17/5 《圍爐取戀》做咗幾年第三者終於坐正？事主：但係成日擔心佢出軌😢

#圍爐取戀 #100毛 #東方昇
今集呢位女事主當初喺唔知情嘅情況下做咗人第三者～佢呢幾年來都吞聲忍氣一直做「小三」！之後仲坐正做到正印！但係亦都係因為呢個原因佢都承受住唔同嘅壓力！成日擔心男朋友出軌....最近仲發現男朋友喺網上撩女仔！我哋三位主持人同嘉賓葉巧琳就力勸佢離開，到底事主最後決定成點呢？
加入《葵涌毛氏宗親會》：
/ @100mosthongkong
/ @100mosthongkong
#100毛 #毛記電視 #圍爐取戀 #東方昇 #Kneta #專家Dickson #葉巧琳
=========================⁣⁣
Instagram：100mosthk⁣⁣
Facebook： 100毛⁣
KZbin：毛記電視
=========================⁣⁣

[@kellyng9222]

唔好因為差唔多到適婚年齡就覺得要嫁，唔啱就係唔啱，比你結到婚都會離婚。

[@angelui0311]

起初都有啲同情事主比人呃左做第三者 睇到後面真係想講句：抵死架喎你😅

[@TONGbe030]

佢性格好？唔係呀嘛咁都講得出？好綠茶wo個女仔。正常一個女仔 有少少人品嘅人.知道左對方有女朋友 .都會直接去dm個個女仔話佢知個pk仔嘅野啦.跟住兩個一齊飛左條仔啦.仲會做埋啲手段去等個正印發現自己咩？ 係咪想扮無辜扮晒野？講白啲 事主人品就係差.根本就係知三當三 求下你地唔好分手 天造地設嘅一對 同埋你做乜要話佢個ex同你一樣咁豬😅..人地醒過你好多.知佢出軌就即刻斬纜

[@Cherished-nj4lx]

真 耍埋D小手段搶個渣男番黎仲要驚佢出軌 😂 話佢性格好都係想搵D野讚下佢比番D自信佢 其實佢地好襯

[@punpun3779]

都睇到東方昇中間有啲想反白眼，最後係得啖笑

[@san0708]

我覺得做人最緊要開心 如果你同佢一齊，成日要疑神疑鬼，做到成個可憐女朋友咁既形象， 你覺得好爽好enjoy既咪繼續囉😂 坐正都高興😧，大佬人地唔要比你乍咁垃圾⋯ 呢個世界咩人都有😰 30歲呢個時間點真係最後一次俾你覺醒，咁都無勇氣為自己諗你應該都係咁過世落去。 同佢結婚，佢繼續出軌，等佢7老80條j用唔到就返嚟叫你做看護。

[@gdgditsuki]

最尾一句👏🏻

[@msfraapricot]

自己後生個陣都傻西過，同女主一樣忍一段三角戀兩年，但我係大婆。東窗事發條賤男揀咗小三，個時覺得自己輸咗，然後怕左拍拖，單身個幾年學會愛自己，做自己鍾意做嘅事。然後遇到現任老公，有咗可愛嘅小朋友，結婚十年，我完全做自己，現在想想其實我才是最後贏家 。如果當初無輸，我估我可能會繼續忍個賤男有小四、小五，忍到精神病，忍到人老珠黃。所以女主要丟開舊垃圾。啲賤男係會有報應架，就如我現在看著那賤男的報應逐一應驗一樣😎

[@immysophobia]

願聞其詳😂有咩報應？🤪

[@msfraapricot]

報應👉🏻人又老、錢又冇、條女又走佬🎉

[@kanekithk1]

事主咁on9，唔值得遇到更好，之後果個又要食埋佢依D黑歷史，唔可以接受，希望佢地永遠都唔好分開就真。

[@moo6171]

Really happy for u

[@hazeloverr]

恭喜晒❤ 就係鍾意睇到啲狗男女有報應😇

[@stijnzoe9850]

