14/4 《圍爐取戀》 我發現阿媽出軌，唔知點算好

[@cya4679]

圍爐取暖真係好高質….你地做緊既野係幫緊人地既人生，調整想法同健康心態，幫年青人建立一個正確既價值觀，多謝你地！而唔係淨係罐頭式安慰人❤

[@badyan6272]

第一次睇圍爐睇到喊。原生家庭對自己嘅影響唔知要幾耐先可以消除。念番起自己嘅經歷， 小學有一日老豆帶左個女人同bb番屋企住，話係我細佬，自此就一齊生活到大學畢業。當中十幾年重男輕女，莫不關心，老豆吖媽見面只會打交，然後發現吖媽都出軌，精神出現問題開始不停自殺威脅個女，比老豆呃左層樓去比第二個女人依然都唔肯離婚。呢個係我到宜家死都念唔明嘅問題。去到大學比老豆同個女人話平時唔識關心淨係識攞錢，然後開始連學費都唔肯比。然後對於婚姻如此失敗嘅吖媽仲不停催個女快d結婚。 由細到大其他親戚都話呢d 係大人嘅事，唔好理。我都唔想理，但係佢影響我成世，令我唔想結婚唔想生小朋友，因為驚自己嘅婚姻會好似佢地咁，驚小朋友會好似自己咁。 觀望自己到宜家30歲人都未有勇氣同吖媽解開心結，因為知道一講出來吖媽就會喊甚至分分鐘跳樓都有可能。 Cherry 叻過我好多，多d搵身邊值得信任嘅朋友傾計都會有幫助，希望你大個會有勇氣可以解開心結～

[@vernonng6685]

加油🫂

[@poeycheung]

睇你段嘢睇到我眼濕濕。我自小父母係狂打交，打到試過廚房攞刀出嚟格劍，間唔中打到周圍血我幫手報警，警察到之前我只有喱埋响枱底喊(佢哋掟刀刀叉叉我怕被飛中)。童年父母嘅事，真係好影響大個的戀愛觀。我明白。 你個情況我覺得好難同你媽咪解開心結，因為佢明顯係受害者而你爸係加害者，你媽咪身受其害情緒不穩，就算你同佢傾你的感受，相信佢都好難兼顧到理解到你，而且佢自己都幫唔到自己，更加唔知點幫你，反而可能會覺得，一日最衰自己慘，先至搞到你都咁慘，加重埋佢的內疚感咁就弊。 反而我覺得你同媽咪多啲傾計，聽佢講返佢對你爸的感覺，佢的難受，比多啲機會佢同你舒發吓，咁對佢病情可能好啲。 我估你爸點解唔肯離婚，因為唔想分身家比你媽。但其實單方面離婚(例如你媽咪提出，你爸反對)都可以做到，只要分居2年就得。咁當然，係咪真係想離婚都係睇你媽意願。 至於你的創傷，你而家咁大個都咁大陰影，影響仲係大到咁，應該係PTSD創傷後遺症，或者你可以搵社工轉介你睇心理學家，去做點免費的心理治療(我都睇過好幾年)，應該會有幫助。若想快啲有效解決，或者可試搵註冊催眠治療師，但要自己比錢。 你3x了，不要讓童年誤了你的一生。祝你能擺脫陰影，勇敢開展新的戀愛路。

[@maycheng8805]

@@poeycheung 我都係💕細細個阿媽會拎菜刀出嚟劈爛啲傢俬 阿彌陀佛🪷🥺

[@Identity_jengmui]

好多人中意死忍😢為左比完整既家庭小朋友….

[@CPonthenet]

人大左，發覺問題屈埋屈埋，可能變晒形。 細個可能唔識面對，會好抗拒問題（逃避）或扭曲自己本來的感受來過活，同Kenta所言。 咁而家未 ready 連根拔,可以試下分斷式面對，跟自己和解先。 祝福你。

[@horiehermes]

今集東方昇父愛爆棚，全程認真mode😂 Dickson Kneta 叻叻嘅意見&個人經歷分享, 相信都會幫到事主唔少。 希望事主可以堅強，好似主持們咁講，你已經處理得好成熟。 父母積咗多年嘅問題，相信唔係簡單地可以解決到，咁多年嚟佢哋已經有既有嘅溝通&相處方式。而媽媽心入面已經認定爸爸係俾唔到幸福佢嘅話，除非有辦法改變兩個人嘅溝通方式，如果唔係就算冇咗個第三者，我覺得媽媽一樣都係唔會放返心思喺爸爸度，但呢個始終都係佢哋兩個人嘅課題，你可以做嘅就係照顧好自己嘅身體&情緒先，有餘力先可以再去嘗試幫手處理其他人嘅問題。 希望事主無論經歷咩風雨都好，都可以好好長大，做一個好人。

[@baconsmoke2285]

Cherry如果你睇到留言，只想同你講你已經好叻女，好多嘢唔係做仔女可以選擇，但你絕對有權選擇快樂咁生活，而快樂嘅來源唔一定係原生家庭，加油呀，你一定會好好㗎💛🧡

[@theiaselene]

「完整」家庭同有愛嘅家庭係兩回事，離咗婚都可以繼續照顧同愛仔女，只係兩個唔啱嘅人唔使再捆縳埋一齊

[@mushroomburrito]

好同意！

[@MRMAKYIU]

Kneta係一個好溫柔既女仔❤

[@ken8696]

