12 سر لحل عقدة الرياضيات يخفيها عنك المتفوقون لكي لا تسبقهم 🤫 📏📐 🔢

Рет қаралды 33,186

Күн бұрын

الماط خالق ليك عقدة فحياتك، و كا تلقا صعوبة باش تفهمو، فهاد الفيديو غادي نبارتاجي معاك 12 لسر غا يخليوك تفهم الرياضيات واخا تكُون فهامتك تقيلة، بشرط أنك تكمل الفيديو حتى للأخير لأن المعلومات مترابطة مع بعضياتها، و إذا فاتك غير نويطة وحدة غادي ضرب كولشي فالزيرو،
لي مزال ما شافش الجُزء الأول لحل عقدة الرياضيات ها هو الرابط ديالو :
• ثلاث نصائح ذهبية لحل ع... 👉
بلايليست أسرار التفوق الدراسي و الجامعي :
• ثلاث نصائح ذهبية لحل ع...
1- قرا الماط من الجذر ديالو :
ما يمكنش تبني الدار إذا ما حفرتيش ليها الساس، و كذلك الرياضيات ما يمكنش ليك تفهم الحوايج الكبار إذا ما ضبطتيش الحوايج الصغار، بحال العافية ملي كا تبغي تشعلها، ما غاديش تجيب عُود كبير، و لكن خاصك تجيب عويدات صغار، و هادشي علاش نقدر نضمن ليك أن السبب لي خلاك واحل فالماط ديال الكاطريام هو أنك مزال ما ضبطتيش الماط ديال الابتدائي و الأولى إعدادي.
كذلك السبب لي خلاك واحل فالماط ديال الباك هو أنك ما عندكش الساس ديال الماط لي قريتي فالإعدادي و هكذا ...
الماط علم متاربط مع بعضو، و كل قاعدة بسيطة كا تعلمها فيه كا توسع ليك الإدراك باش تفهم حوايج صعاب. و هادشي علاش ضروري دوز معايا للسر رقم 2 و لي هو :
2- ما دوز للخطوة 2 حتى تضبط الخطوة 1 :
ملي تبغي تحل شي تمرين فالرياضيات مثلا فيه 5 ديال الأسئلة متاربطة مع بعضياتها، ما تقُولش بغيت نحل التمرين، و لكن قُل : بغيت نحل فقط السؤال الأول حتى نفهمو مزيان عاد ندوز ل 2 ، و ما تتسوقش للوقت، واخا تشوف أن سؤال واحد خدا ليك ساعتاين من التفكير فالحل، كُن متأكد أنهُ كلما عطيتي الوقت + الخاطر + التركيز للسؤال الأول، كلما غا يسهال عليك السؤال الثاني، حتى غا تلقا راسك مع مرور الزمن عندك قدرة رهيبة فأنك تحل المسائل بسرعة.
هاد السرعة أو خفة البديهة فحال التمارين ما غادي توصل ليها حتى تكُون دوزتي السطاج ديال البطئ.
غا تلاحظ أنك فالأول كنتي كا تخرج التمرين فساعة، التمرين لي من موراه غا تولي تخرجو فنص ساعة، نتا كا تريني و نتا كا تزيد تطور الخفة ديالك فحل المسائل.
بحال هاد المكعب السحري، فاش أول مرة شريتو كنت كا نحلو فساعة، و مع التداريب اليومية وليت و لله الحمد قادر نحلو فدقيقة، و حاليا داير هدف أنني نحلو ف30 ثانية.
3- بالدوام قطرة دالما كا تهرس الرخام :
