัดบ้านแนวสันเข่ากะบ่มี ละผู้ได้สันของดี... แม่นผุปักกดถ่าอยู่หัวนาพ่อเฒ่าจ่อย ละโยมได๋ไปเพิ่นกะปล่อยเลขสองโตยุเลาะข้างทั้งบนล่างให้โต๊ดเต็ง ผู้ดวงเฮ็งกะไคด้วย ผู้ดวงซวยซ้ำทุกข์ต่อ ละปล่อยหลวงพ่ออยู่วัดบ้านสันมาม่า ถ่าแต่โยม โอ้ยน้อ... โอ้ยย... ละนา ล่ะหน่า

มีกลอนลำพอดั่ยหัดบ่คับ อาจารย์

ชอบบรรยากาศบ้านๆครับ

ใด่บรรยากาศของแท่เลยครับ

ราวางผีแมงนุนเดอ้

หนูนายากิน,มากขิดถึง มาก

สุดยอดเลย

คักๆบ่าวเจิ้ม

สุดยอดเล้ยบ่าวเจิ้ม....

คักๆครับผมทีมงานนิ

เป็นตาย่าน คักๆๆบ่าวเจิ้ม55555

บ่าวเจิ้มหล่อแท้ครับ

ดีทุกอย่างเสียอย่างเดียวเห็นแต่ตา5555

คนสู้ชีวิตขนาดตาลบ5555555

คงมันแน่ๆที่ก้องห้วยไร่จัดฟุตบอลรอดูหนัาแชมป์ห้วยไร่คัพทีมแรกว่าจะเป็นทีมไหน