Рет қаралды 326,246
Бәріңізге ассалаумағаликум. Қай елде жемқор шенеунікті жұрт көзінше шешіндіріп қызметінен қуады? Біздің парламент қашан Ұлыбританиядағыдай мәселелерді сұмдық талқыға салып, депуттар ашық сөз таластырады? Біздікілер қашанға дейін үнсіз бас шұлғи беруін жалғастырады? Митингті екі ауыз сөзбен таратқан якуттың әйел басшысы Сардана жайлы естуіңіз бар ма? Ол қыз зорлаған қырғыз азаматын жазаламақшы болған халқын қалай сабырға шақырған? Ал нағыз ақсүйек ғұнның ұрпағы Мұхтар Жәкішев зауытты қиратқан қазақ жігіттерін қалай жазадан аман алып қалған? Мұндай қызықты ақпараттарды сізге білген дұрыс?
Қайырымдылық
Елдегі қазіргі жағдайларға қарап күйінесің, күйінесің де «шіркін ай өзге елдің қатыны құрлы бола алмады ау» деп жынданасың. Әлгі өзге елдің қатыны деп отырғанымыз Сардана Авксентьева. Оның басшылық қабілеті, халқына деген ерекше сүйіспеншілігі кісі таңқаларлықтай. Ендеше тыңдаңыз. Бірнеше жыл бұрын ол Якутск қаласының мэрі болып сайланған. Губернатор қолдаған "Единая Россия" партиясының мүшесін сайлаудан жеңіп шықты. Өзі ешқандай партияда жоқ адам. Орнына отыра салып әкімшіліктегі қызметтік қымбат көліктерді сатып, ақшасын қаланың қазынасына құйды. Әкімшілік қызметкерлерін таксиге отырғызды. Саха халқының көптомдық сөздігін шығарды. Ол Саха руханияты үшін бұрын-соңды болмаған жаңалық болды. Қазақ, Түрік, Әзербайжан ғалымдары оған қолдау білдірді. Ел алдында үнемі Саха тілінде сөйледі. Сапасыз жұмыстар жасаған компаниялармен келісімшартты бұзды, шығынды қайтартты. Кәбинетіне - Наурыз мейрамын тойлап жатқан Саха халқының суретін ілгізді. Бір журналистің: - Сіздің кәбинетіңізде неге Путиннің суреті жоқ, оның орнына мына халықтың суреті ілініп тұр?- деген сұрағына; - Маған жұмысты кім беріп отырғанын үнемі есімде ұстау үшін,- деп жауап берді. Конституцияға түзетулер енгізуге жалғыз қарсы шыққан адам болды. 800 дей көп қабатты үйді қайта жөндеуге кіргізді. 4000 отбасыны жаңа баспанамен қуантты.
Өзін қонақ қылу үшін 1 млн рубльге дастархан жайған шенеунікті жұмыстан босатты. Халықтан түскен арыз-шағымдарды бірін қалдырмай оқып, инстаграм парақшасына салып отырды. Осыған орай басқа қызметкерлер де жұмыс істейтін болды. БАҚ- на кететін шығынды 65 млн нан 32 млн ға азайтты. Әкімшілік қызметкерлерін екі есеге қысқартты.
Бір жылдары Қырғыз азаматы жергілігті жерде бір қызды зорлап, он мыңға тарта адам мигранттарға қарсы митингке шығады. Ашулы топтың алдына шығып: бір қылмыс үшін бір адам кінәлі ме, жоқ, тұтас ұлт кінәлі бола ма. Якутияда осыған дейін 292 әйелге зорлық көрсетіліпті, соның үшеуін ғана шет ел азаматы жасаған. Бұл үшеуі қатаң жазасын алды. Ал, өзімізді қайтеміз, өзіміздің тәрбиемізді не істейміз, өзіміз аямасақ, өзіміздің әпке-қарындастарымызға қамқор болмасақ, бізге кімнің жаны ашиды? - деп ашуға булыққан топтың арынын басып, бір жағынан мигранттарды да қорғап қалды.
Бос уақытында халықтың тұрмысын тексеріп, қала аралады. Қалада он жылдан бері қордаланып, алдыңғы басшылары шеше алмаған мәселелерді екі жарым жылда шешті. Қала халқы алаңға арнайы шақырып, өздерінің ризашылықтарын білдіріп "Халық Алғысы" деген алғыс хатпен марапаттады.
Ол туралы АҚШ тың әлемге танымал газеті "The New York Times және The Economist" мақтап мақала жазды. Саха халқы құрметтеген "Таза адамдардың басшысы" деп атап кеткен - Сардана өз еркімен орнынан кетті.
"Әкімшілік ғимаратын мұқтаж отбасыларға беріп, өзіміз қарапайым ғимаратқа көшеміз" деген мақсатына ғана жете алмады.
Иә, әлемнің бір шетінде жүрсе де, жақсы адамдардың бары жаныңды жылытады. Осындай керемет басшының бар екенін бізге жеткізген Айбек Ережепке алғыс айтамыз.
Мұндай басшының қазақа қашан бұйыратыны белгісіз. Мүмкін бар да болар. Мүмкін біз білмей жүрген шығармыз. Бірақ әзірге біздің білетініміз айналамыз толған жемқорлар. Жегендері желкесінен шығып ұсталып жатқандары да көп. Ұсталады, қамалады, қайта босап шығады. Кейде ойлайсың соларды индонезиядағы сияқты ғып жазалау керек шығар. Оларда сонда қалай дейсіз бе? Мысалы парақор полицейді заң бойынша жазаға тартқаны өз алдына жұрт көзінше шешіндіріп, пагонын тартып алады екен. Міне көріңізші!
Видео: Жемқорды шешіндірген сәт
Егер осы тәсіл біздің елде қолданғанда не болар еді? Бәріңіз «мырс» етіп күлгендеріңіз анық. Қаншама адамның еңірегенде етегі жасқа толғанын көрер едік. Жә, жұрттың жаза тәсілі ғана емес парламентіне де қызығасың. Қайнаған базар сияқты, ұйқы қаныратын жер емес. Депутаттар заң жобасын мақұлдауда бастарын шұлғи бермейді. Пікірін ашық айтады, бір-бірімен қызылкеңірдек боп қырылысады. Соңында халыққа ең тиімді заңды әзірлеп шығады. Мінеки көріңіз ұлыбританияныкін.
ВИДЕО: Депуттардың талас-тартысы
Жә, жарайды. Елдің басшысын, парламентін, депутатын айтып болдық. Енді өзімізге келейік. Басқасын айтпағанда бізде де кемеңгер басшы, ақыл-ойы толысқан, нағыз азаматтар бар. Бірі де бірегейі Мұхтар Жәкішев. Оған қатысты бір ерекше әңгімені Арман Әлменбет өз парақшасына жариялапты. Естісеңіз таңқаласыз, құрметіңіз арта түседі. Бұл Жәкішевтің өзінің естелік әңгімесі екен.