الرياضيات داير بحال شي عضلة، كلما خدمتيها كلما قويتيها، و كلما هملتيها كلما ضعافت، و هادشي علاش أهم حاجة لأي واحد بغا يتفوق فالرياضيات هي : التداريب اليومية، ماشي غير تحس براسك فهمتي الدرس تحبس، و لكن مباشرة دوز للتمارين، و ماشي تاني غير تشوف راسك خدمتي التمارين دالكتاب المدرسي كاملين تقول صافي وصلت، دوز لتمارين الإمتحانات السابقة، و ما عمرك تقُول ساليت حتى لليلة الإمتحان عاد ديك الساعة رتاح و نعس مزيان باش دماغك يفكر مزيان وقيت الإمتحان.
4- نوع مصادر التعلم :
ما تكتافيش فقط بشرح الأستاذ و الكتاب المدرسي، تفرج فأساتذة أخرين فالأنترنت كا يشرحو الرياضيات بطريقة مبسطة، و أيضا قلب على كُتب ديال الرياضيات خارج المقرر الدراسي، باش هاكذا كا توسع المعرفة ديالك و أي تمرين تحط ليك كا تلقاك ديجا دازت قدام عينيك النويطة لي غا تخليك تخرجو.
5- الذكاء هو طرح الأسئلة الغبية :
وي دُوك الأسئلة لي ملي كا تطرحهوم على الأستاذ كا يبداو يضحكو عليك او يتنمرو عليك صحابك، هُوما الأسئلة لي كاي يصنعُو العُلماء، و هادشي علاش ما عمرك تحشم أنك تطرح السؤال مهما كان كا يبان غبي للآخرين، و واخا يقمعك الأستاذ ديالك دير هدفك هو تفهم، و إذا ما جاوبكش قلب فبلاصة أخرى حتى تلقا الجواب ديالو، ماكاينش سؤال غبي، الغباء هو تحشم من طرح الأسئلة.
6- سقط الماط على الحياة اليومية :
أي حاجة قريتيها فالماط حاول تسقطها على الحياة اليومية ديالك و ديما بدا تسول راسك فين يمكن ليا نطبقها ؟
أو شي طريقة لي نقدر نشدها بيها ؟
مثلا المعادلة التالية :
2x + 4 = 10
حاول تسقط x على حياتك اليومية و تقُول مثلا شحال ديال الفلوس خاص يكون عندي الدوبل ديالهُوم و نزيد عليهوم 4 دراهم و نجمع عشرة ديال الدراه ؟
هنا دماغك إذا قلتي ليه x كا تجيه غريبة عليه، و لكن إذا قربتي ليه الفهم بالدرهم كا يقدر يتخيل و يستوعب المشكل و بالتالي كا تجيه ساهلة يلقا الحل ديالو، هنا كا تلقا الجواب هو 3 دراهم، إذا كان عندك الدوبل ديالها لي هو 6 دراهم و زدتي ليها 4 دراهم غا تكمل 10 .
هاد المعادلة لي تقدر تبان ليك نتا بطاطا و تافهة، تيق بيا أن شحال من واحد كا تلقاه غير حافظ الطريقة، و ما فاهمش العمق ديالها.
كا تقُول ليه حلها ليا كا يقُول ليك ساهلة ماهلة :
كا نردو الربعة لهاد الجيهة كا تولي ناقص ربعة، و كا نردو الجوج لهاد الجيهة كا تولي 6 مقسومة على جوج، و ها حنا لقينا الحل أ المكلخ، و لكن هدا، أتحداك أ سي العبقري تشرح ليا علاش الربعة ملي كان ردوها للجهة الأخرى كا تولي سالبة ؟ هاااا هنا حارو العُولاما، إيوا شرح ليا أ سي الفاهيم ؟
هُنا وقف حمار الشيخ في العقبة.
تقنية إسقاط الرياضيات على الحياة اليومية غا يخليك تفهم المعادلات من الدرجة الأولى بعُمق باستخدام الطريقة التالية :

