გამარჯობა, ჩემსას არ მოჰყოლია. მხოლოდ აქსელერატორის სახელური აქვს. ჩვენებურად რომ ვთქვათ გაზის სახელური. რამდენზეც დააჭერ, იმდენით უმატებს დენს.

ელექტროველოსიპედებს ძრავა ავტომატურად ეთიშებათ ევროპული სტანდარტით 25 ან ამერიკული სტანდარტით 38 კმ/სთ სიჩქარეზე. როგორი ძლიერი ძრავაც არ უნდა ეყენოს და რა ძაბვაზეც არ უნდა მუშაობდეს, თუ შეზღუდვა არ იქნება გათიშული, მნიშვნელობა არა აქვს. შეზღუდვის გათიშვას კი არ ვურჩევდი რედუქტორიანი ძრავი ვისაც უყენია იმიტომ, რომ კბილანები პლასტმასისაა და მაღალ ბრუნებზე მალე ცვდება და კბილები იმტვრევა. სამაგიეროდ, რედუქტორიანი ძრავა იმითაა კარგი, რომ ადგილიდან სწრაფად იძრება და აღმართზეც ნაკლებ დენს მოიხმარს. რომ მოუხსნა შეზღუდვა, მეტსაც აქაჩავს კბილანების დამტვრევამდე. თუმცა არ ღირს ძრავით მაღალი სიჩქარეების აწევა ველოსიპედზე. სამუხრუჭე მანძილი ძალიან იზრდება და ალეწვა გარანტირებულია. მეტი სიჩქარით სამოძრაოდ მოპედი ჯობია. უფრო მეტით - მოტოციკლი და მანქანა.

გამარჯობა, მეორე წელი შესრულდება აგვისტოში რაც ელექტროდ გადავაკეთე და წელიწადი შესრულდა თებერვალში, რაც უფრო ტევადი აკუმულატორი შევუკვეთე. ამ ვიდეოში რაც იყო, 38 კილომეტრი იყო მაქსიმუმი ერთი დამუხტვა რაზეც მყოფნიდა აღმართიან სწორიანად. 2022-ის თებერვალში შევუკვეთე აკუმულატორი, რომელმაც უნდა გამატაროს 170 კილომეტრი. ჯერჯერობით მაქსიმუმი რაც ვიარე, იყო 135 კილომეტრი და სადღაც 30-40%-მდე იყო დარჩენილი აკუმულატორის მუხტი. მაგაზე მეტი უბრალოდ არ მივლია რომ ბოლომდე დამესვა და გამეგო რეალურად რამდენზე მეყოფოდა. აკუმულატორი 1 წლის შემდეგ ნორმალურადაა. ვერ ვატყობ რომ რამე დააკლდა. ზამთარში, როცა ცივა და ყინავს, ეტყობა რომ მკვეთრად ეცემა რესურსი. შეიძლება მწვანე ჩაქრეს 16-20 კილომეტრზეც კი და მაქსიმუმ გამატაროს ალბათ 50-70 კილომეტრი, მაგრამ დათბობასთან ერთად ყველაფერი ნორმას უბრუნდება და ისევ ისეა, როგორც თავიდან. ჯერჯერობით ეგრეა.

@@VeloBlogi ვესაუბრები ხშირად უკვე მიხაილოს, ჩამოვყალიბდით ამ ვარიანტზე Volto 350GR Pro. გათვალისწინებული იქნა აღმართი კოჯრამდე მხოლოდ გაზით. თქვენ რას ფიქრობთ როგორც უკვე პრაქტიკოსი და მომხმარებელი ამ კომპლექტაციაზე? და მადლობა პასუხისთვის