睇到三分一已經睇得好辛苦 因為事主勁無腦得黎又好enjoy自己處於一個drama嘅處境 留言講得好: 事主一路以為自己好清醒，睇穿一切，又自以為事以為自己心胸好廣闊好包容個男朋友 但其實事主真係IQ勁低個腦蠢到on9 點解要將你自己個世界圍繞係嗰個男人到? 全部果都係事主自己選擇出黎同種出黎 尊重啲都要講句抵你死嘅時候唔好喊

[@kaa8152]

睇到一半頂唔順 個女仔都ON99 講到個男既講大話有幾高明 根本係佢肯講你就肯信 扮咩唔知情 明明就係知道左又唔想自己做衰人 先信D ON9藉口 個男既同正印講分手 梗係講到自己好無辜啦 你都講到自己好無辜 做晒野搞到正印 講分手 得償所願 就唔好分啦

[@kanekithk1]

睇到燥，事主on99，希望事主可永遠同條仔一齊，無謂害左D好男仔。

[@NoirRvan]

仲有其他好女仔…..個男都賤..

[@yinyanchan]

咁似我以前男朋友嘅😲？事主竟然忍到5、6年，好痴線。嗰賤男唔係愛你，唔係愛佢前女友，最愛係佢自己(即自戀狂)。佢享受俾人愛惜包容嘅感覺。可能佢以後唔會再有第三者，但只係因為佢可能再遇唔到好似你咁溫順，逆來順受嘅人。 我唔會同情事主，雖然我都曾經有咁嘅經歷，所以我知道，每一日我都係可以有choice去斷絕俾呢個人傷害我。

[@fiyfrost]

次次聽到有人讚啲仔孝順顧家就覺得😮‍💨 佢孝順又有咩用，對自己阿爸阿媽好唔代表會對你好。會對你好就唔會係咁令你傷心，佢係真係顧家就唔會咁花fit啦，呢啲真係最虛無縹緲嘅優點，不值一提。佢有10萬樣好，用唔到落你身上面都係冇意義。

[@jellymandy]

事主都算係渣男磁石之中的典範，唔做小三蹝左她。完全唔自愛自重，自欺欺人成咁，唔呃你都對唔住自己

[@helenhlc]

diu聽到好燥底，最L憎呢啲人，明知條仔咁都仲要同佢一齊，明明可以選擇分手，知道晒所有嘢都仲唔分手姐係自己攞嚟賤，唔抵可憐🙄🤷🏻‍♀️ 東方昇講得好啱，唔分手選擇同佢一齊咁就有咩唔開心都係應份要受，冇得怨，自己攞嚟

[@LS-dc4bj]

發現咗自己係第三者點解唔即刻分手？仲要整到個男朋友同個正印散？ 我淨係覺得個事主好賤，你性格有問題，唔該唔好講到自己好好啦。

[@dytin7039]

咁L差仲堅持同佢一齊？仲諗將來生下一代？其實呢個世界咁多渣男渣女，會唔會就係太多你呢啲人？

[@cc_vv510]

知三當三，到底乜心態嚟🤣🤣 第四者跟你有段情 我會你高興 用第三者身份見證 原來喺真😂

[@tingtingwong2168]

事主明知自己係第3者仲要耍手段搞掂個正印..已經有問題..所謂「坐正」左又要驚男友搵第2個..其實真係冇得怨..呢啲係你既報應黎🙂 唔係愛一個人/冇脾氣 就可以合理化自己做既野 ～可能主持人們要企番係事主角度諗..所以冇爆佢😂

[@abbyt6136]

其實個男人同ex分手，都唔代表你要同佢一齊。繼續同佢一齊都唔會有幸福，何必破壞自己下半生嘅幸福呢？你打黎傾已經踏出第一步，祝你走得快好世界！ 如果你覺得個男人性格好，對其他人好，你有無發覺佢對你唔好？佢唔顧你感受，淨係做下d basic嘢，當你傻仔好好恰完全無停過蝦你呢？希望你回頭是岸，搵到真正嘅幸福啦❤其實你仲係好young咋，如果你再喺呢段有毒感情無了期糾纏，咁就真係太遲喇 命運係可以憑積陰德改善嘅，如果你相信命理，你會發現當你改變自己，命運都會隨之而變。Good luck!! ⭐️