Пікірлер: 134

@Feynbert Жыл бұрын

أفضل خمسة فيديوهات للتفوق الدراسي لا يُريدُ منك المتفوقون أن تُشاهدها لكي لا تسبقهم، بفضلها تحول العديد من الطلبة و التلاميذ من فاشلين إلى متفوقين : 1- كـيف تحفظ أي شيء بسرعة و بأقل مجهود 🤔 kzbin.info/www/bejne/lZXXlnSNhJxkoac 2- لا يريدونك أن تعرف هذه الأسرار الثلاثة لكي لا تزاحمهم في المراتب الأولى 😏 kzbin.info/www/bejne/qIKle5qtidNlqbM 3- الأسرار الخمسة للتركيز الخارق التي يخفيها عنك المتفوقون لكي تبقى متشتتا فاشلا kzbin.info/www/bejne/r6q0YaaeZ9xsfJo 4- أفضل طريقة للمُراجعة للإمتحانات ( المراجعة العكسية ) : kzbin.info/www/bejne/baKpi2pjgJqol5Y 5- كيف تنجح في الإمتحان في آخر لحظة : kzbin.info/www/bejne/oWOznK2Bhb6VmLs ما هي المواضيع التي ترغبون أن أعمل عليها فيديوهات مستقبلا ؟

@OthmaneARAWCHI 11 ай бұрын

التخطيط

@sarrasahar3743 7 ай бұрын

حبيتك استاذ ياليتني عرفتك من قبل الماط اول مرة تنعرف السر ديالو كيف ماكنت تنتمنى ❤انت فهلا عالم

@king_AFO10 2 ай бұрын

سير الله يجازيك كل الخير أخي الكريم امثالك لي يستحقون المتابعة

@ga_aym Жыл бұрын

المقاطع ديالك وحدها كاتعطيني جرعة من الحماسة أكثر من أي مقاطع أخرى على اليوتيوب، شكرا جزيلا أستاذ🤍✨الله يجازيك كل خير

@salahaya5728 Жыл бұрын

واخيرا حل عقدة لرياضيات 😅❤

@DamassiTV Жыл бұрын

فيديو رائع. الماط مترابطة بزاف ولي ضيع غير فقرة وحدة مفهمهاش مشا ليه كاع دكشي لي جاي. الرياضيات مادة خطيرة بزاف. تقراها تاتعيا ويسحاب ليك راسك وصلتي لنيفو عالي كتلقا بأنك دكشي لي قريتي غير جزء صغير من بحر. هاد المادة فيها بزاف ديال التخصصات المعقدة لي مكتساليش، الطوبولوجيا، التفاضل، الجبر الخطي، التحليل الرقمي، جبر كالوا، الاحتمالات، الهندسة التفاضلية، الهندسة الإقليدية، التحليل العقدي، نظريات الزمرة، التكامل،..... عمرك تساليها حيت هدكشي لي كيقرا بنادم حتى الاجازة ماساوي والو في بحر الرياضيات... مادة قوية بزاف.

@Feynbert Жыл бұрын

شكرا لمرورك الرائع عزيزي و معلوماتك القيمة

@DamassiTV Жыл бұрын

@@Feynbert شكرا لك أيضا لأن فيديوهاتك مفيدة جدا واخا ماواخدش حقك في المشاهدات حيت بنادم كيمشي للتفاهة. وكيبقا فيا الحال فاش كنشوف واحد بحالك قاري ونيفو عالي ومثقف والفيديوهات ديالك فيها إبداع كبير ومكيتفاعلوش معاها فئة كبيرة.. قناتك كتستحق ملايين المتابعين ومن أفضل القنوات عندي. تحية كبيرة ليك وكنتمنا ليك النجاح دائما ❤️

@aichaayoubi6116 Жыл бұрын

من فضلك بغيت فيديو كيفاش تكون متقف ففي جميع المجالات وشي قنوات على هاد الموضوع ،وشكرا على هاد الفيديو المفيد

@zahraamaddah8196 2 ай бұрын

احسنن استاذ شرحك رائع بسببك تعلمت الانجليزيةThank you, professor, for your explanation.

