1/64 Inno64 Nissan Skyline GT-R R34 V-Spec Tuned By Mine's

原本無諗住買, 見佢藍色好似 bayside blue 咁, 買完先發覺無 bayside blue 既藍色咁靚, bayside blue 係天然光下同燈光下都好靚, 但呢架既藍色係天然光下種藍色唔靚但係燈光下就特別靚。
架車漆面有瑕疵, 最明顯近車頭邊緣位係凸起左既, 眼利既係影片可以見到, 買時都唔發覺, 可能燈光昏暗難察覺, 所以係現時點買親啲放係好入睇唔到既車都賴野, 係要買出面果啲睇得清楚既先好少機會會賴野, 原本唔想要, 再買另一架, 但諗下架車又唔係咁鐘意, 費鬼事煩, 咁就求其算喇, 因買另一架又唔知QC 會衰係咩位, 仲有係舊果架唔知幾時先賣出, 黑仔真係無法。
呢架個車模同 bayside blue 果架係有少少唔同, 最明顯係車頭兩邊加左風刀比你。
其實最近架 Mini GT 同 Pop Race 既 QC 都好過架 Inno64, Amazing!
呢架真係最後既 Inno64 R34, 唔同R34 只係顏色同拉花既分別, 真係要收手喇, 果斷退坑, 有時買返嚟都感到麻木, 拍片亦失去熱情, 因同一車型唔會再感到有咩驚喜, 真係可有可無咁。