[@Andrew-sc7nh]

其實聽到好忟 Amy都識講男人對你幾差 唔肯放手 又要呻 根本自己攞嚟 愛人要先愛自己

[@TaTa-sn5yo]

點解唔係直接同個男朋友傾關於你哋嘅關係，而係同個女仔耍手段？咁樣唔係雌競咩，點解要咁樣做？睇得出事主係唔係都好有問題:(

[@MeowMeow-hz1qm]

根本嗰事主就係passive aggressive，都唔知性格係邊度好，簡直係爛桔配爛橙

[@love-neko]

擺明女事主本身都好厭女，唔只將自己位置放到好低，仲當男人係天咁。

[@ellalee105]

強烈建議事主google 下narcisstic personality disorder, 就咁聽佢已經展示咗好多traits: manipulation, triangulation, gaslighting, disrespectful of boundaries, 又自私，慣性講大話。同呢啲人一齊係唔會有幸福，因為佢地只係愛自己。佢地當身邊嘅人只係啲supply, 你唔再忍佢嗰一刻你就會睇到佢真面目

[@love-neko]

無錯，根本係自戀型人格。 男人患者居多，佢哋最叻就係出軌、家暴。

[@Nonamewor]

聽左3分之1已經唔想聽落去，事主30歲人都仲咁on9,一路以為自己好清醒，睇穿一切，又自以為事以為自己心胸好廣闊好包容個男朋友😅

[@irismilelyface]

搶返嚟嘅嘢最後都會比人搶返走❤️

[@hp3445]

第三者當自己正印，知道自己係第三者仲去反攻正印，呢度已經好有問題啦，唔好講咩一開始唔知啦😢

[@love-neko]

就係搞雌競。無腦又唔會怪個男人。

[@eateat9173]

係 仲要背後搞小動作 想搏正印分手 都唔明點解人可以咁黑心

[@hikaruH1]

個男仔覺得自己好叻😂事主又覺得自己好醒🤣真係好痴線

[@user-pw3et6gw8f]

每次聽Dickson分析，都覺得好有charm

[@wilsoncws]

阿Amy本身條件係咪好差？咁離譜都接受到？有無咁需要呢個人呀？ 條路自己揀，仆街唔好喊啦。

[@komica2]

調轉諗，似個男仔條件好好

[@komica2]

@@Cccccca2 我會排除左好蠢呢個因素先，如果次次都用好蠢去解釋件事，一黎唔尊重人，二黎係咪叻就唔做第三者先？

[@cc-cm1hy]

佢話無錢囉 如果住半山第一次求婚就應承咗喇

[@Yychan420]

我係金牛座表示唔好啦埋我落水😳

[@garage4977]

x 3

[@love-neko]

x4

[@san0708]

呢啲男人 長期對住只會自信心低落又抑鬱囉😂 單身自己一個仲快活啦大佬！ 而家無人care你30 結婚未架 生活是你自己的 唔好再做人玩具啦

[@tonycheng2174]

女事主每講一句嘢我都真係反晒白眼。你走去話算命，係命中注定自己做小三🙄其實你知唔知人生係睇自己造化，有啲人嘅八字一模一樣，佢哋做嘅決定唔同，行出嚟嘅路都好唔同，真係唔好去賴啦唔該

[@NoirRvan]

咪囉、係注定左有條大約既路，但我信自己可以努力去改！

[@waiszeyip3813]

講得好呀

[@karinahkchannel]

個男仔冇愛過妳😢 搵過個更好嘅啦 世界很大 不要侷限自己在一棵樹身上

[@Sacred-Lotus]

Kneta講得啱呀，男人之所以成日話冇乜好女人，喺啲性格好既女人全部俾啲渣男霸住曬。😅

[@Lovefufuland]

咁d好男人都冇顯示出他們的好先啫~

[@love-neko]

因為渣男往往好識得利用人心理

[@Sacred-Lotus]