@urnewemeline Жыл бұрын

1.build a strong foundation 2.take it step by step 3.Practice regularly 4.use multiple resources 5.ask stupid questions 6.visualize concepts 7.sketches and drawings 8.group study 9.stay positive 10.the result will take care of it self 11.set realistic goals 12.seek additional help

@Luux_Sabrine Жыл бұрын

أفضل يوتيوبرز شفته وفقك الله 🌸 مشتركة جديدة من الجزائر 🇩🇿

@otmanbouli8324 Жыл бұрын

شكرا جزيلا لك يا أستاذ على الفيديو ❤

@Magicianofhearts-r3m Жыл бұрын

فيديو متخم بالفائدة كالعادة ❤

@fatihamoukrim8962 Жыл бұрын

الله يرحم الوالدين

@user-rpNnznznz Жыл бұрын

تناسق الكلمات في اخر الفيديوا رائع

@mohammedaitali5185 13 күн бұрын

الله إجازيك إخويا

@loubnatripass3142 Жыл бұрын

أول مرة كيطلع لي الڤيديوا ديالك دخلت وشفتوا ماشاءااله عليك عجباتني bidagogy الي كاتعتمدها باش كاتوصل المعلومة جد مزيونة تبارك الله .شرح كاريكاتوري مضحك و متسلسل من خلالوا كاتجرك المعلومة لمعلومة أخرى حتى كاتلقى نفسك فالعمق . ومكتسخاشي تخرج من la védio De toute façon mrc bcp pour votre effort تحياتي

@majdamajdolina4311 Жыл бұрын

الله يعطيك الصحة على هاد الفيديو جا في وقتو❤

@YounessYouness-sn7df Жыл бұрын

شكرا بزاف هلى هاد الفيديو هاد العام عندي التاسعة و باغا نتبازا فالماط مزيان الصراحة ديما الفيديوهات ديالك مفيدين و ديما طوب متتبعة قديمة .👍👍👍👍👍

@Feynbert Жыл бұрын

مرحبا ، الله يوفقك بنتي

@ismailakdim6782 Жыл бұрын

كلمات واقعية و معبرة أنا حاليا طالب الأستاذ العظيم حسان لمسودي الذي أثبت أن العمر مجرد رقم، فيبدأ بالتلاعب بالأرقام و الرياضيات بلغة تشقشق ليجعل المادة بسيطة و ممتعة. فله كل الشكر والتقدير، وختاما كختام الأسطورة الأرجنتيني ميسي و الكأس الذهبية في قطر

@najwanajwa2076 Жыл бұрын

حفضك الله ورعاك وتبارك الله عليك❤❤❤❤❤

@Feynbert Жыл бұрын

شكرا أمي الغالية الله يحفضك ليا

@technews8150 Жыл бұрын

لا يوجد سر معين للتفوق في الرياضيات سوى الاجتهاد والمذاكرة بجد. فإن كنت ترغب في الحصول على الدرجات النهائية في مادة الرياضيات فالمذاكرة هي الطريقة الوحيدة لتحقيق ذلك. ذاكر يوميًا حتى تفهم جيدًا كل المفاهيم الرياضية المختلفة. التزم بجدول المذاكرة.

@Feynbert Жыл бұрын

عندما نقول كلمة " سر " نقصد بها نصائح و خطوات استراتيجية و لا نقصدُ بها سحرا أو معجزة

@bouchrabenyakhelf Жыл бұрын

@@Feynbert✅✅✅

@ilyassbonjour1417 Жыл бұрын

نعم أنا متفق معك

@Z_AB-ch3st Жыл бұрын

هذا يدل على انك لم تكمل الفيديو

@Just4Study-s1t Жыл бұрын

وا سبحااااان الله فالوقت المناسب 😍

@aminhocini8578 3 ай бұрын

فيديو مشوق أنت رائع يا أستاذ واصل أخوكم من الجزائر 💚 💯👍

@abderrahmanjf9004 Жыл бұрын

الله ارحم ليك الوالدين شكرا بزاف

@omolbanat2286 Жыл бұрын

شكرا اولدي الله يوفقك. الله يخليك نصائح لتحفيز بناتي في الاعدادي على التفوق.