在意你感受還在意你感受，你想要完整家庭都係你自己嘅個人願望。雖然好似好冷漠，但你只可以學識接受。因為每個人都有自己感受，包括你父母。

[@alice0lun]

我成集都好心up 食血清素食到宜家 都係因為啲一樣野 以為自己handle 得到 可以自己一個人解決所有野 最後成個人爆咗 我出事果陣18歲 拖咗幾年真係爆到自己控制唔到自己 甚至出唔到門口 先去睇醫生食藥 我想講啲集真係點醒咗我 明明錯嘅係大人 最尾我要幫佢地趕左趕右無限loop 係學校 返工地方 醫院 警局 去解決所有野而佢地都冇諗過解決問題 做錯事果個人繼續風流快活 最重要係禍不及妻兒 惹埋啲on9女人返嚟日日上屋企僕我地 麻煩咁多位要生仔嘅人 唔該你地諗清諗楚 俾到一個好嘅環境 一頭唔散嘅家 有成熟少少嘅諗法先去生仔 唔好害人🙏🏻

[@gizibi]

勉強冇幸福，見住自己父母由細鬧交單單打打到大亦都唔好過，一句「我為咗你地有完整屋企先忍落去冇同你老豆離婚」就將個波拋俾對仔女，要對仔女承受

[@joeychan948]

我只可以說，做父母也不容易。離婚又怕傷害小朋友，唔離婚又忍下去未必另小朋友快樂。

[@WeeeXoX]

呢條片真係好好 可以記錄一下cherry心路歷程 主持人又好似對細個嘅自己上一課咁 ❤ 好溫暖

[@kl9076]

Cherry 想比個hug 你❤一個人要面對咗大秘密，自己感受屋企人又唔點理都真係唔容易😢， 如果太攰，試下將注意力放喺自己鍾意嘅興趣？ 好好錫自己呀，父母嘅問題係佢哋自己人生嘅考試課題，就由佢哋自己處理啦 有需要可以搵社工/輔導員傾傾，唔好怕煩，呢個問題係需要人支持你比力量你既，加油❤

[@babeshu]

其實你媽媽可能好早已想離婚，就係因為你 "唔想頭家散" 而一直吊鹽水，三個人都辛苦

[@MilkTeaChuchu]

希望各位要記住照顧自己心理，同可信任嘅人講，要求醫就求醫，唔係怕！將來如果遇到唔好嘅對象都要先愛自己！我中學開始就同父母關係差，更唔可以一齊生活，之後真係有左好嚴重個情緒問題又自殘個啲，接受醫療多年，先發現原來係未成年時，原生家庭係主要病因，好彩宜家先病好，但辛苦左太多年啦，唔好再行我行嘅路

[@luzhwa1467]

為左成家人的幸福, 一是就扮唔知, 一係就離婚 家散其實無問題, 大家分開令大家開心 何必重要勉強係埋一齊 爸爸媽媽愛你, 分開同樣會鍚你 佢地唔愛你, 你用鎖鏈鎖住佢地一樣會走 咩角色都好, 每個人都只係一個獨立的個體 無必要去管人地的感情事啦

[@sillysilly8647]

大d 就明

[@cavlinlaw5080]

Parenting真係好好好重要😭

[@C-xs2tg]

作為一個單親媽媽，我自己對小朋友既解釋係爸爸喜歡另一個人，既然已經唔喜歡我，一齊只會令大家唔開心，雖然爸爸媽媽分開，但父子、母子關係係唔會改變既。 我自己身邊亦有朋友父母夾硬一齊到佢地大先分開，會聽到父母話因為你地仲細先會夾硬繼續呢段唔開心既婚姻，做仔女點會唔知屋企開唔開心，但咁只會令小朋友覺得內疚自責，點解推咗個波喺我身上。 結論都係一樣，長大之後就會明白更多，勉強無幸福。

[@NamChoi-n6k]

我都係單親，細個嘅我知咩叫離婚，但唔知點解爸爸媽媽要分開，媽咪又覺得我太細個會唔明冇多解釋，搞到我以為因為自己太唔聽話搞到媽咪爸爸唔可以住埋一齊，後來先知原來爸爸出面有女人，所以媽咪先同佢分開，所以我覺得你好好👍🏽，願意解釋俾小朋友知，唔使好似我咁知啲唔知啲咁估錯哂。

[@馬家大小姐]

搵食艱難，細個父母出去打工都好忙、經常嘈交。 爸爸比較大男人，唔理媽媽感受、要求佢又返工又湊仔又煮飯又做家務，媽媽好辛苦、差D崩潰。 我覺得媽媽既感受最重要，所以我中學甚至勸過佢離婚。 最後佢選擇為左我同細佬堅持呢段婚姻，呢十幾二十年都努力去調整自己心態、改善夫妻關係。 依家我已經29歲，父母既關係好左好多、我媽媽可以話係守得雲開。 冇人可以知道未來係點，但人係可以影響另一個人。

[@maycheng8805]

支持媽媽搵個適合自己的 不要因為孩子而不離婚 細細個媽爸都係 幼稚園媽咪會拎把菜刀劈爛晒啲傢俬 自己匿埋驚佢會劈到自己 之後發現離婚兩個都開心

[@CPonthenet]

聽到都驚😢真係長痛不如短痛。

[@Mirrlo]

其實係真架 相信冇一個子女想阿媽同你講，為左你我先唔離婚，放棄下輩子既開心然後鬱鬱寡歡咁冇哂精神過活

[@NamChoi-n6k]