@@love-neko 同理。真係好男人就算識利用人心理，唔會用來做壞事王元弄感情 By definition。

[@Sacred-Lotus]

@@pelican7668 講緊男定女？

[@hahahadolphin7446]

唔好拉金牛座落水～～～anyway,,,祝快d甩難💪🏻💪🏻

[@sonicuyau2893]

你情我願，簡直天生一對，有咩都係你自己揀既

[@bigbro05]

佩服你條仔搵到幾件咁容易搞掂的女友

[@cc-cm1hy]

我都係啱啱三字頭先分手識新男朋友 唔洗比數字影響 我以前同學嘅媽媽個女都就升大學都識到醫生男朋友仲供埋呢個便宜女去外國讀書 當然呢個人未必係睇電視劇咁高大靚仔，但分手真係唔洗驚搵唔到愛自己嘅人 係要學習下次見到相似嘅人要避開 一定要避開

[@judee2578]

以過來人身份，其實個女仔應該鼓起勇氣離開呢段關係，會方覺自己開心同自信好多。當個男人做出D令你唔好心的事，就證明佢根本唔再在乎同愛你。當你學識愛自己後，會有跟多人追你。要自立呀。

[@love-neko]

我同老公一齊左7年，都係好快就同居但雙方從來無偷食，真心愛一個人好難再有時間、心機愛其他人。

[@battybrat1]

盧巧音嘅 「三角志」啱晒 「當初喜歡你 其時你有別人 完全都因為我 才完結過去拋低了她 下個她 不過接替我當天那位置 情外情 轉了對象 別要太驚訝」

[@karenl1505]

其實知自己做咗第三者個時 就應該要完咗段關係啦 個男仔真心重視你 又點會比你做第三者 真心放生而啲player算數 係到估佢點諗係真係好無謂 咁多red flags 仲洗咩理佢點解咁做 ⋯ 同埋愛自己多啲啦 比番條底線比你自己～ （除非自己enjoy做人第三者 就例外）

[@wanki6398]

我唔明個男仔有咩好😂晨早飛左佢啦，要黎做咩

[@Sean_Lin95]

天生一對，千祈唔好分手

[@123yanyan3]

離唔開個conform zone ，永遠都係好多人既問題，只有自已決絕d先幫到自己💪🏻💪🏻Let go

[@yimemma7946]

嘉賓好charm😍❤️☺️

[@Lam2ying]

Mischa☺️

[@ShoppingQueen2.0]

你做得第三者搶到返黎，吾係証明你有魅力，只係証明條佬好易動情⋯你預左遲早有人會取代你

[@kirayiu928]

事主係唔係無聽過盧巧音 - 三角誌/ 容祖兒 - 16號愛人？其實知另一半有第二個時就應該要分手，好勝搶個男人都無好下場架，你留得住佢個人但心有條刺以後要擔心佢再出軌又何苦，不如搵另一個岩自己或者單身好好愛自己，今非昔比30歲仲未結婚係好等閒既事，今時今日唔結婚唔生仔反而係年輕人既共識，所以唔好為左想結婚而同流合污忍成世

[@yedda0601]

直頭係容祖兒個首最後勝利

[@lambfu]

第一次睇圍爐睇到覺得點解講咁耐都未完 個男仔同原來個女朋友同公司，未換到工又驚影響飯碗，梗係唔想你攪事啦。 其實個女仔都根本知道個男朋友仆街啦，做咩仲唔走？唔係話旁觀者講得輕鬆，我都領過野，係痛苦嘅，但list out benefit and loss 就會識做理性決定。 分左手，單身咪單身，30歲之嘛，充滿可能架。未有拖拍嗰時俾返啲時間自己同屋企人，你會有好多得著。 即刻止蝕啦，唔好再浪費時間晌垃圾身上。同埋，你唔take action，到佢搵到另一個肯落疊嘅女仔就會先飛為敬。

[@branton957]

每個壞男人都會被一個女人改變、變好. 而每個女人都以為自己係嗰個女人.

[@star1990star1990]

不要分手 不要放出嚟害人 渣男渣女要白頭到老 百病纏身🥰

[@waiszeyip3813]

哈哈😂

[@yankika6769]

快啲脫苦海啦事主！ 我廿歲時經歷過你啲個經歷～ 但係初戀唔識放手， 佢又係2頭呃咗好耐， 我發現之後佢話個ex要生要死所以分唔到手，又係叫我比時間， 之後仲當住我面同佢講分開， 可能覺得個個易氹啲， 之後先氹番佢， 之後隱藏得愈來愈叻， 我真係成年都無再發現啲咩， 之後仲有咗，到陀到就生我post上網，佢突然發我火話我做咩擺上網，累到佢女朋友要同佢分手😧 我真係O嘴，佢將佢女朋友唔要佢既責任推哂比我，仲因為想追番佢而即時同我斬纜。不過個女仔接受唔到佢就黎有個仔所以都係分開咗。之後我唔爭氣繼續同佢一齊咗幾年，但信任無咗太多問題，馮親有似佢ex既女仔出現都會吸引到佢，幾年後我先終於醒😓

[@violetwongmusic]

人大左，就明白到： 不要浪費人生時間係唔值得既人同事情到 因為人老在 就好多野無咁好精力係真

[@kychan1016]

聽到瀨落星座，就知無得救

[@cc4829]

三十歲啦都，點解處事好似十八歲咁😅😅醒喇喂！

[@kellychan8856]

三十歲更重要嘅係懂得自愛 而唔係係世俗嘅框框入面明知個男朋友對你唔好都仲要說服自己佢嫁得過 你自己嘅朋友有咁嘅遭遇你會唔會贊成佢嫁呢個男人？

[@gracewong6129]

還有是她覺得自己是小三，個天便給你心想事成，你想如何便會如何

[@airilo8916]

其實都三字頭了…事主快啲醒啦🙈 偷食呢啲 真係得零次同無限次

[@hkspirit-gu8em]

江山易改，本性難移。今日唔出軌，只係未遇到適合對手！事主性格本身亦有問題。缺乏自信，留戀當初成功坐正嘅嗰份感覺。今日唔離開，他日必定痛苦！

[@SuperCreepyPrincess]

Kneta 講得啱～ 個男人行為保護個ex 多過你，分手後，驚冇人要，所以先搵人做水泡。如果佢見更好，一定又會死灰復燃。條仔對你完全冇責任心。

[@emmyy.1231]

我係過來人，同前男友一齊5年，佢搭上咗女同事，比我踢爆後一邊對我又喊又跪，另一邊瞞著我帶埋家人去同新歡旅行結婚，佢哋一齊只有3個月，最心寒係比我發現咗打比佢問佢係咪去結婚，佢問我發乜癲呀？係咪想搵交啞！？我同佢一家全部都識但冇一個人話我知真相！一直否認結咗婚然後每晚打電話比我喊天光，直到佢老豆打比我叫我放過佢個仔，因為佢一直話比家人聽我仲纏住佢！成個過程很痴線！只想告訴呢位觀眾，我當初都好難放棄呢個人，亦怕自己搵唔到下一個！係唔會㗎！加油，忍一忍離開佢你個世界先有好人好事發生！加油！

[@YUKI-bf1dg]

性格孝順顧家，同會對另一半及另一半家庭好係兩件事黎架

[@amandaHINCHING]

佢可以一腳踏兩船，都證明咗佢份人係點。你以為係正印，其實你可能都仲係佢其中一條船。

[@siulam2358]

其實當初一發現自己係第3者, 就應該分手 唔好影響人地戀情, 唔該

[@smavis3340]

過來人（非第三者，但都曾經離唔開）同你講 ，早走早著， 我生完先識走😅 真係唔好行到呢一步！

[@Meircheng]

🫡誠實面對自己啦

[@rayson.-.]