@Feynbert Жыл бұрын

الله يحفظهوم ليك و يوفقهوم

@AbdullahBouftah 22 күн бұрын

قصتي مع المات من 9 إلى 11 إلى 14 إلى 17 نستنتج لا للإستسلام💪

@AyaZakir 3 ай бұрын

جزاك الله خيرا

@freefire-b9c8d Жыл бұрын

شكرا جزيلا ارحتني ❤❤❤

@AbdoAbdo-bk8qz Жыл бұрын

Merci beaucoup mon professeur tu as très jolie et bonne courage et bonne courage ❤❤❤❤❤

@AbdoAbdo-bk8qz Жыл бұрын

علاش ماكتجوبكش 💩💩💩💩💩💩💩💩💩💩💩💩💩💩💩💩💩💩💩💩💩💩🖕🖕🖕🖕🖕🖕🖕🖕🖕🖕🖕🖕🖕🖕🖕🖕

@marimaroko Жыл бұрын

ماشا الله بارك الله فيك

@كوثر-ط2ض Ай бұрын

ماشاء الله ** صحح للنتبه فما كتبت خطير

@karimelaissaouy3505 Жыл бұрын

بغينا جزء 3

@zakiriaaouragh9948 Жыл бұрын

شكرا بزاف والله إلى جا فالوقت ديالو

@Mouhamed62737 Жыл бұрын

شكرا استاذ ❤❤

@AbdoChouiki Ай бұрын

دعيو معايا نجيب 20في فروض أو مات واخة كندير مجهود كبير مكنجيبش والو دعيو معيا باش نفرح والديا لدعا يحط جيم نتن منتمنا نولي من أوائل في مادة الرياضيات نولي واعرة دعوة 40غريب مستجابة 😢

@كوثر-ط2ض Ай бұрын

لا يجوز قول دعوة 40 شخص مستجابة ليست صحيحة ولم يتحدث عنها حبيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييبنا نبينا محمد صلوات حبيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييبنا ربنا وسلامه عليه ❤❤❤❤❤❤❤❤❤❤

@newone1704 Жыл бұрын

OSAD ANA 5DIT BAC ADAB HAD L3AM O DB BA8I NDIR SYONS FISIK 7ITAX KAT 3JEBNI WE BA8I NET3LEMHA WA5A MAN DI MORAHA WALO WAX MOMKIN T9OL LIYA RAEY DYALEK IDA KAN MOMKIN ❤❤❤

@Feynbert Жыл бұрын

فكرة زوينة صديقي كا نشجعك عليها، عندي صديق خدا باك أدب و من بعد بغا يعاود ياخد باك سيونس ماط، كولشي ضحك عليه و فالتالي سكتهوم ب 16/20 فالامتحان الوطني.

@roumaisaaalaoui8451 Жыл бұрын

@@Feynbertواش تانقدرو ندوزو باك ليبر علوم واخا نكونوا ادبيين ، مثلا انا عندي غير نيفو باك و بغيت ندوز باك حر واش نقدر نختار علوم واخا كنت اداب؟

@roumaisaaalaoui8451 Жыл бұрын

واش غادي دوز باك ليبر؟

@newone1704 Жыл бұрын

AH @@roumaisaaalaoui8451

@newone1704 Жыл бұрын

AH@@roumaisaaalaoui8451

@imaneimane-go3pp Жыл бұрын

السلام عليكم استاذ ممكن تخدم معانا دروس الاولى باك sm بتمارين صعاب وشكرا

@AhlameEl-lg4hs Жыл бұрын

Bs7 mtaf9a 😊

@plinklll Жыл бұрын

شكرا لك ❤❤❤❤❤

@Feynbert Жыл бұрын

مرحبا أمينة

@Nadanada-uz7ki Жыл бұрын

بارك الله فيك استاذ

@CzcgfCzcgfhjcajjc 9 ай бұрын

Had suyed naaaadi❤

@hafsararib5473 Жыл бұрын

شكرا بزااااااااااااااااااااف ❤

@Feynbert Жыл бұрын

مرحبا حفصة

@nada-s4g Жыл бұрын

استاذ شكرا جزيلا جزاك الله خيراً ولكن انا اولا اعدادي وما كنعرفش مسائل مسئلة بحال تناسبية مني كيعطيني استاذ شي مسئلة في تناسبية ما كنعرفش مزيان

