Рет қаралды 9,123
Алматы облысында бала күтушінің үйінде қалған бүлдіршін құпия жағдайда көз жұмды. Бұған дейін сол үйде қонып, отбасының балаларымен бірге ойнап жүрген балақайдың ажалына қандай жағдай әсер еткенін ата-анасы білмей дал. Кенжесін енді ғана жер қойнына тапсырған отбасы кінәлілер жазадан сытылып кете ме деп қорқады. Өйткені, қылмыстық істің басталғаны туралы ешқандай хабарлама келмеді деп отыр.
Алтынай Көшербаева кенже ұлымның енді-енді шығып келе жатқан қылықтары мәңгі естелікке айналды деп күйінеді. Себебі, 25 наурыз күні бала күтушісінің үйінде қалған бір жастан асқан Нұрасылдан қапияда көз жазып қалған. Айтуынша сол күні таңертең хабарласып, баланың жағдайының ауыр екендігін айтқан. Бірден жеткен Алтынай да, артынан келген жедел жәрдем қызметкерлері де балапанды аман алып қала алмапты. Күтуші бұл жағдайды былай деп түсіндірді дейді
АЛТЫНАЙ КӨШЕРБАЕВА, Марқұм Нұрасылдың анасы:
- Өзімнің 3 жасар қызым прям тұншықтырып жатыр екен сенің балаңды деді. Сөйтіп, бала өліп кетті деді. Ары қарай уже РОВД бәрі суретке түсірді, экспертизасы мүшесін алды моргтен. 0Бізге экспертизаға моргке барғанда солар басы да ұрылғаны бар екен деп айтты. Енді ары қарай экспертиза көрсетеді қалғанын.
Ақпан айынан бастап жұмысқа шығуына байланысты үлкен ұлын балабақшаға жіберіп, жасы екіге жетпегендіктен кішісін уақытша күтушіге қарауға берген. Арамызда ешқандай кикілжің болған емес деген отбасы кінәлі адам қалай болса да әділ жазасын алуы тиіс. Бірақ, күдіктіні босатып жібергені туралы естідік, іс жабылып қала ма деп қорқып отырмыз дейді.
ҚАРЖАУБАЙ ҚИЫНБАЕВ, Марқұм Нұрасылдың анасы:
- Арыз жазғаннан кейін бізге переписка, талон болмаса чек, нөмір бірдеңе беру керек екен. Оны маған берген жоқ. Сосын менің нөмірін тіркелу керек екен. 1414-тен сообщение келу керек екен. Ондай нәрсе келген жоқ. 07:06 Басқа зат болса жарайды кешіресің, мен балам үшін мен ештеңеден кешірім алмаймын, ешкімге кешірім бермеймін.
БАУЫРЖАН ЖАҚСЫМБЕТ, тілші:
- Қазір қайғылы жағдай болған үйде күдіктінің әке-шешесі келіп шиттей балаларын бағып отыр. Сұмдық оқиғаны естігенде төбемізден жай түскендей болды дейді. Бала бағып, күнкөрістің қамымен ақша тапқысы келген қызымыздың қасақана қылмысқа барады дегенге сенбейбіз дейді.
ТІЛЕПАЛДЫ ИТЕМБАЕВ, күдіктінің әкесі:
- Шошымақ түгіл есімізден танып қалдық. Әлі күнге дейін шокта жүрміз. Не істейтінімізді білмейміз. Жүрегіміз ауырады. 23:34 Жоқшылықтан баққан шығар. Ештеңе жетіспегендіктен.
Бала күтуші келіншек пен оның жұбайы мына үйді жақындарынан алып уақытша тұрып жатыр екен. Өзінің де үш баласы бар және төртіншісіне аяғы ауыр дейді туыстары. Өз балаларынан бөле жармағандықтан, бір жастан асқан Нұрасыл да мұнда қонатын және қайғылы жағдайдың алдында да осында түнеп жүрген дейді.
НҰРМИРА КЕНЕНБАЕВА, күдіктінің туысы:
- 23 күні әкеліп тастаған. 23 қонған бала, 24 қонған бала 25 таңертең болып отқан случай. 26 күні алып кетуі керек болған екен. Бала үш күн қонып отыр. Мен алдында да айтқанмын. Біреудің баласын неге қондырасыңдар, баланы баққаннан кейін күндізгі уақытпен ғана бағады ғой көбі деп едім, әкелері жұмыстан шаршап келеді, шешесі түнгі жұмысқа кетеді, сол себепті осылай деп жауапкершілікке алып қарап отырған ғой енді.
Ал, аудандық прокуратура бұл істің қылмыстық кодекстің 99 бабының 3 бөлігімен, яғни адам өлтіру бабымен сараланғанын жеткізді. Күдіктіні 10 тәулікке қамаққа алу туралы шешім кеше біткен. Ал, сотқа қайта жолдау үшін құжаттары толық болмады дейді.
РАШИД ШОТБАЕВ, Талғар ауданы прокуратурасының аға прокуроры:
- Аталған қылмыстық іс құжаттарын зеределей келе, құжаттар толық емес екені анықталды. Осыған орай біз оны қайтардық. Бүгін 1 күннен кейін, яғни ол құжаттар толықтырылып, аудан прокуратурасына қайта жолданды. Біз толық құжаттарды зерделей отыра келісіп, Талғар ауданы сотына қайта жолдадық.
Қара жамылған отбасы бір жастағы Нұрасылдың өліміне нақты не себеп болғанын білгіміз келеді дейді. Себебі, бірнеше уақыттан бері сол үйде қонып, дәм татып жүрген ұлдарының ажалы әзірге құпия болып тұр.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал