作為打wota芸嚟講,小弟雖然唔算好認識呢一種舞蹈😅,但都可以俾少少建議 跳得好嘅地方 佢係非常之有勇氣,因為如果揀咗呢首歌,多數會被扣宅/毒嘅標籤,喺選秀節目嚟講,難以入圍,但佢依然有去揀呢一種表演形式嚟表演,勇氣可嘉。 跳得唔好嘅地方 可以從佢嘅動作中睇得出佢有學戰鬥哥跳,但係戰鬥哥喺下面根本係跳嚟應援偶像,係一種叫地下芸的應援形式,由於下面觀眾席較狹窄,因此應援方式都會同地上芸截然不同,呢一種地下芸光軌由於地方唔大所以光軌揮得唔靚,所以唔應該用呢一個地下芸嚟表演比較好,反而應該用地上芸嚟表演,加上wota始終以光為重,所以表演時應該要求熄燈以表現出最靚嘅效果 動作意見 由於呢條片剪接太多,無法看見完整片段,因此我會以另一條片「全民造星lV An Gi Megu Megu Fire 練習 &跌咗嘢試吓唔好執…」作基準,首先下盤唔夠穩,腳幅應該要有2-3個膊頭位,腳尖向前,達到鎖腳效果,咁樣做做下就唔會失重心,而且幅度可以更加大,效果更加好,片中所做動作隱約睇到應該係叫雷蛇「サンダスネーク」同埋浪漫「ロマンス」,但由於基礎下盤都冇夠大,所以無論係轉圈定係做切嘅動作加上螢幕所睇右下左下右中左中右上左上嘅動作「六突き」,佢哋都係唔夠幅度所以睇落去好似好怪,並唔係因為肌肉唔夠力所以借咗,而係一開頭嘅姿勢都錯,所以重心和關節都起唔到用,如果想學好啲可以去睇下KZbin 打「ヲタ芸」,雖然係日文說明,但如果齋睇姿勢,應該都對你的表演有好大幫助,ヲタ芸係一門藝術和學問,千祈唔好睇小同埋片面咁當係笑話看待,希望以上建議可以幫到你🙏🏻