@SihamGaza Жыл бұрын

الله الله على القافية الي مع اللخر ..هايلا هههه شكرا ليك بزاف انا بعدا حلمي نولي طيارة فلماط ونشالله نولي كيما راني نتمنا المهم ..ربي يحفظكم ويرحم موتاكم وشكرا ليك على هاد الفيديوا. متابعتك من الجزائر خاوة خاوة 🫂🫂♥️♥️✨😊❤️❤️☝🏻☝🏻🤲🏻🤲🏻

@soundousshassou7452 Жыл бұрын

شكرا بزااااااف والله

@hibabennani-v5u Жыл бұрын

3fak ida brit nbda les bases dial lmath chnou nkdar ndir fin hansibhom pliis jawbni

@fatimazahraeljeffali6780 Жыл бұрын

ولدي عندو الرابع ابتدائي عندو مشكل فالهندسة خصوصا كيفاش يستخدم الكوس باش يشوف واش كاينة زاوبة قائمة .معندوش نهائيا مع التسطير ...

@abdoboulnouar2973 Жыл бұрын

ديرلنا الفرنسية كيفا نتفوقو فيها شكراااااا على هاد فديو زوين بزاف جازاك الله

@ChaimaeNn-du1hw 8 ай бұрын

شكرا

@hinatabatou8244 3 ай бұрын

نهار الثلاثاء عندي فرض ديال الماط والفيزيك وباقي مفاهماش الدروس معرفتش واش غنقدر نكمل المواد فيوماين لكن رجعوني

@asmaa12346 3 ай бұрын

Tana bhalk ma ereftch andir

@AG-mohamed Жыл бұрын

والله حتى راك واعر بالله شكرا لك

@Feynbert Жыл бұрын

أنت الأوعر عزيزي

@AG-mohamed Жыл бұрын

@@Feynbert استاذ شفتك قولتي فالفديو خصنا نبعدو على الهاتف واش حتى فالدراسة حت انا كنقرى غير من اليوتوب تقريبا واش هدشي مخدمش ليا شي جواب واضح الله يسترك وحفظيك

@TV-hm8ul Жыл бұрын

خويا feynbert الا كان ممكن دير لينا شي فيديو على التطبيق aba english واش مزيا و لالا قبل ما نحطو فيه فلوس (3 أشهر =400 dh )

@Feynbert Жыл бұрын

توكل على الله أخي

@aminmohamed4145 Жыл бұрын

شكرا لك على المعلومات

@Feynbert Жыл бұрын

مرحبا عزيزي محمد أمين

@aminmohamed4145 Жыл бұрын

@@Feynbert الله يبارك فيك

@hassnaa6562 Жыл бұрын

You are Always top

@DebbarDebbar Жыл бұрын

استاذ بغيت نقول حاجة اللهجة المغربية اول ماسمعتها كانت تجيني صعيبة😊ومع مرور الوقت وليت نفهم المغربية بحال لهجتنا الجزائريه❤😅

@تٱليآ Жыл бұрын

وليتي تحكي بيها😂

@DebbarDebbar Жыл бұрын

@@تٱليآ شويه😅🥰

@ayoubelmazgaldi6338 Жыл бұрын

tahiyatii

@Feynbert Жыл бұрын

مرحبا عزيزي أيوب

@now.useeme1392 5 ай бұрын

انا ادبي جبت باك هادي5 سنوات نسيت كاع ماط كفاش ندير نعود نبدا من اول

@doharami7111 11 ай бұрын

واش ايلا كنتي ما عندكش اساسيات فالماط نهائيا و لكن كتقرا فالثانوي واش باقي عندك الوقت فين تشد لاباز و لا صافي فات عليك الوقت

