॥श्री साई॥ हृदयाच्या तालावर नाचे गणेशू निनादती पैंजणे उजळली त्रीभुवने प्रकाशली सारी मने छंद घुमे दे आनंदाचा आSSSज || धृ || सात स्वरांनी केली प्रार्थना गणराया तुम्ही यावे नर्तना रंगमंचुकी या विश्वाच्या ताल घुमुदे भिडूदे प्राणा ठरारती दाही दिशा चकित हो उषा निशा गगनात भिडे पखवाSSSज ||1|| हलवित शुंडा झुलावित शेला किणकिण करिते सोंनमेखला कांचन मुगुटी कौस्तुभ सुंदर झळकुन उठले आज चराचर गण नाचे नमनाला रंग भरे नुपुराला हृदयात व्याप स्वरसाSSSज ||2 || नेत्र कटाक्षे त्रीभुवन झुलते तारांगण हे रुपास भुलते रविचंद्राची होय निरांजने, तेजाने त्या तनमन न्हाते सोहळा हा जागलासे, रिद्धी सिद्धी पुजितासे भक्ती रंगी रंगे गणराSSSज ॥3||

॥ श्री साई ॥ होहो होहो होहो होहो होहो होहो हो अंबेचा जोगवा, अंबेचा जोगवा अंबेचा जोगवा अंबेचा जोगवा पितामिठाचा जोगवा, भावभक्तीचा जोगवा घेऊनी हाती दुरडी मागते आंबेचा जोगवाऽऽऽ अंबेचा जोगवा, अंबेचा जोगवा अंबेचा जोगवा ॥धृ॥ माझी अंबामाय भवानी, विसावली स्वर्णासनी गुणगाण तिचे गावूनी, घ्यावे अभय हो मागूनी घेवूनी हाती दुरडी मागते अंबेचा जोगवा ||१|| साडी नेसली भरजरी, भाळी कुंकवाची चिरी, नवरात्रीच्या परिसरी विराजे, अंबा ही दरबारी घेवूनी हाती दुरडी मागते अंबेचा जोगवा ||२|| करि शस्त्र हो धरिले, चंड मुंड तिने मारिले भव्यरुपा धारण केले. दानवारणी लोळविले घेवूनी हाती दुरडी मागते अंबेचा जोगवा ||३|| पीठामिठाचा जोगवा भावभक्तीचा जोगवा घेवूनी हाती दुरडी मागते अंबेचा जोगवा उदे ग अंबे उदे, उदे ग अंबे उदे,उदे ग अंबे उदे, उदे उदे उदे उदे उदे उदे उदे || अंबा माता की जय ||

Thanks