რავი... თეორიულად კარგი ვარიანტია. პრაქტიკაში რამდენ ხანს ეყოფა აკუმულატორი მუდმივად მაღალ დატვირთვაზე სამუშაოდ არ ვიცი. სულ ცოტა 20 კილომეტრი უწყვეტი აღმართია, თან შინდისიდან ტაბახმელამდე საკმაოდ მძიმე აღმართიც. ისიც გასათვალისწინებელია, რომ სიცივეში ლითიუმის აკუმულატორი ბევრად მალე ჯდება, ვიდრე თბილ ამინდებში. კოჯრისკენ კი ზამთარში დღისითაც ყინვაა. ჩემთვის რომ ვიღებდე კოჯრის შემთხვევაში, სულ მცირე 150 კილომეტრის სამყოფ აკუმულატორს ავიღებდი ცოტა მეტი რესურსი რომ მქონოდა რეზერვში. ასევე გასათვალისწინებელია, რომ ძრავის კბილანებს და რკალის სპიცებს დაადგება დიდი დატვირთვა ხანგრძლივად დიდ აღმართებზე სიარულისას. მე მაგალითად ყოველთვის ვატრიალებ პედლებს და ისე ვმოძრაობ. ძრავა მე მეხმარება, მე ძრავას. ორივე ერთმანეთის რესურსს ვუფრთხილდებით. მანქანაა მართალია, მაგრამ ადამიანური მიდგომები მაგასთანაც მუშაობს. ;)

გამარჯობა, მე არ ვარ ხელოსანი და ყველაფერი არ ვიცი სამწუხაროდ. ვერ მივხვდი დენს არ იძლევა რას ნიშნავს... წესით ძრავა დეს არ უნდა იძლეოდეს. ძრავა დენს უნდა იღებდეს აკუმულატორიდან და ბორბალს ატრიალებდეს. როცა ბორბალს ატრიალებთ და დენს იძლევა ძრავა, ეგ უკვე გენერატორია. მუდმივი დენის ძრავებს შეუძლიათ გენერატორივით დენის მიცემა, უბრალოდ როგორც კი ამ დენზე რამეს შეაერთებთ, მაგალითად ველოსიპედის აკუმულატორს დასატენად, ბორბალს ტრიალი გაუძნელდება იმის მიხედვით, თუ რა სიძლიერის დენი სჭირდება აკუმულატორს დასატენად. ელექტრომანქანებზე ძრავით დამუხრუჭებისთვის იყენებენ ამ თვისებას. ველოსიპედზე არ გამოვა დაღმართზე დაგორებისას ძრავამ დენი რომ გამოიმუშავოს და აკუმულატორი დატენოს იმიტომ, რომ ბორბლის ტრიალი ძალიან გაძნელდება და ბოლოს გაჩერდება, ან ძალიან ნელა ივლის. სწორზე მითუმეტეს. იმედია სწორად გავიგე რაც გაინტერესებდათ.

ფასი ძრავის სიმძლავრეზე და აკუმულატორის ტევადობაზეა დამოკიდებული. ეხლა რაც მიყენია, აკუმულატორი ერთ დატენვაზე 170 კილომეტრამდე უნდა მეყოს. ჯერ მაგხელა მანძილი ერთ გასვლაზე არ გამივლია და ვერ დავსვი ბოლომდე რომ გავიგო რამდენს გაივლის. ყველაზე მეტი რაც ვიარე იყო 120 კილომეტრი და უპრობლემოდ გამატარა. 1800 ლარამდე დაჯდება ალბათ. არ ვიცი... ყველაზე იაფი 20-30 კილომეტრზე ყოფნის და ჩემთვის ძალიან ცოტა იყო. ამ საიტზე აქვს ფასები სხვადასხვა კომპლექტებზე: www.volto-bike.com/price

გამარჯობა, ვეცდები.

​@@VeloBlogiგამარჯობა,დიდი ხანია ვაპირებ ელექტრო ველოს ყიდვას,მაგრამ შემდეგ შენი ეს ვიდეო ვნახე და აზრი შევიცვალე.მაინტერესებს,რა უკეთესია ქალაქში სამოძრაოდ ელექტრო ველოს ყიდვა თუ ჩვეულებრივის და შემდეგ გადაკეთება,თავისთავად,ბიუჯეტის მხრივ ვგულისხმობ.ალბათ,ჩვეულებრივის ყიდვა გადაკეთება არა?!