@yanibaziz41 4 ай бұрын

كيف أتخيل درس الاشتقاقية

@Soofloura8 Жыл бұрын

متألق كالعادة

@younessadnani3921 Жыл бұрын

نويطة لخرة ناضية😂😂

@zahraamaddah8196 2 ай бұрын

لا ولكن إلا بعدت عليا تلفون كيفاش نستامع للشرح ونفهم😢

@kyun426 Жыл бұрын

فجأة هاد لعام زغبني الله ولا كيعجبني نخدم الماط والفيزيك🙂✌

@Md________1-r9t Жыл бұрын

Feynbert ❤🏹🏹

@Feynbert Жыл бұрын

شكرا لك

@AizitAizit 6 ай бұрын

💜💜...😊

@user_kR19 Жыл бұрын

جزاك الله خيراً الف تحية من الجزائر اللهم اجعله من الكوثر يشرب ومن الحرير والسندس يلبس وفي قصور الجنة يفرح ومن اعنابها وثمارها يقطف و ياكل ومن ابوابها الثمانية يدخل وفي جنة الفردوس يتنعم وباهليه يفرح وبجوار خير الخلق يسكن وبرؤية وجه الله الكريم يفوز اللهم آمين 😭🤲🏻 وفقك الله لما يحب ويرضى اخي

@ga_aym Жыл бұрын

آمين أخية🤍🤍🤍🤍

@benkhlifa3652 Жыл бұрын

سلام خويا انا من سانكيام مكنتش كنتبع فماط او دبا انا فباك شنو دروس لي نخدم عليهم ولي غنحتاجهم فالباك

@SadikIkram 27 күн бұрын

عندي الموحد😢😢😢😢😢

@SadikIkram 27 күн бұрын

الله ينجحك

@stef2789 Жыл бұрын

❤❤❤❤❤❤❤❤❤

@dosejeong Жыл бұрын

Ana mzyana f math wlkn SM jatni s3iba bezaf chi 7ll

@Feynbert Жыл бұрын

شيء طبيعي أنها تجيك صعيبة، و الدليل لوكان كانت ساهلة لوكان كولشي دارها، و لوكان كولشي دارها ما غا يكونش عليها الطلب و ما غا تبقاش عندها قيمة، سيونس مات حلاوتها فصعوبيتها، ديك الصعوبة حاولي تنتاصري عليها بالعمل الجماعي و بالمنافسة و المعاندة و مخالطة الطلبة المتفوقين ، و بإدمان حل المشاكل و التمارين المعقدة.

@dosejeong Жыл бұрын

@@Feynbertاذن لي بغا يديرها خاص يكون ذكي حيت انا متوسطة....

@mohamedbouazzah3372 Жыл бұрын

استاد واش طارق بن زياد ليف رباط 😂تا أنا قريت فيها

@rachidhachimi957 Жыл бұрын

❤

@KhadijaKhadija-di7oj Жыл бұрын

دبا أنا ايلا حصلت فشي تمرين واش ماشي مشكيل نشوف فالحل ولا لا

@Feynbert Жыл бұрын

إذا حصلتي فشي تمرين أ بنتي خديجة حاولي تخدميه بمجهودك الفردي بناء على شنو تعلمتي من الدرس ، عطي لدماغك فرصة يفهم المشكل قبل ما يفكر فالحل ديالو، ملي تعياي و ما يبان ليك حتى أمل عاد شوفي الحل، و خودي منو غير داكشي لي غا يخليك تكملي الطريق بوحدك

@KhadijaKhadija-di7oj Жыл бұрын

@@Feynbertشكرا أستاذي الكريم جزاك الله خيرا على المجهودات 🙂

@القرآنالكريم-د4ج8غ Жыл бұрын

❤❤❤

@Feynbert Жыл бұрын

شكرا لك

@القرآنالكريم-د4ج8غ Жыл бұрын

@@Feynbert العفو😊

@FaraheDakhla 2 күн бұрын

اعقد واثقل طريقة ماشي باش تفهم بل باش تكلخ هههه

@vedghou Жыл бұрын

يا أخي الكريم قبل أن تساعد الناس في زيادة مهاراتهم الذهنية و العقلية لابد أن تتكلم معهم بلغة يفهمونها ... الناس لا تفهم و لا تعرف اللهجة المغربية تكلم باللغة الفصحى أحسن