顶唔顺， 尊重祝福咯， Dickson講得好

[@stchk0060]

覺得自己可以改變到別人，享受改變到別人，改變唔到又比藉口自己去忍去接受。 典型。

[@naomichan6773]

其實都幾慶幸有人分享佢自己的故事，可能有好多人都係女事主咁，自我價值低，包括以前ge自己都好似佢咁 啞忍，明知對方已經唔中意自己，後來都明白到，你有冇無底線人地係唔會care ga, 你開唔開心，只有你自己先知。等於你唔用好野一直都用爛野咁點知好野正先？

[@user-tu3wm5ny5t]

有個同佢相似既經歷：一齊左3年被意外踢爆原來有正印已經5年半，一齊咁耐頂綠帽戴足咁耐 對方啲藉口同掩飾既行為又幾分似，真係有個format，最後要有勇氣咁分左手 主持們有興趣可以搵我分享下🙊🙉🙈

[@tonycheng2174]

真係好驚啲人30歲仲咁on9。一日到黑淨係圍住個男人轉，係咪冇咗男人唔得？

[@nooB-di5so]

咁都頂得順😓

[@amyhoxd]

呢個故事真係好誇張

[@jeffreyzanetti]

今集我係入嚟睇Mi

[@dnnmon99]

典型 冇事就想爭， 爭做True one頭銜， 最後爭贏先識驚。

[@biko8427]

希望Amy要決絕啲呀！講真多啲女人企硬就唔會俾呢啲仆街人渣咁放肆！加油呀！

[@mer_wor]

Amy，女人有自信好重要呀

[@user-wv8oi4vz2r]

Terry please make part 2 for Charlie!!!! Awesome voice and content 😊

[@shchan7475]

佢根本唔愛妳，佢最愛嘅係自己，而妳係咪真係愛佢？其實妳只係唔甘心，同埋俾30歲呢個數字規限左，每個人命運唔同架，唔係人人30歲就一定要結婚，如果結左婚但好似妳宜家咁多煩惱，甚至係更煩惱就慘啦，分分鐘單身仲開心，咁結婚為乜？早走早著啦，快快放低呢個人move on，然後從呢段關係中學習愛自己，咁先會遇到真正愛妳嘅人，當妳將來遇到真愛嘅時候，就會發現呢幾年嘅妳好蠢，同埋會慶幸同呢個人分左手，真係要狠心離開先搵到真正嘅幸福，加油！

[@olneb1]

咁大個人，條路自己揀

[@hazeloverr]

爛煲配爛蓋 其實好襯喎😂

[@happychan4408]

我當條仔真係好有問題，都係多得事主縱容到佢咁肆無忌憚。事主一啲底線都冇，我係個男嘅都唔駛拎心機出黎對你好啦。有好多嘢其實自己攞嚟

[@kukulu1221]

其實真係唔需要咁忍🥹🥹 你值得更好啊

[@skyblackcat]

我都係訂婚階段同ex散,, 真係相信你下個會更好 無咩位後悔但真係浪費太多時間

[@hernokesamon6677]

冇嘅……可能事主受返自己當初做嘅業啫😶希望快啲醒，然後離開呢個男人，今次受完以後唔好再做人哋第三者嘞

[@victoriajudy3897]

本身唔應該講年齡去判斷嗰個人嘅行為，但未講年齡之前聽佢嘅對話同埋反應我以為佢21歲😅 有啲嘢係真係自己領悟，年紀越大就會識得say no

[@kosatelen]

無錯,你今日坐得正,他朝其他人一樣可以坐得正 出面大把好男人唔好好去識,嗰個都係鍾意痴住啲賤男,然後講到男人幾衰,真係🤣

[@Mshaha0v0]

愛惜自己啦

[@psychelai3669]

加油💪Amy❤ 您值得好更多的人配您🙏🏾

[@iol22141]

尊重自己，遠離冷暴力😐

[@oseo9362]

有d野 點樣黎就會點樣走 佢背叛得前一個女友 一樣背叛得你 唔好以為自己好特別 😊

[@user-eo3qw3pm3k]