真係有時唔好以為小朋友唔知，好細個嗰陣幼稚園咁上下，媽咪有左BB，爸爸嗰陣成日都唔返屋企，返到黎又成日同媽咪鬧交，我當時好驚，叫佢地唔好鬧交，佢地就話冇鬧交。後來我見到媽咪流好多血，媽咪小產左，好驚，最尾佢地離左婚，媽咪好傷心，日日喊。 我唔知點解佢地要分開，無知嘅我成日都諗係咪因為自己唔聽話，所以爸爸媽媽咁樣，我一直都知媽咪因為呢件事好唔開心，所以我都唔敢問媽咪點解同爸爸分開，然後成日胡思亂想，好驚媽咪都會唔要我，所以成日都好痴媽咪。後來大個啲，媽咪可能見我大個，我讀大學時多左同我傾偈時講起佢‘前夫’(即係我爸爸)啲野，我先開始敢問媽咪佢係咪好衰架？點解要分開？後來先知原來我爸爸當時出面有第二個女人，佢已經唔愛媽咪，仲搞到媽咪小產。我都有同媽咪講返以為係因為自己唔乖太八厭，所以佢地鬧交離婚，一直都唔敢問。雖然事隔20年先知點解，但都算解左個心結。

[@tung_2222]

我都明正常一個人會想父母恩愛係一齊 然後好愛自己 但呢啲野未必係必然 就算父母唔愛自己 自己愛自己先係最重要 呢個世上最可靠既愛係自愛 加油 捱過左就可以

[@puikanmok1894]

Cherry做得最好的地方，便是勇敢哋打電話上來，令自己可以得到最好的效益。

[@MiNaIYuKi]

老豆老母之間既野其實有好多係細路唔會知 你只係係佢地40年人生入面 突然佢地人生既係一半出現既人 你以為好了解佢地但好多野你其實根本唔會知 所以唔好先入為主諗你老母有幾衰同你老豆有幾慘住先啦

[@東方失敗]

我15果時父母吵架離婚 我都好擔心將來會點，好不安，25既時候就覺得無所謂，最緊要父母佢哋開心就得，離左婚，唔洗日日嘈，大家揾過另一個開心，我都替佢哋開心，始終個人生係佢哋自己，唔好為左仔女唔開心，就點都逼住一齊，父母既人生佢哋有權自己選擇點先開心

[@artemis_1863]

我之前都係會好似你咁諗 真心黎講 你都管唔到佢㗎啦 只要佢哋對你好 我認為佢哋自己係感情上嘅嘢你唔使太執著 因為依啲係佢地嘅責任 我發現嗰陣都中學 我建議你都係唔好理咁多 做返自己鍾意做既野❤️ (我父母都出軌 但係都冇佢哋附㗎)

[@esting4690]

我讀書時期我阿爸都出軌過，但我地幾兄妹都暗地裡撐阿爸，無篤爆佢，我地仲暗地裡傾過如果阿爸阿媽離婚，一定會跟阿爸 (因為阿媽太衰，我地好理解阿爸點解會喺外邊搵女人)。不過後尾阿爸以家庭為重，同外面個女友分手了，亦無同阿媽離婚。

[@matsu001]

真係負到責任先好結婚，如果相處唔到守唔到承諾就唔好結婚。小朋友可以理解父母離婚，但傷害都係存在

[@cyt4848]

欣賞妹妹的主動尋求協助，能分享自己情緒和家庭問題係需要好大勇氣，但你做得到！ 藉住今次主題，我地知道原生家庭對自己的影響，呢個「結」可能到好大個都解唔開，甚至影響愛情觀、對人的關係。 如果意識到有自己呢個問題，我地可以主動尋求處理原生家庭的治療，從心理或靈性上認識自己、面對過去，令自己內心得到釋放。

[@NeoCats822]

真心係要一家人傾，呢個問題唔係呢個小朋友可以處理到，因為問題係由未有小朋友開始已經存在，父母可能有好多原因而一齊，發表自己感受最重要，但唔好想自己期望的未來強加係別人身上，每個人都應該係一個個體，天下無不散之宴席，合則來不合則去，早啲傾訴唔好逃避先係對小朋友最好。

[@riverwind232]

雖然唔知事主父母關係如何...其實離婚唔係一定係壞事黎，乜野頭家會散唔好咁諗...就算你父母唔再係夫妻關係，佢地依然都係你父母呢個事實係不變o架！ 你或者可以咁諗...如果你父母兩個都再婚...咁你其實會有多2個人錫你...新年又會多兩封大利是，生日又可以收多一份禮物

[@eclwos]

如果父母日嘈夜嘈，已經唔愛大家，甚至容忍唔到對方，離婚係好事。但個呀媽錯嘅位係出軌，要搵另一個，應該分開後先搵。

[@alvinlau1988]

加油呀cherry,無論結局係點,呢個都只係你人生中既其中一頁，你美好既人生仲等緊你架。記得唔開心要搵人傾，先處理心情，再處理事情😉you are not alone

[@MrRae205]

其實有時候離婚唔係錯，反而係一個解決困局既最終辦法。因為有好多人去到一個點已經冇愛，甚至冇咗家人之間嘅愛，只剩低憎恨同厭惡。強迫佢哋一齊困獸鬥可能只會釀成家庭慘劇，甚至同一屋簷下每一個人都唔開心。 的確小朋友係呢件事上可以做到嘅只係比自己嘅唔開心有一個出口，真正解決到問題嘅只有大人。唔愛要分開，就應該要理清所有嘢，將事情講清講楚，而唔係單方面出軌，仲要明知小朋友知道都要令佢哋繼續留喺痛苦嘅深淵。大人喺離婚之前應該要為小朋友心理做好準備，清楚令佢哋知道並唔係小朋友嘅錯。因為你要顧及自己嘅幸福都唔可以忽略對小朋友嘅責任同埋事情對佢哋嘅影響。😢

[@tonylo710]

Cherry覺得呢件事錯 唔係因為頭家會散 而係本身出軌呢個行為就係錯🙅🏻‍♂️ 如果Cherry父母係因為相處唔到而離婚 之後佢媽咪先識第二個 咁即使結果係唔開心 但係都可以接受嘅👌🏻 但係宜家問題係佢媽咪出軌 正如同拍拖一樣 你唔會話一對情侶性格不合而分手係錯 但係如果其中一方未同對方分手 就同其他人出軌 咁就有問題 That's why Cherry會話 12:29 佢會支持佢媽咪(搵屬於自己嘅快樂)但唔會接受(出軌呢個行為) 可惜呢度啲留言focus錯喺應唔應該俾父母離錯嘅問題上😐 Cherry, 你係無錯 其實你好理智 亦好為身邊人著想 知道你係好想守護呢個家 但係好多嘢勉強唔嚟 可以改變到嘅係你同父母嘅溝通💪🏻 即使最後個家變成點 你依然可以選擇同佢地保唔保持好嘅關係

[@tracycheng9121]

咁其實年紀係好影響搵配偶嘅條件/過程嘅。可能媽媽都唔係1516歲心態，又有頭家，覺得離婚就等於搞散頭家，又會驚呢個年紀搵唔到第二個夾得嚟嘅人，唔離婚至少仲確保有個女喺身邊😢 13歲同23歲想搵嘅對象同搵對象嘅方法都會有分別，尤其事主媽媽仲要喺一個婚姻關係好差嘅環境下遇到一個對自己好嘅人，而呢個人可能都只係互flirt緊都唔定，未到要再婚嘅階段。

[@TheLaitinnok]

​@@tracycheng9121 其實係出軌本身呢個行為根本就係錯...

[@tracycheng9121]

@@TheLaitinnok 我當然知道係錯，我唔知事主所講嘅屋企人嘈交係點樣啦，但喺婚姻壓力下（尤其有暴力行為/言語攻擊嘅情況），我諗不論男女，見到有個異性唔介意自己有仔女都願意接受/接近自己（愛情上啦），都會享受嗰種曖昧。我覺得呢啲情況嘅感情問題係無得企喺道德高地去睇嘅。

[@candychui1019]

過來人表示：4位主持真係講得好好，每個意見都好適用於呢位小女生😊，想同Cherry講，你千其唔好怪自己，其實可以諗吓，你愛爸爸媽媽，就試吓慢慢去釋懷呢個世界其實未必每個家庭都係完整，而家庭不完整亦唔係啲乜嘢缺陷，千萬唔需要自卑，我哋大家支持你，努力慢慢撑過去❤

[@esting4690]

愛情係兩個人嘅事，為咗仔女唔中意而夾硬一齊，實在太荒謬。

[@jellymandy]

如果段婚姻唔work千祈唔好勉強，唔好俾所謂的完整家庭呢d既定字眼綁死。一個人由細睇住父母點貌合神離互相背叛，對心理影響和將來對愛情婚姻的不信任絕對大過父母離婚

[@kalok5804]

呢集好有教育意義

[@standwithstandnews]

呢集真係好好

[@kt-owo]

Cherry你好叻❤ 你好努力去面對依家嘅處境 同搵人幫手 你會覺得接受唔到係啱架 要記得件事係你爹哋媽咪要解決的 多啲欣賞自己嘅成熟 唔開心嘅時候搵啲歌聽下 有時喊下個人會舒服啲 抱抱你❤

[@BelindaChanable]

我細個都會咁覺得，都好想有個完整家庭，壓力大到甲亢，由細到大都覺得爸爸媽媽成日嘈，完全無感受過家庭樂。媽媽有過男朋友，我都無講咩；到佢地真係離婚，爸爸有日問我意見，問我贊唔贊成佢拍拖，佢好尊重我意見，但其實我無諗過我係可以有選擇。呢個時候再思考番，媽媽出軌的確唔啱，但當初爸爸都係出軌先有咗我。呢個loop可能係karma，不過大個到依家準備結婚，亦想同另一半組織自己家庭，會更加想建立自己溫暖開心嘅家，更加知道第時可以點樣對待自己小朋友，我無絕望嘅，依家都會諒解自己父母，因為佢哋都未識處理情緒/感情，但我哋可以決定自己人生，我哋可以唔洗重複佢哋嘅結局……

[@alanalan910]

其實老豆老母關係唔好 「唔想頭家散」先係自私既諗法

[@lom297]

咁你即係鼓勵佢地分開？

[@eunicechan701]

@@lom297 2個甘憎對方既人一齊但為左小朋友一齊，最慘係個小朋友，合不來不合即去有咩問題

[@sarahmok851]

小朋友未必能夠明白同認同離婚呢個做法，佢哋想要嘅只係一個完整家庭，所以父母嘅責任就係要同小朋友坦白表達感受，咁會對小朋友嘅傷害冇咁大

[@kkonce8941]

係囉 呀媽都為左佢忍左咁多年..