ქარხნული კარგი ელექტროველოსიპედის ფასი 3000 ევროდან იწყება და მიდის მაღლა. ჩინური ელექტროველოსიპედებიც ვნახე თბილისის მაღაზიებში 2000 ლარიდან ზევით, მაგრამ არ ვიცი როგორი იქნება. გადაკეთების შემთხვევაში 1800 ლარიდან იწყება ნორმალური ველოსიპედების ფასები და გადაკეთება 600-დან 5-6000 ლარამდე. გააჩნია აკუმულატორი რამხელა მანძილზე უნდა ეყოს ერთ დატენვაზე. მე რაც მეყენა, 30-50 კილომეტრს მატარებდა და 600 ლარი ჯდებოდა. ეხლა რაც მიყენია, 170 კილომეტრმდე უნდა მეყოს. ჯერ ბოლომდე ვერ დავსვი. მაქსიმუმი მანძილი რაც გავიარე 1 დატენვაზე იყო 120 კილომეტრი. ასეთი აკუმულატორი 1800 ლარამდე დაჯდება ალბათ. ეხლა არ ვიცი რა ფასები აქვს. წინა წლის იანვარში შევუკვეთე და თებერვალში დავაყენებინე. ჩემსას დაბალი სიმძლავრის ძრავა უყენია და მე პედლებითაც ვეხმარები. ასე მირჩევნია. არ მინდა პედლების გარეშე მოძრავი ტრანსპორტი. თებერვალში 1 წელი გავა რაც მაქვს ახალი აკუმულატორი და ჯერჯერობით ისევ ყოჩაღადაა.

@@VeloBlogi გასაგებია ყველაფერი.კურიერად ვაპირებ მუშაობის დაწყებას,სტუდენტი ვარ.მეც დაახლოებით მაგ ისეთი მოცულობის აკუმულატორი მაწყობს,რომელიც 30-დან 50-მდე კმ-ს გამატარებს.საკმარისია და თან,რაც მთავარია ჩემთვის,ბიუჭეტურიც.გმადლოჰ რომ მიპასუხე.ძალიან დამეხმარა შენი ინფორმაცია.ერთი კითხვა მაქვს კიდევ,თუ შეგიძლია კომპეტენტურად მიპასუხო,რომელი ველოს შეძენა შემიძლია თბილისში იაფად და მეტ-ნაკლებად,ხარისხიანიც რომ იყოს,რომელზეც მსგავსი მოცულობის აკუმულატორი დაყენდება.კიდევ ერთხელ მადლობა🤝❤️

მოინელა უკვე ;)

ნეტა თქვენთან მეც მაკატავა 😊

გამარჯობა, რამდენიომე მიზეზი შეიძლება იყოს. კარგი იქნება ხელოსანთან რომ მიიყვანოთ.

გამარჯობა, ქარხნული ელექტროველოსიპედი ჯერ არ მყოლია და არ ვიცი რომელი ბრენდის აჯობებს კურიერებისთვის. აქ რაც მაქვს მაღაზიებში ნანახი ახალი ელექტროველოსიპედებიდან, სუყველა იყო სამთო და დაახლოებით 60-70 კილომეტრზე ყოფნის აკუმულატორის რეზერვი ჰიბრიდულ რეჟიმში მუშაობისას, როცა პედლებს ატრიალებ და ძრავა გეხმარება. სიჩქარე ქარხნულ ელექტროველოსიპედებს შეზღუდული აქვთ 25 კმ/სთ-მდე ქვეყნების უმეტესობაში არსებული კანონის მოთხოვნის შესაბამისად და ფასი 3000 ევროდან ზევითაა. კურიერისთვის ჩემი აზრით აჯობებს ჩვეულებრივი ველოსიპედი გადააკეთოს ელექტროდ. უფრო იაფიც დაუჯდება და აკუმულატორი უფრო დიდ მანძილზე რომ ეყოს, ეგეთი ვარიანტებიც მეტია ქარხნულზე ბევრად დაბალ ფასად. ველოკურიერი თბილისში დღეში ალბათ მოასწრებს 60-80 კილომეტრის გავლას შეკვეთის ლოდინის დროების და ყველაფრის გათვალისწინებით. მეტი არამგონია. თუ ველოსიპედი ყავს და მარტო გადაკეთება დასჭირდება, სადღაც 1800-2000 ლარში ალბათ გამოუვა კომპლექტი 30-35 კმ/სთ სიჩქარით ერთი აკუმულატორით თბილისში 100 კილომეტრამდე რომ გაატაროს. თუ ველოსიპედი არ ყავს, მაშინ ერთი ნორმალური ტრინქსი სადღაც 1000 ლარამდე ჯდება ახალი და 3000 ლარში ალბათ უნდა ჩაეტიოს ველოსიპედიან ელექტროსისტემიანად...

