Рет қаралды 19,118
„ეროვნული თანხმობის კომიტეტისა“ და „სრულიად საქართველოს ხსნის ეროვნული ფრონტის“ იუთუბ არხის გადაცემების მაყურებელთა თხოვნით, ვაქვეყნებთ ქართველი მწერლისა და საზოგადო მოღვაწის, ბიბლიური განმარტებით - ნუგეშისმცემლისა და სასძლო კაცის - ბატონი აკაკი ჯორჯაძის განცხადებას, რომლითაც წარსდგა იგი 2023 წლის 9 იანვრის გაფართოებულ შეკრებაზე.
ამ ჩანაწერით, სამწუხაროდ, თურმე დაგვემშვიდობა კიდეც, რისი საფრთხეც ჩვენ მაშინ ვერ შევიგრძენით.
ბატონო აკაკი, ქართველი ერის ისტორიას არ ახსოვს თქვენნაირი მოამაგე და ერზე გადაგებული ადამიანი, თუმცა ვერ მოგიფრთხილდით...
ჭუჭყისა და ტალახის სროლას, ცილისწამებას, შურით აღვსილი ადამიანებისაგან პასკვილების გამოქვეყნებას და სხვა ათასგვარ უხამსობას გაუძელით, თუმცა საბოლოოდ გიმტყუნათ გულმა და დაგვტოვეთ ობლად…
მიუხვალთ თქვენს მამა-პაპათ, თქვენს 24 წლის ვაჟკაცს- არჩილს, სრულიად საქართველოს ზეციურ ლაშქარს, სამშობლოს ბედით დამაშვრალ დიდ ქართველებს სახელიანი და ვალმოხდილი.
მსუბუქი იყოს თქვენთვის სამშობლოს მიწა, რომლის გადარჩენასა და კეთილდღეობას მთელი თქვენი სიცოცხლე მიუძღვენით, საბოლოოდ, შესწირეთ კიდეც.
მოგვიტევეთ, ბატონო აკაკი, გზააბნეულ ქართველებს, რომ ვერ დავაფასეთ ის განძი, რომელიც ღმერთმა თქვენი სახით გვარგუნა.
ნახვამდის, ბატონო აკაკი, იქ (მარადიულში) შეხვედრამდე!
უღრმესი პატივისცემით - მანანა საღლიანი.