10 mijë lekë të vjetra që sollën disa të vrarë, zanafilla e sherrit mes familjeve Nikulaj-Lekstakaj

Policia e Shtetit zbardhi atentatin ndaj biznesmenit Ardian Nikulaj dhe ka shpallur në kërkim 6 persona, 1 shqiptaro-britanik, 1 portugez dhe 4 britanikë. Sipas uniformave blu, dyshohet se ngjarja ka ndodhur për motive gjakmarrjeje
Gazetarja Klodiana Lala ishte e ftuar këtë të mërkurë në emisionin “Opinion”, e cila bëri të ditura detaje të reja nga ngjarja. Ajo u shpreh se zanafilla e gjakmarrjes mes familjes Nikulaj dhe Lekstakaj janë 10 mijë lekë të vjetra.
“Në lidhje me historinë e hakmarrjes, përplasjes mes familjes Nikulaj dhe Lekstakaj unë do e sqaroj. Është një histori që nis në 25 Qershor të ’97. Ka pasur një konflikt mes Fran Çulajt që ishte pronar i karburantit në Balldre, Pëllumb Nikulajt, po ashtu ka qenë një nga djemtë e familjes Nikulaj, i cili ishte shitës karburanti. Ka nisur debati për 5 ose 10 mijë lekë të vjetra për furnizimin e makinës me karburant.
Janë konfliktuar për 5 ose 10 mijë lekë të vjetra. Kjo është zanafilla e gjithë kësaj historie në 25 Qershor 1997. Është vrarë Fran Çulaj që ishte pronar i karburantit dhe është vrarë Pëllumb Nikulaj, vëllai i Ardian Arben Nikulajt. Çfarë ka ndodhur më pas? Në atë kohë janë dyshuar Elton Lekstakaj, një nga djemtë e familjes Lekstakaj dhe kushëriri i tij Eri Lekstakaj. Elton Lekstakaj pas shumë përballjesh me drejtësinë, edhe pse ai është gjykuar në mungesë për shkak se u largua drejt Britanisë së Madhe ka marrë më vonë pafajësinë, ndërkohë Eri Lekstakaj është dënuar. Pas kësaj ngjarje në Shtator të ’97 është vrarë Gëzim Lekstakaj, i njohur si “Raci”. Në fakt shumë pak e kujtonin emrin e tij. Unë jam detyruar të marr vendimet gjyqësore dhe Laurent Gjetja, është djali i poetit shumë të njohur dhe të ndjerë tashmë, Ndoc Gjetja, i cili është një viktimë krejt rastësore. Nuk ka pasur asnjë lidhje me këtë histori. Asnjë lidhje me sherrin mes dy familjeve. Është nipi i njërit prej dy familjeve dhe është vrarë në arë duke punuar. Deri këtu ka qenë historia. Më pas në Shtator të ’99 është vrarë Gjovalin Lekstakaj dhe ndërkohë është plagosur rëndë dhe sot nuk ecën, Pjetër Lekstakaj. Pra janë dy vëllezër. Për këtë ngjarje është dënuar 78-vjeçari Nikollë Nikulaj i cili nuk e di nëse jeton më, por prokuroria dhe policia në atë kohë nuk e trajtuan si një histori gjakmarrjeje, por e trajtuan si një histori që i moshuari veproi për vetëmbrojtje sepse gjithë diskutimi ishte që një zetorist kishte shkuar për të punuar tokën e dy familjeve. Duke qenë se këta ishin në hasmëri pati përplasje aty. Mendohet që palët qëlluan dhe e trajtuan si një histori vetëmbrojtjeje.
Më pas mesa duke konflikti është thelluar sepse familja Lekstakaj, njëri nga djemtë e kësaj familje, Klodian Lekstakaj, i cili është në Britaninë e Madhe, pretendonte se i njihte autorët e dyshuar të ngjarjes për sa kohë kishte qenë dëshmitar. Kërkoi, dhe unë kam gjetur dokumente më pas, mbrojtje nga shteti dhe nuk u pranua për të dëshmuar për këtë gjë. Ardian Nikulaj më pas, ne e dimë dhe ta kam shpjeguar, ishte person shumë influent në zonë, ishte një person që konsiderohej “hambar” votash për forcën e tij politike, por edhe për forcat e tjera. Ndikonte në gjithë kahun politik. Nëse Ardian Nikulaj merrte një drejtim të caktuar, automatikisht politika do të shkonte në drejtimin e tij. Ishte një person i cili patjetër ka qenë drejtor i Aluiznit me probleme të theksuara... a qenë i përgjuar nga prokuroria për krime të rënda për tjetërsim pronash dhe dyshime për atë që konsiderohet grabitja e pronave në Shëngjin. Asnjëherë nuk u akuzua nga drejtësia shqiptare”, u shpreh Lala./tvklan.al
#ardiannikulaj
#Opinion | Emision politik live nga #BlendiFevziu në #TvKlan
Emisioni politik më i ndjekur dhe më i preferuar në ekranet shqiptare. “Opinion” vjen në katër takime çdo javë - e hënë, e martë, e mërkurë dhe takimi tradicional i të enjtes mbrëma.
SUBSCRIBE to “RTV KLAN” on KZbin for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/programe/

[@feratiyzedin6469]

Flisni pa rregul dhe pa edukat ,pa respekt

[@PolipiLoki-xg7sq]

Zonja Lala nje pyetje ndoshta injorante si è shpjegon policija e shtetit qe ne video dallohet qart nje dor e bardh e atentatorit dhe vet ky portugezi esht i zi sterr?

[@eyesofftiger645]

Mund te kete doreza te bardha si ato te mjekve

[@PolipiLoki-xg7sq]

@@eyesofftiger645 aty esht than njana dor ka pas dorez e tjetra è shkrepjes jo,nuk do men kjo pun se esht manipulu gjithcka

[@artor66]

Shqiperi te kam Dhjere.Ste kuptova,ste kuptoj,dhe sdua te te kuptoj me asnjehere!Kanibale te shemtuar.O Zot çfare Njerezish!!!!!

[@otherdimensionss]

Ste vret kush kot

[@artor66]

@@otherdimensionss por dhe te vrasesh eshte Mbinjerezore. more Djale!!Kstundare Analfabete te qelbur!