წარმატებები მეგობარო <3

მიხარია თუ მოგწონთ :)

მიხარია თუ კარგი გამოვიდა :)

ჩემი ელემენტი როცა შევუკვეთე იმ დროის ფასებით პრეორდერით (წინასწარ ფულის გადახდით და 2 თვიანი მოცდის პერიოდით) დამიჯდა 800 ლარამდე. დამტენი წინა ელემენტს მოყვა.

ამ საიტზეა ფასები კომპლექტების მიხედვით: www.volto-bike.com/price

აღმართზე კარგად ვიხალისეთ. :) არადა რომ შეხედავ ერთი ჩვეულებრივი ბილიკი ჩანს. ;)

რაც მე მიყენია (250 ვატიანი ძრავა, 36 ვოლტიანი აკუმულატორი), 35 კმ/ს-ზე მეტის დროს ძრავს თიშავს და პედლებით 38-40-ით ძალის დატანების გარეშე მოძრაობს სტაბილიურად. ოდნავ დავარდება სიჩქარე და ძრავა ისევ ირთვება და რეალურად 38-ით შეგიძლია სწორზე და მცირე აღმართებზე იმოძრავო. როგორც ვიცი, აქვს კომპლექტები, რომლებიც 25 კმ/სთ სიჩქარეზე თიშავს ძრავას. ალბათ არის კომპლექტები, რომლებსაც 40-ზე მაღალი სიჩქარეც ექნება.

ამ საიტზეა ფასები კომპლექტების მიხედვით და რომელი რა სიჩქარით დადის ისიც წერია: www.volto-bike.com/price

მე 9 თვეა რაც მყავს და ძალიან კმაყოფილი ვარ.

ჯერჯერობით ხროვასთანაც მუშაობს. არ გამომიცდია მეცხვარე ძაღლებთან. არ შემხვედრია ჯერჯერობით, თან ცოტა სხვანაირი მასტები არიან და მაგათთან სხვანაირი მიდგომა იქნება საჭირო. შოკერზე უკეთ იმუშავებს ჩამოქვეითება და გზის მშვიდობიანად გავლა. მოვლენ, დაგსუნავენ, არაერთხელ შეგიღრენენ და მერე მოგცემენ საშუალებას ნელნელა გაეცალო. გაგაცილებენ კიდევაც. თუ პატრონიც ახლოსაა, კარგია. ნაკლები ნერვიულობის ფასად გადაივლის შეხვედრა. ელექტროშოკის გამოყენებას ვერ ვურჩევ მეცხვარე ძაღლებთან ვერავის. მეეჭვება მაგით შეშინდნენ და უკან დაიხიონ. თუ მეცხვარე ძაღლი მაინც დაგესხა, მაშინ ნებისმიერ ფასსად უნდა ეცადო მოკლა. სხვა შემთხვევაში თითონ მოგკლავს.

წინა გადასართავს აქვს პრობლემა თუ უკანა გადასართავს? რომელი არ გადადის?

@@VeloBlogi ukana argadadis dzma ukana diskzeroaq is ayenia yoveltvis ertdaigiveze da pedaltan romaaqvs is ki gadadis tavisuplad

@@mamukapipia5169 ძნელი სათქმელია ზეპირად რისი ბრალია. შეიძლება უკანა გადამრთველს აქვს პრობლემა, შეიძლება ტროსია დასარეგულირებელი, შეიძლება გადამრთველის ღილაკები არ მუშაობს. თუ ტროსია დასარეგულირებელი, უფრო ადვილია გაკეთება. kzbin.info/aero/PLGCTGpvdT04TlNwuGy2pd_y8wt-oLfuij აქ არის ვიდეოები გადამრთველებზე. ინგლისურადაა, მაგრამ ისეა ახსნილი, ენის ცოდის გარეშეც გაიგებს ადამიანი. თუ არ გამოდგა ვიდეოები, მაშინ ჯობს ხელოსანთან მიიყვანო.

@@VeloBlogi kargi dzma gaixare yuradgebistvis 👍👍👍warmatebebi

@@mamukapipia5169 გმადლობ, ასევე წარმატებები.

35-ზე ძრავა გადადის ნომინალურ რეჟიმში და მეტს უკვე პედლებით აქაჩავ. სწორზე და ტრასაზე 38-40-ით მიგორავს დიდი ძალის დახარჯვის გარეშე და თუ შეგხვდა მსუბუქი აღმართები და 35-მდე დაეცა სიჩქარე, მერე ძრავა გეხმარება მაგაზე დაბლა რომ არ დაეცეს. თან ისეთ ინერციას გაძლევს, როგორც კი გზა გასწორდება თავისუფლად აქაჩავ მეტს პედლებით. მე გაზის რეგულატორი მიყენია და ხელით ვარეგულირებ გაზი რამდენზე მივცე. არის სისტემა, რომელსაც სენსორი უყენია პედლების ბუდეში თუ ბუდესთან და პედალზე ფეხის დაჭერის მიხედვით საზღვრავს რამდენად დაგეხმაროს.

@@VeloBlogi ანუ მაგაზე სწრაფი ძრავები არ არის?

@@samchedloxeobeli ეგ თითონ ვოლტო ბაიკს უნდა კითხოთ. ჩემი ძრავა 250 ვატი სიმძლავრისაა. 300, 500 1000 და მეტი ვატი სიმძლავრის ძრავებიცაა. მე არ ვყიდი არაფერს და არ ვაყენებ. ჩემი ველოსიპედი გადავაკეთებინე ვოლტო ბაიკს. მაგას აქვს ეგ სერვისი. ერთი რაც ვიცი, სიჩქარის შეზღუდვას თუ არ დააყენებ, სანამ კბილანები არ დაზიანდება მოუმატებს და მოუმატებს. 60-70-80 და ასე შემდეგ. ასევე რა სისტემა აყენია მაგაზეცაა დამოკიდებული. ჩემსას რაც არ უნდა მოვინდომო, სწორზე 40-45-ზე მეტს ვერ ავაქაჩინებ იმიტომ რომ 7 კბილანიანი კასეტა აყენია უკან. ზოგ ველოსიპედს ისეთი კასეტა უყენია, 50-60-ს ქაჩავს პედლების ტრიალით. ძრავას შეზღუდვა თუ მოხსნილი აქვს, მეტსაც აქაჩავს... ;)

ქალაქში ისეთი მოძრაობაა, 35-ზე მეტი არც მჭირდება ველოსიპედზე. თან მე ტრანსპორტად ვიყენებ და მირჩევნია დროულად მივიდე ნებისმიერ მანძილზე ნებისმიერ ადგილას ოფლის ღვრის გარეშე, თან გზაში მოძრაობა და ვარჯიშიც გამოდის. უფრო სწრაფად რომ მინდოდეს, მაშინ მოტოციკლს ვიყიდდი. ;)

გამარჯობა, სხვადასხვა სიმძლავრის ძრავებზე და აკუმულატორის ტევადობაზე სხვადასხვა ფასები აქვს. აგერაა ვოლტო ბაიკის ვებ გვერდი ფასებით და პარამეტრებით: www.volto-bike.com/price ესეც ფეისბუკის გვერდი: facebook.com/voltobike შეგიძლია მისწერო watsap-ში ან ფეისბუკ მესინჯერში და ყველაფერს აგიხსნის. საუბრობს ინგლისურად, უკრაინულად და რუსულად. ქართულს სწავლობს, მაგრამ ჯერ უჭირს საუბარი. პირველი რასაც მოგთხოვს, ველოსიპედის სურათი, ბორბლების ზომა და სპიცების რაოდენობაა დისკზე. ერთიდაიგივე კონფიგურაციაზე ორნაირი ფასები აქვს. თუ 1-2 კვირის ვადაში აკეთებინებ, ჯდება 800 ლარიდან ზევით. გააჩნია ძრავის და აკუმულატორის მონაცემებს. თუ წინასწარ უხდი და აცდი 30-50 დღემდე, მაშინ ფასი იწყება 400 ლარიდან და მიდის ზევით. ანუ წინასწარ გადახდის შემთხვევაში ბევრად ნაკლები ჯდება. ეს არის კომპლექტის ფასი. მონტაჟის თანხას ცალკე ანგარიშობს ალბათ სამუშაოს სირთულის და ვადების მიხედვით. დანარჩენს უფრო ზუსტად თითონ იტყვის ალბათ რომ მისწერთ.

