نحنا أهل الفرحة جينا لا المدامع وقفتنا ولا الحكايات الحزينة لما درب الرايح جابنا جابنا في هذي المدينة ياولدي الدروب شقاقة بحر التيه ليك درب ولا دربين مساك الدروب ضهاب ليك قلب ولا بالين سواي القلوب كضاب ليك ضهر ولا سرجين ركاب السروج وقاع شق يا ولدي بحر التيه بتدردر وتتودر ولا من يوم على تايتنا ديك ترسى نعزك بالقبيل داخرينو ليك الشوق بحر يا.. يا ولدي بحراً تيه! قلت ليك العليك أدرابو..لا تنغش..ولا ترضابو...لا تنغش! في الزمن الزمين والكي يسوهو خلاف عشان الني عليك الدور وتصريف الليالي بيدور تشيل ما شلنا من الهم ولا من دمعة ترمي الدمعة فوق دربك روح يابا وأبقى قفاك لا تعاين ولا تعاين على موطاك ولا تندم على خطواً تملي مشيتو لقدام وأبقى العاتي زي سنطتنا زي صبراً نلوك فوق مرَّو زي الزاد لا شيتاً نزل في الجوف ولا بيرجع ولا بينزاد! وأركز للبيجبها الريح تقيف إنت ويشيلها الريح وأبقى العاتي العاتي والدرب الوراك مسدود شيل شيلتك.. بقيت للنص لا حلماً يجيب البر..ولا حدود وإن بليتا أخطى الرمل ما تقع المكان الهش هي الممطورة ما بتبالي من الرش النعمة بتعرف عاطيها والجمرة بتحرق واطيها بالكيلة عطانا وما لقينا فوق جمر خطانا وما لقينا يوم الوعد يا حليوة فيك الدنيا ما كانت شروق إلا الأرض، متكشفة ومتبلمة نعم إنو من خير الخريف لفحالها شال يوم الوعد..من طرحة خضرة فرحة دوب تتشابا لعين الشمس يا يوم الوعد من بت حليوة، اللابسة بيضة بيضة كذا الحليب والروح مشحتفة في البلود الفيها ريحتك للبيعود من فرحة الغربة البيساسق فوقها مو راجع ولا بالحيل قريب الروح مشحفتة في الحبيب القلب بكر الدنيا ما شافت جديدو ولا الحزن دقالو باب لو شفتي كيف يوم الوعد كيفنو مترامي الغمام والقمري زغرد للبالوم والنسمة هبت مرتين يا حليوة يوم دقيت بأرضك فاس خصيب والتانية في يوم الوعد والإيد تسالم في الإيدين والأم تقالد فوق جناها تشموزين وحليوة صاحية حليوة ضاحية كذا النسيم، يوم الوعد والدنيا غيم وحليوة جد جد، يا ولد! قول للبلد: قايل غناوي الحزن ليش؟ شايل مساديرك مجامر دمع ليش؟ ليش يا بلد والناس تريد والدنيا كلمن تزيد تملى الإيدين، تفرح، تهش تفرح، تهش! تملى الإيدين! لو صحيح غنينا بالدمعة الحميمة لو دموع الفرحة ما لاقت غنانا بكرة نرجع تاني للكلمة الرحيمة شان هنانا شان منانا شان عيون أطفالنا ما تضوق الهزيمة

كل جمال ❤ لحن 🎶 جميل 🎵

اللهم ارحم من تركوا خلفهم قلوب حزينه، وبيوت ناقصه اللهم اجعلهم اصحاب جنة لا دموع فيها ولا فراق

لا تحصل خراب لا ارجي يوم وديرا خربت واتدمرت يا قدال 😢

الموسيقار عثمان النور روح الطابور❤

رحمك الله يا القدال وأسكنك فسيح الجنات وجبر كسر السودان

التحيه لعثمان النو وامال النور والفرقه الموسيقيه والشعراء وكل الحضور رحمه الله القدال

عليك السلام في قبرك عليك الامان عليك الرحمة التي تنام معك طويلا الي يوم يبعثون فعليك يا القدال من الله اندي سلام ومغفره طيب الله روحك بنعيمه ورضوانه الله خير لك منا وارحم.

سامعك في صمت الخلوق اسر سنيني الضايعه في لهفه ريده النيلين مرجوه في عابر الوريدين شاعر محال يتلملم عقاب العاتي الجبال راجي محال يتلقي محصول زي راوي عبادو وبلادو ورحالو طالت بعيد عتابو عصابو راحل السنين الطااااالت سهااااهم وضاحو في حراب راحت من سنين عابره الزكره في عويناتو في طيب نطقو الزريع العربي المحتان اليباس مرتخي

ود عجيب

رحمة الله عليك ياحاج محمد

ياسلام ياخ ' اتحدى اى واحد طلع من الخرطوم ويسمع الوصايا دى وما يبكي .

رحم الله القدال... الوطن

اللهم ارحمه واغفر له

القدال وطن 💜💜

فينا قادل إلى يوم الجمع

يا لعظمة القدّال ومقدرته الفائقة على التنبؤ.. هذه القصيدة كتبت قبل ثمانية أعوام وكأنه يخاطب الشباب الثائر اليوم.

الطمبارة والغناي دي ممكن تونسك عديل كدا وتنصحك وتهدّيك وتضحك معاك وتزعلك وتفرحك وتبكيك وتسألك وتجاوب ليك، أغنية عجيبة كلمة ولحن، الله يرحمك يا خال ويجعل الجنة دارك ومستقرك ان شاءالله.

القدال فقد عظيم 💔

❣️❣️❣️❣️❣️❣️❣️

نرجو كتابة السيرة بطريقة أوضح و ابط

رررافت كل الحب لييك اابدعتاا

ما خرج من القلب استقر في قلب اخر

😍😍😍😭😭❤️🔥🔥

والروح مشحتفه في البلود الفيها ريحتك ❤️

شكرا عملاق حليوة♥

قداااااال حليوة

رحمك الله تغشاك يا القدال يشبه والدي اطال الله في عمره.

مكنه

و الخدمة مزبوطة ، مزبوطة مدنية ، و الدنيا حرية آميينن🙏❤

والله انت يا القدّال في كل الخواتم ، الف رحمة و نور❤

العظيم قدال كلماتك تكون محفورة علي وجدانآ دائمآ يابا مع السلامة❤❤

المقطع دة يوم بكتلني من غير احس بلقي نفسي وقفت حيلي ودموعي حالفه كان تقيف💔

this touches the heart

يسقط حكم العسكر وحكومة الفقر والدمار

ربنا يجعل مثواه الجنة يارب

عقدالجلاد الناس الجميلين والبحبكم شديد وبحب غناكم

شكرا النو ❤️❤️❤️❤️❤️

العقد الفريد أعطانا ليلة من ليالي العمر ستبقى في الذاكرة الى الابد هذا الاداء لاغنيه امونه لوحة تاريخية ستظل في وجدان الشعب السوداني رحم الله ابونا القدال رحمه واسعه

♥️♥️♥️

القدال يقدل في وجداننا للابد⁦❤️⁩

يا ولدي الدروب شقاقة بحر التيه ❤️

الف رحمه ونور تنزل علي قبره😭

الف رحمه ونور تنزل علي قبرة