[@punpun3779]

認同如果唔開心分開係OK既，始終父母都係獨立既個體，追尋幸福冇問題啊。小朋友只係需要疏導個情緒同接受理解，怕父母唔再take care自己。 但未正式分開就先出軌變到係媽媽背叛左屋企，我會覺得媽媽係為出軌搵理由。因為媽媽有責任處理屋企既野，唔係自己開心完就算，唔理個小朋友想法。媽媽自私既位唔係追尋幸福，係冇盡媽媽同妻子既責任處理屋企既問題先。

[@cyt4848]

支持妹妹，爸爸媽媽永遠係愛你的，但大人的感情變化，我地 控制唔到。 另外，大人嘅角度，同埋自己經歷過婚姻狀況， 體會了原來「完整家庭」，並唔代表當中有愛同幸福。 當分開後，係咪就代表係「破碎家庭」？我係失敗？ 面對唔理想嘅婚姻中，分開後，我才看到自己帶着小孩的家庭係健康同埋幸福。只要我唔係帶着破碎的心去生存，更加知道自己想要一個點樣既人生。

[@mjch1314]

睇到cherry好愛佢媽，但未睇出佢父母好愛佢喎

[@sukiho7172]

give you a big hug. 以前我都接受唔到, 但因為屋企相處和諧, 所以而家隻眼開隻眼閉。事主你真係好叻,16歲的我都冇用氣講出黎

[@sandrayu1992]

父母之間既事，比返父母自己解決啦妹妹。16歲，宜家比心機讀書，將來先有能力改變自己命運。

[@elisalam9792]

對唔住，可能我好冷漠，但係當你慢慢長大就會更加明白，細個個社會灌輸你既一夫一妻幸福家庭好多時都只係一種理想，現實中各式各樣複雜既情況係到處都有，而勉強係冇幸福。 16歲都唔細了，過兩年就成年人啦，你會發現好多野已經唔再可以單一地用道德對錯去judge，welcome to the world 😂 你總有一日會長大然後擁有自己既生活，而原生家庭對你嘅影響會越嚟越細，做人真係唔容易㗎，加油阿妹！

[@MRMAKYIU]

好高質 節目

[@ansonwong5001]

其實社會唔同咗，分分鐘離婚先係好事，雖然畀著我都接受唔到，不過做仔女嘅，冇嘢可以做

[@annwong7907]

其實好多人都有面對過呢個問題 當時想儘快逃離屋企 都冇同任何一方表達過 我既諗法係做好自己既野 讀好書 搵多幾個錢既工 快d養自己就搬出去 到廿幾三十歲就會輕輕帶過

[@godmorning2839]

事主宜家仲細，父母係有責任照顧子女到成年，雖然好多父母其實根本做唔到……但希望事主明白，當你大個咗，係大人嘅時候，你會明白自己係有足夠能力去做任何事同剋服難關。你唔再係需要依賴父母生存，所以你唔需要驚冇咗他們會點，而且會開始明白父母同自己係各自的獨立個體，他們的人生屬於他們自己，你的人生屬於你自己，兩者並不衝突，你地之間的愛亦唔會因爲他們揾到自己想要嘅嘢而消失。不過事主媽媽就真係好衝動，而且睇得出媽媽應該都好掙扎，覺得對唔住個女，但係婚姻當中出軌依然係好錯，容易對子女樹立不良榜樣。感覺事主其實並唔係一無所知嘅細路，或者媽媽應該係問題出現時，同家人坦白溝通，一係要求伴侶改變，或者家人給與更多體諒，一係清晰表達出自己的意願並作出行動。離婚于社會而言一直係負面嘅詞語，但就好似絕交、分手、及時止損等，及時終止錯誤的關係，有助提高生活水平，未嘗不是好事。事主擔心頭家會散，應先厘清自己係驚失去父母的愛，父母其中一方想不開做傻事定其他。但呢啲原因似乎全部都係事主自己嘅想象，唯有真係同父母了解才有出路。唔知點解現代社會成日有種感覺係父母内心仍然有一部分如同孩童一般懵懂，而子女遇到父母迷惘的時刻則要扮演出調停之類的成熟角色。

[@supersuper0820]

我媽係我18歲有一日同我講同老豆想離婚，心縱然唔想，但都會支持佢。因為佢地成日嘈，又親眼見過老豆郁手。 問佢其實係我細個時點解唔離婚？佢話因為我地3姐弟妹。 我記得我話，邊個岩唔岩都好，唔適合就要離開，你地永遠都係我父母，呢個係改變唔到。 唉，唔婚離成日見住佢地嘈，何必呢

[@sarahmok851]

想俾個支持Cherry 你其實已經好叻 處理得好好 唔好俾咁大壓力自己 坦白同媽咪講你嘅感受 唔好怪自己 你冇做錯野❤

[@devilflame100]

主持人係好,都想幫助人但要注意一d言論,人大咗對愛情嘅睇法係會唔同咗但愛情應該係結束一段關係後再開展另一段,當然那位媽媽一定有自己嘅理由或原因但都要對對方付責,係未辦好離婚手續前都應該維護好對方嘅尊嚴,你唔想再一齊唔緊要但一定要處理好這段關係後再展開另一段感情,有千萬個理由都好,不論男女做呢d事只會傷害身邊嘅人。