არა. გაზს აუშვებ თუ არა, ეგრევე თავისუფლად ბრუნავს ბორბალი. აკრეფით რა უნდა აკრიფოს ამან, სწორზე მაქსიმუმ 40 კმ/სთ. 35-ზე.ძრავა ავტომატურად ითიშება. ;)

გამარჯობა, მე ვიყიდე ბურუსპორტში 6 წლის წინ. M Wave-ს გამოშვებული სარკეა. მაშინ ღირდა 32 ლარი. ბოლოს მაღაზიაში ვიყავი რამდენიმე თვის წინ და ჰქონდათ. ეს არის მაღაზიის ბმული ფეისბუკზე facebook.com/burusportsgeorgia.rossignol . ესეც ქალაქის ტელეფონის ნომერი: 032 230 03 16. მაღაზია ეხლა მდებარეობს ფალიაშვილის ქუჩაზე, ოღონდ რა ნომერში, არ მახსოვს. ჭავჭავაძის გამზირი რომ ავიღოთ საორიენტაციოდ, პიქსელის და ილიაუნის შენობების უკანაა ფალიაშვილზე გეგეშიძის პარკსა და 41-ე სკოლას შორის.

გამარჯობა, ფასები დამოკიდებულია ძრავის სიმძლავრეზე და აკუმულატორის ტევადობაზე. კიდევ სხვა პარამეტრებზე. ეს არის ვოლტო ბაიკის გვერდი ფეისბუკზე. facebook.com/voltobike ქართულად ცუდად საუბრობს. უკრაინელია. იცის უკრაინული, რუსული, ინგლისური. ეს არის საიტი, სადაც მოცემულია ფასები www.volto-bike.com/price ოღონდ მიწერა ჯობია მესინჯერში იმიტომ, რომ შეიძლება შეთანხმდეთ თქვენთვის მისაღებ ფასზე და კონფიგურაციაზე.

აკუმულატორები ჯერჯერობით ძალიან ძვირი სიამოვნებაა და მაგიტომ ჯდება ძვირი. ერთი ცალი ხარისხიანი და დიდი დენის ძალის გაცემის უნარიანი 18650 ტიპის აკუმულატორის ელემენტი, რომლისგანაც იწყობა ველოსიპედის აკუმულატორი, 4-8 დოლარი ღირს. 100 კილომეტრზე რომ ეყოს, საშუალოდ 60 ცალი მასეთი ელემენტისგან შემდგარი აკუმულატორია საჭირო. მანქანას რაც შეეხება, მაგ ფასად ძალიან გაუბედურებული მანქანა მოვა და ჩადგება საცობში. ;) ელექტროველოსიპედის მთელი მუღამი იმაშია, რომ ქალაქის ნებისმიერ წერტილში ადამიანს მიიყვანს მანქანაზე სწრაფად, ოფლის ღვრის გარეშე, თან უძრავად კი არ გადაადგილდები მაგ დროს, თავადაც მოძრაობ და ჯანმრთელობას ფასდაუდებელ სამსახურს უწევ. ეს ყველაფერი ვარჯიშისთვის დამატებითი დროის გამოყოფის გარეშე ხდება. :)

