Refrain : Chante danse : (Gloria) Rele viv pou Bondye nou an. Chante danse : (Gloria ) Bat bravo pou li. Chante danse : (Gloria) Jwe mizik pou Bondye nou an. Chante danse : (Gloria ) Fè konpliman pou li. 1-Bondye kreye syèl la, li kreye tè a ak tout zwazo yo kape chante san rete. Bondye te kreye moun, fè n pòtre ak li, pou tout bèl mèvèy sa yo an nou lwanje non li. 2-Bondye tèlman renmen n, li voye Jezi, vini sou tè a pou l te kapab delivre n. Glwa pou Jezi gran frè n, ki t'aksepte mouri, pou nou sou lakwa pou tout kretyen ka gen lavi. 3-Lwanj pou Lespri - sen an, k' se lespri papa a, lespri pitit la kap ba nou fòs pou n kenbe. Se li kap Gide nou, aprann nou renmen, an nou met ansanm pou nou fè lwanj trinite a.