[@jayching6298]

Cherry, 加油！你要堅強，支持自己去走下去。找愛你的人去幫你。支持你！

[@Rich9091]

小妹妹，你16歲生活仍需要父母照顧，你唔想家庭破碎係好正常，除咗經濟考慮，如果佢哋離婚，你跟邊個，甚至乎佢哋扔低你，你擔心無人理都好正常。 但你自己講得出唔想家庭破碎，已經代表家庭破碎左。你啊媽出軌的確係錯甚至法理不容。你自殘同樣係錯，但你識講咁做係因為家庭破碎緊，咁你啊媽出軌難道係無緣無故咩？只係你唔知你父母之間發生過咩衝突。你唔好以為大人就成熟啲，有多啲責任心。生仔要考牌唔係完全講笑，佢哋口講唔想小朋友喺破碎家庭長大，但佢哋喺小朋友面前互相傷害就永無休止，甚至去到報警置對方於死地。 我自己都喺一個唔正常嘅屋企成長，細個都好唔想佢哋分開，啊媽衝出門口我同細佬喺度喊。由我小五至今28歲，父母都係互相傷害，但無離婚，我喺呢個屋企坐左18年監仲坐緊，每日都擔心我個賤老豆挑釁我啊媽，挑到我啊媽比警察拉。價值觀、心態係灰到救唔返影響哂自己既人生。我近年有錢先去睇心理輔導，已經有中度抑鬱、焦慮。 我宜家有穩定嘅工作收入，亦決定30歲前搬離原生屋企，我就同我老豆老死不相往來，我雖然好憎我老豆但我都覺得離婚對佢都係一件好事。我宜家調返轉好想佢哋離婚，大罵我啊媽點解唔離婚。佢哋唔離婚，我反而覺得留低啊媽對住我個賤老豆我仲焦慮。我唔係suggest你等多10年有能力搬走先再處埋，唔通我想你好似我咁有心理病咩。 反而你16歲，可能社工同父母傾清楚一齊/離婚邊個方向好啲。離婚絕對係其中一個理性既決定，你父母生無血綠關係，嗰啲一紙婚書誓言傳統價值觀全部都係道德L廢話。反而如果離婚既，你父母要知道有責任同你維持相處，唔可以扔低你，另外要照顧你既發展，衣食住行讀書嗰啲。 加油既說話我唔多講啦，畢竟問題未解決，加油黎有咩用。希望你都要明白點樣先係對每個人最好，犧牲任何一個(你單純唔想啊媽繼續出軌以為咁就可以補返個家庭無用架，你只係犧牲佢)，結果就好似我父母犧牲我既感受今時今日仍然互相傷害，令我覺得坐監咁沒完沒了。

[@You717on99]

完整家庭不代表幸福。要一個完整但不幸福的家庭，倒不如不完整但大家各自開心。如奇日日屋企好似打仗咁，其實各自清靜心情起伏小仲好。

[@henrysouth645]

Cherry 知道你經歷緊好困難既時期，撐住呀

[@jklbeyond2]

致苦主妹妹 : 感情呢樣嘢係冇啱同錯㗎。 當然，只有16歲嘅你未必明白的，日後，當你拍多十零次拖之後，你先"或者"可能會明白少少。 既然唔用對錯去睇，你可以用因果，其實你都有提過，人，係需要人關心的，你媽咪呢度搵唔到某種關心，就會去第二度搵。 喺法律上，道德上佢係唔應該，但返到去最基本人性上，佢只係做緊一個普通人會做嘅嘢啫。 俾你嘅建議同Kneta一樣，呢件係一件唔關你事，係唔需要去解決，更唔係由你去"解決"嘅一件事。 Person A 對 Person B 有感情，係唔會由 Person C intervene完，佢就會同 Person B 冇晒感情嘅。 將自己嘅錯誤想法抽身，置身事外，同時間睇啲書去明白人世間嘅感情依賴究竟係一樣咩事，係你當下首先，同唯一應該要做的

[@goofytse9023]

圍爐取暖真係好高質

[@waiting_one]

將事主條聲變聲係好好，不過都唔好tune得咁勁，播出黎好拆聲，唔睇字幕根本聽唔明佢講緊乜

[@hamsteryan]

欣賞你好勇敢❤做得好好。辛苦你了，要夾喺中間好唔容易。請唔好覺得係自己嘅錯，你的存在本來就值得青睞💕以後要好好愛自己，將自己擺喺第一位先，分返清楚邊啲係可以控制/不可控制，唔好攬曬上身😿🫂🫂

[@RestartLiveInUK]

點解人唔可以結束一段感情先開始另一段? 係都要搞到咁複雜...

[@Channel-ot6vv]

往往當男女之間出現感情問題，最大受害者永遠是他們的子女。

[@carrielauc6493]

你我在這世上的出現，都只是前人一時的快樂才導致的，不要說成是愛有多偉大 !