ასევე გასათვალისწინებელია, რომ ბრენდული, ქარხნულად დაპროექტებული და აწყობილი ელექტროველოსიპედი მინიმუმ 6000 ევრო ღირს. ჩინური ელექტროველოსიპედი - 1500-2000 ლარი, ოღონდ მე მაგალითად ჩინურს არ ვიყიდდი იმიტომ, რომ გზაში დიდი სიჩქარით მოძრაობისას არასანდოა ხარისხის თვალსაზრისით და სიცოცხლეს საფრთხეს უქმნის ეგ არასანდოობა. ამიტომაც ყველაზე იაფიანი გამოსავალია გყავდეს ადამიანს ხარისხიანი ველოსიპედი, რომელიც დაახლოებით 1800-2300 ლარი ჯდება და გადააკეთო ელექტროდ. ძრავა, კონტროლერი და სხვა დეტალები ქარხნულად მზადდება და კონსტრუქციიდან და სპეციფიკიდან გამომდინარე, ხარისხის თვალსაზრისით საკმაოდ სანდოა ჩინური არაბრენდულიც კი, ბრენდული Bafang და Mxus კი თითქმის ათეული წელია რაც გამოიყენება და სანდოობა ათეულ ათასობით ადამიანმა გამოსცადა. აკუმულატორს აქვს გადამწყვეტი მნიშვნელობა - რა ხარისხის ელემენტებითაა აწყობილი და აქ უკვე ნებისმიერ მზა ჩინურს, მირჩევნია მიხაილოს შევუკვეთო იმიტომ, რომ იცის რომელი მომწოდებლისგან გამოიწეროს და აქ აწყობს აკუმულატორს წერტილოვანი შედუღებით, ბალანსის დაცვით და ყველა საჭირო პარამეტრის კონტროლით. აგვისტოში ყოველდღე ავდიოდი თბილისიდან წავკისში. 8 კილომეტრიანი უწყვეტი აღმართია თავისუფლების მოედნიდან და აკუმულატორი უხარისხო ელემენტებისგან რომ ყოფილიყო აწყობილი, გაცხელდებოდა და გზაში ცეცხლი გაუჩნდებოდა., ლითიუმ პოლიმერის ელემენტებს ცეცხლი თუ გაუჩნდა, ვერაფერი ვეღარ აქრობს და ველოსიპედის ჩარჩოსაც ადნობს. ეხლა მეორე აკუმულატორი შევუკვეთე, ზუსტად ის, რომელიც 100-200 კილომეტრს გამატარებს. ძვირია, მაგრამ მაგხელა ფასს ვიხდი ზუსტად სანდოობაში და ხარისხში, თორემ ალიექსპრესზეც, ამაზონზეც ბევრია ჩინური აწყობილი აკუმულატორები მაგ კილომეტრაჟს რომ გამატარებდა აღწერის მიხედვით და 200-500 დოლარის ფარგლებში მერყეობს ფასი, ოღონდ უამრავი შემთხვევაა რომ გახსნეს და შიგნით იმდენად უხარისხო ნამუშევარი დახვდათ, ფაქტიურად ნამდვილი ბომბი შეიძინეს. რეალობას და დაწერილს შორის პარამეტრების სხვაობაზე არაფერს ვამბობ. ;)

მიუხედავად იმისა, რომ 250 ვატი დაბალი სიმძლავრეა, პედლების ტრიალის გარეშეც ივლის, ოღონდ პედლების ტრიალი რომ არ მინდოდეს, მოტოციკლს ან მოპედს ვიყიდდი :) არის ძლიერი ელექტროძრავებიც. ნახევარ კილოვატიანი, კილოვატიანი და მეტი, ოღონდ მასეთ სისტემას ნაღდად მირჩევნია მოტოციკლი ვიყიდო და ფასიც იმხელა აქვს, ნორმალური მოტოციკლი მოვა იმ ფასად. ჩემთვის ელექტროველოსიპედის მთელი მუღამი ისაა, რომ ჩვეულებრივზე სწრაფად მივყავარ ერთი ადგილიდან მეორემდე, თან ზედმეტი ოფლიანობის გარეშე, თან მეც ვმოძრაობ და ორგანიზმი უკეთ გრძნობს თავს.

გამარჯობა, სწორია რასაც ამბობთ. წინა შუაში რომ იყოს და მარტო უკანა გადართოთ ხოლმე სხვადასხვა პოზიციაში, დიდი გადახრა გამოუვა ჯაჭვს ნაპირებში და მალე გაცვდება. კბილანებსაც ცუდად გაცვითავს...