其實如果知另一個女仔唔知，係個男仔兩邊騙，點解要對付果個女仔而唔係話比個女仔聽佢有咁既問題，一齊飛左佢呢？女仔青春有限，浪費時間在咁既人身上，不如好好過自己生活，空返個另一半位置出黎，先有機會遇到個更好既，唔係一世都要忍受呢個人，又唔係古代，一定要結婚先得，唔係一定要有另一半先得，唔洗忍

[@lovetomo]

聽到佢話男朋友話講大話好叻，我真係苦笑了😅...咁都話叻，唔好咁癲啦！！！完全係一個小學智商嘅人都會知。。。愛自己多 D. ...30 歲頭都可以好精彩，唔好咁。。。生你嘅媽咪會好傷心。。。

[@san0708]

條仔第一日睇唔起你，唔尊重你，佢呢世都會係咁😇

[@kuuga_BGysy]

唔好為結婚而結婚，到頭來只係浪費時間 3字頭愛情觀都仲咁天真。

[@deborah611ng]

真係睇到一半好想捉呢位小姐岀來大把大把刮醒佢。明知自己係第三者都唔跳走，仲要繼續落去，咩心態呢？ 自虐？ 定係根本佢係enjoy ？！

[@ktkt6563]

根本鍾意搶人男朋友

[@deborah611ng]

@@ktkt6563 我覺得佢鍾意爭個鍾感覺，到爭到坐正冇癮就話想分手，正常人一見條仔咁極品都即刻走人，仲點會冇脾氣包容到咁呀？

[@ktkt6563]

@@deborah611ng 正常知道自己做咗小三，點會唔分手仲繼續，再要玩啲小花招，等個正印知，咁唔係搶係咩！ 仲話自己有幾個人追，睇佢係似冇人要囉🙄

[@parishei3342]

唔好同你男朋友分手🙏🏻唔好放佢出嚟害人😂

[@love33lee50]

表妹拍門拎糖😂

[@user-lk6jh3mt5y]

似系拍拖耐同埋年齡令您忍，要醒啦。跳出黎啦❤

[@hopechan-my3ie]

let me think of someone and something ....this man and this girl ..let go gal, u are still young and u are deserved better . This man won't chnage , no future. Hurt and betrayal will be waiting for her. U have to do inner healing as u got some distorted concept inside and got inner childhood wounds or something make ur manifestation in relatiosnhip like this. Everytime into third party situation.

[@cctung6419]

發現金牛座好鍾意把口講無所謂，但明明有所謂⋯⋯結果自己唔開心，變成抑鬱（某朋友嘅經歷）⋯ 人係可以有情緒同脾氣，唔鍾意要講出口！ 換轉我係男人，另一半明知自己出軌都可以啞忍，佢實mark住你架，因為第二個女人會反抗，而你唔會。呢啲根本唔係愛，純粹貪你唔會點發脾氣/發癲⋯⋯

[@user-gl1gh9nj9r]

我識一個又係，明明對啲朋友好精明，唔要面都要拎盡著數。然後又係同事主咁，抑鬱症。

[@cctung6419]

@@user-gl1gh9nj9r 我識嗰個金牛座好大經濟壓力，之前又同個有婦之夫有感情瓜葛⋯⋯唔通人哋對你好就會為咗你離婚咩？

[@user-gl1gh9nj9r]

@@cctung6419 我識果個都係，人地仲有小朋友。最後離婚同佢奉子成婚。經濟狀況都差。

[@todoris-dr8nn]

首先擺返正個心態先啦 心正就自然會有好姻緣 好男仔過嚟認識你 吸引力法則 希望故事入面嗰兩個女仔都可以找到一個愛錫自己嘅好男人☝️(同埋寄語小三們千祈唔好以為自己嬴咗另外嗰個 俾你搶走到嘅都唔方係好人 呢啲男人你又挷到幾耐吖)

[@hiuteletubbies5414]

點睇甘比

[@todoris-dr8nn]

搶人老公嗰個另有其人 而家嫁咗人都過得好幸福啦 都戥佢開心

[@patricktangggable]

導演呀，有字幕就夠啦，無需要弹出弹入，嘈刭暈，又重複，好多餘呀!! 等我們專心睇好過啦!! 你可慳番工夫!!!