[@波波椰子脆]

这期真的很好，我们都太需要了😭

[@QM430]

Dickson講個句中左我心聲，因為咁多年黎我阿媽都覺得佢同阿爸之間有咩事都應該係啲仔女出黎做和事佬🙄，而佢自己無諗過點解決，成日就係話啲劇集都係咁，就係得我地唔係🙄🙄🙄🙄🙄

[@haydenchiang9195]

其實聽到cherry話會支持 但係唔會接受證明佢嘅思考已經某程度上足夠成熟 有好多人大佢好多都可以好幼稚 所以要同佢解釋好多道理 但係我相信cherry唔需要 雖然睇得出佢未夠成熟處理件事 亦都冇必要迫自己處理件事 但係佢的確係重要嘅當事人之一。 有陣時望返轉頭真係會覺得個風景唔同咗好多 呢個係呢個不斷受傷然後遇合 變得成熟嘅過程 作為旁觀者覺得好無奈 無奈嘅意思係你有好多嘢想講但係冇辦法講 anyway 我哋而家最應該做嘅嘢就係 support cherry 加油 also cherry is doing very great job tho

[@wahahaha2017]

要明白老豆老母嘅關係要佢地自己決定 反而為怕頭家散而唔話俾老豆知係最唔應該嘅行為 既然都搵埋社工，就直接同老豆老母攤牌，盡快解決成件事 我作為過來人，可以好肯定咁同你講，佢哋即時和平分開，好過你嚟緊考DSE前呢幾年日L日喺屋企鬧交 我本來中一至中四成績一直都好好，但最後老豆老母由我中五嘈到我上大學先分開，最後AL成績只係叫做啱啱夠有大學收 嗰段時間一邊面對考試壓力一邊面對佢地啲關係，真係人都癲 如果當年我有你今日嘅勇氣，我一定出聲叫佢地要離婚的話盡快離，唔好拖

[@Vincent-vl7dk]

好多comment真係道德敗壞 出軌偷食仲講到人之常情理直氣壯咁😅

[@PaSuSkYK]

有冇諗過。。。佢阿媽過得唔開心。。。 分分鐘。。。佢阿媽都係因為未婚懷孕先結婚。。。 你要個阿媽未來30~40年都唔開心咁過，個小朋友都會感受到阿媽唔開心咁過，咁真係好咩？

[@YUhungrex]

我自己一出世就離婚，我覺得冇得逃避只可以接受。我年年都諗住新年有4封利是收，Yeah！有時有D野繼續唔到就要放棄，去最輕鬆既方向諗反而會舒服D好過D。事主加油啦！

[@Stella1312-yn5we]

由細到大被教育一個完整家庭應該係點 , 所謂完整家庭得一款 🙄而且唔達到呢一種家庭就唔叫完整 但其實單親家庭都可以感覺圓滿 (當然仲未計同性戀家庭, 同冇孩子嘅家庭) 😕 真係辛苦Cherry了, 媽媽冇好好噉處理件事令到壓力放咗係佢身上 😥我知香港好多父母都會覺得大人嘅嘢細佬唔使知道 但係係呢個情況下, 媽媽如果一早一五一十咁解釋比囡囡聽, 佢起碼唔會責怪自己 😢希望Cherry大個唔會學媽媽咁樣 拍拖嘅時候唔識面對愛情已經喎完結嘅事實 唔敢同對方坦白, 希望 cherry 會明白有時候分開亦是幸福的, 讓兩方都可以找到自己的幸福

[@MC-kz6zr]

支持

[@くまちゃん-y3i]

加油cherry 🙌🏻

[@karenleung1294]

我細個都親眼見過我阿媽拖住第二個男人，呢條刺一直喺心裏面好多年，以致我地嘅關係都好差。而家人大咗就明白當人嘅婚姻唔幸福嘅時候就好想搵到另一啲慰籍。明白樓主而家嘅心情一定唔好，唔想接受，不過記住父母關係唔好唔係你嘅錯，相信父母點樣都係愛你嘅。希望你安好

[@bigbigxi8070]

我同cherry個case都好似。唔同既係我係知個下就自己同我媽攤左牌，然後我地幾年都冇講過野。幾年後我爸終於自己發現左，離左婚，之後就冇再見過我媽。 我覺得相處唔到離婚係冇問題，但如果相處唔到下一步就出軌，仲要覺得自己係受害者好委屈就得啖笑。

[@veronicasiu]

睇到喊，主持意見很中肯

[@daniello6033]

過來人經歷 我父母由我中二～中五都長期鬧交 到我中五時，我咪同我媽:唔適合就離婚囉！ 媽:怕我細個⋯⋯ 我:我得架啦，不嬲獨立 17歲就自己搬出去住了

[@somethinghappened2018]

你好懂事(雖然係被迫出嚟的懂事) 但你真係好叻😿加油呀

[@Papaya0510]

2個日嘈夜嘈既人更應及早分開 分開左父母心情好左，小朋友也會比較快樂 好過3個一齊面對住壓力/負面/唔開心等唔好既情緒

[@ansonwong28]

知道愛情不是什麼，就會知道愛情是什麼～～～

[@carrielauc6493]

妹妹就是年輕，根本，媽媽及爸爸一早都各有各精彩啦…，尤其宜家呢個什麼年代，咪玩啦！

[@ABCD_family]

其實大人細佬 都有自己既感覺情緒 唔係人人明白及懂得處理，人未大未明白，問題一早有 大人會盡量為左比下一代有完整既家 盡力修飾 但其實大人也有辛苦的 大家互相體諒 想屋企好 其實大人細佬都要幫手 比多點愛家人

[@kayleechan6578]

加油

[@larissa.diaryy]

Cherry 做得好好❤

[@lokyinjane]

呢集好有意思

[@mecn1620]

加油呀🥺🥺

[@skolau7198]

阿媽同阿爸都嘈咗咁多年，一齊到今日都唔容易，佢哋都好辛苦。仔女以家都大個，阿媽或阿爸選擇一個舒服啲方式生活，都可理解！

[@katherine2nd]

係Cherry ge年紀 好容易將感情用對錯去分 但其實有啲嘢事出必有因 阿媽做出咁嘅事 可能真係屈左好耐 真心有啲野大個左先會明 就好似叻叻講果段咁 唔係話合理化所有野 只係閱歷多左先明 希望你講完會舒服啲 慢慢消化下 正面啲去面對人生 支持你

[@Ooolivia23]

至少十年以上 一家人都仍然不合。宜家仲要出軌。咁就離婚啦。講真，不停嘈，三個人都透吾到氣。呢啲野 勉強唔到。 衰啲講句，呀爸呀媽同你 住埋同一間屋，但心裏面已經分裂，咁都已經吾係完整家庭啦。吾好再執著啦。俾呀媽走啦。

[@estheryu1116]

大個左啲你就明白，有啲嘢夾硬唔到

[@Channel-ot6vv]

同感

[@Vincent-vl7dk]

夾硬唔到就離婚先 唔係出軌偷食

[@patc.874]

就算離婚，分開只係一個動作，無需要用自己嘅道德觀念去 judge 對方。重點係父母點樣繼續對待自己嘅子女，唔好話小朋友就無需要知咁多。 有時成年人 Not = 成熟， 但事件中嘅小朋友就變得成熟好快。

[@fredchui8720]

愛莫難助，自愛為先

[@fungkyle1525]

Support

[@wl487]

睇到喊

[@lalashe9073]

我覺得建議坐底溝通，真心覺得五work。 始終作為父母未必將子女視為可以交談的人，可能開口就系五好甘多事。 雖然啲人都話大個左至同父母講返成件事，覺得自己太遲。 我覺得年紀大左獨立出黎社會個陣至系完美時間。父母終於可以當你系大人，可以心平氣和講野，而不是無時無刻都想控制你的狀態。

[@pan06123]

妹妹，你順其自然啦。記住父母嘅愛情故事，唔關你事。香港有60%夫妻離婚，好正常。

[@karsonwong602]

所以呢個家庭本身就唔應該生仔, 分開先係最好方法

[@mushroomburrito]

其實咁諗，媽媽都好慘，有子女又唔能夠話走就走，又可能怕離婚影響到個月先要做到出軌，好地地有邊個想出軌呀，其實呀媽都好壓抑，呢啲時候其實離婚有時先係對三人各自先係出路

[@manmanju8026]

好多時候好多父母係咁，以為未離婚頭家就唔散，但沒有愛情既婚姻頭家其實一早就散左，事主仲細，其實父母調返轉就係想比小朋友喺一個「謊言」中成長，分分中想等佢大左懂事之後就會離婚，只係不幸比事主發現。 事主嘅父母可能已經唔幸福經營家庭得好辛苦，媽媽喺出邊搵到愛情，係媽媽但佢同時都係普通人，想自己開心有追求幸福嘅權利，活係一個虛假嘅家庭入邊其實仲辛苦。有啲父母甚至有抑鬱症，正面啲咁睇事主，其實應該要理解媽咪所做嘅一切，分分鐘調返轉係因為愛自己已做嘅行動，當然唔係話媽咪冇錯，錯在覺得你仲細冇同你好好溝通，或者事主都要諗自己係唔係又真係成熟都可以去承受理解同埋接受一切？如果你自問都唔得嘅，咁你就理解點解父母唔同你溝通反而用謊言去掩着而家所有嘅事。 但要記住錯不在你，父母即是離婚都唔係你嘅錯，你只要記住你父母都係人，既然你愛你父母嘅，作為子女調返轉支持佢哋嘅真正幸福先係愛嘅表現。站在道德高地作為父母，當然要緊守婚姻嘅原則，但說白了他們不過是人，相處得唔好又點會幸福。 真係要同媽咪講清講楚你嘅諗法，溝通先係家庭最重要嘅部份。 （我都係單親環境下長大，大個諗返轉頭，如果父母硬要繼續婚姻，可能我會係一個更差嘅環境成長

[@Mirrlo]

10:10 其實真係好認同 老實講你唔想你父母散，但係如果佢地之間真係冇愛呢？一齊只係為左吵既話一齊反而更傷心。 所以一係你自私要你媽去孤獨或者傷心過 一係佢離開佢可以開心過剩返既下輩子 但到時你又會話佢自私唔理你 但相反如果到你大個你媽最後冇走到 到時可能會話因為你我委屈埋下半世 到時你求佢佢都唔會搵另一個 所以真係唔好再講咩你想同唔想，比返你父母選擇啦，就算佢真係搵其他人，佢都一樣係你媽佢唔會走左。

[@oceanchan2497]

Cherry,如果你想解決，首先你自己要堅強同冷靜落嚟。冷靜之後你可以慢慢去處理父母嘅問題。假如當刻你都冷靜唔到，父母會有可能覺得佢哋問題引發到你嘅問題。有機會更加惡化。所以呢刻你要撐住，慢慢去處理。夫妻嗌交係常事，慢慢嚟。加油

[@sheilakar2725]

識得搵人去傾件事已經好不容易，每個人對一件事的輕重觀點都不一樣，對一個活了幾十年的婆婆來說可能只是小事，但對一個十六歲妹妹來講，可能是整個世界崩塌的事。但願小妹妹未來可以有更好的生活。