ازرع وخزن البصل البلدي الاحمر لسنه كامله مش هتشتري بعدها بصل بالغالي تاني

هذا الفديو وصف لطريقة زراعة البصل الاحمر في المنزل بكل بساطه وسهوله بشراءك ربطة شتل ب20جنيه فقط ازرع كمية بصل كبيره جدا تكفيك انت واصحابك طول العام كما تشاهد في الفديو الثوم المزروع قبل 20يوم فقط وأصبح رائع النمو كثيف الخضار وتزرع البصل بأربع طرق منها ثلاثه رأيسيه وواحده لاولاد الزوات الأولي زراعة البصل علي المصاطب وفيها نزرع علي مصطبتين وفي الوسط حفره للمياه والتسميد والطرقه الثانيه تسمي طريقة رجل الغراب وفيها تكون النباتات بعيده قليلا عن بعضها والطريقة الثالثه زراعة البصل علي خطوط رفيعه وهي الطريقه التي تروي فيها الأرض قبل زراعتها أما الطريقتين الاوليتين نزرع فيها علي التيره ثم نروي أما طريقة اولاد الزوات في زراعة البصل الاحمر بدون أن يلوثوا ايدهم تماما فإنهم يرون الأرض اولا ثم يزرعون الشتلات من اعلي الان لديك اربع طرق لزراعة البصل الاحمر وبمتابعة المراحل سنتعرف افضل الطرق في الإنتاج مع قناة ارضنا علي سطحنا تتعلم الطرق الصحيحه لزراعة جميع الخضروات والفواكه علي الأسطح والأراضي المفتوحه

[@Monabebo-w8z]

تسلم ايد حضرتك وربناا يبارك في زرعك .. انا عاوزه ازرع ع السطح ومش عارفه ابدا ازاي واعمل ايه واجيب الشتلات منين ..؟.

[@earthonourroof1284]

ربنا يبارك في حضرتك وشاكر لزوق حضرتكم الراقي وتشرفت بحضرتك في قناتي المتواضعة وفكره جيده جدا زراعة السطح ولن تكلف حضرتك مال ولا وقت كثير وانا تحت امر حضرتك في اي حاجه تحتاجينها ود رقمي وعليه واتس 01002214447واتشرف بتقديم كل الدعم لسيادتكم

[@wezawezo9251]

اللهم صل على محمد وعلى آله وصحبه وسلم

[@earthonourroof1284]

صلي الله وسلم وبارك علي حبيبي ونور عيني محمد سيد الخلق اجمعين

[@sungiverhanaa2516]

كل الشكر على مجهودك

[@earthonourroof1284]

الشكر لله ولزوق حضرتك الراقي بوركتم اينما كنتم

[@AhmedAhmed-c2b8c]

ايضا كنت عاوز اعرف هل بعد زراعة الشتلات البصل يمكن جمعه بعد قد ايه لاستخدامه كبصل اخضر وشكرا لحضرتك

[@earthonourroof1284]

إن شاء الله لو حضرتك حابب تآكله اخضر بعد شهر ونص من الزراعه يكون جاهز للاكل وبارك الله لكم ووسع ارزاقكم

[@AhmedAhmed-c2b8c]

@@earthonourroof1284 ايضا لو سمحت لو انا زرعت مثلا بصلة متوسطى وبعد فترة من الوقت طلعت مثلا 4 بصلات هل ممكن اخلعهم واستخدمهم شتلات ولا الشتلات ما بتطلعش الا من بدر الحبوب فى الارض فقط ولكم خالص الشكر

[@salwasalib2014]

و كمان تروي بعد اد ايه يعني كل ١٥ يوم مثلا ؟

[@band3gaming-984]

الله يبارك لك ويحسن كل اعمالك ويأجرك

[@earthonourroof1284]

ويبارك في حضرتك ويرزقنا وإياكم حسن ثواب الدنيا والاخره

[@norayousef8282]

تسلم ايديك، بإذن الله هاشتري الجير والبصل وابدا في الزراعة، سؤال: عندي حديقة صغيرة فيها قواقع، ازاي اتخلص منها بطرق آمنة للقطط والعصافير ؟

[@earthonourroof1284]

ربنا يعزك حضرتك شرف ليا متابعة حضرتك والقواقع افضل مقاومه ليها التقنيه اليدويه وان صعب علي حضرتك أضيفي بعض الغذاء القواقع ليلا بعيدا عن النباتات وهي ستنجذب اليها وخاصه بقايا الخضروات الطازجه أو كميه من السماد العضوي البقري أو زرق الحمام وبعد تجمعها يمكن القضاء عليها بسهوله أن شاء الله وإضافة القليل من بودرة البلاط للتربه آمن تماما واخلطي معها حبيتين ريفو (اسبرين )مجروش سيقضي عليها تماما وحضرتك طمنيني بعدها

[@poppop-nh5yz]

بارك الله فيك وجعله فى ميزان حسناتك يارب العالمين 🤲

[@earthonourroof1284]

وبارك الله في حضرتك ورزقنا وإياكم حسن ثواب الدنيا والاخره

[@يومياتالهناوالسعاده-ض7ش]

والله العظيم فيك بركه كثر من امثالك

[@earthonourroof1284]

ربنا يعز حضرتك ويسعدك دنيا وآخره

[@محمودقاسم-ظ2و]

ربنا يبارك فيكم يارب

[@earthonourroof1284]

تسلم يارب ويبارك لحضرتك ويعطيك من فضله

[@reemmostafa1543]

تسلم الايادي

[@earthonourroof1284]

تسلمي يارب من كل سوء شاكر لزوق حضرتك

[@amlsaber3403]

ربنا يبارك في عمرك لو سمحت عايزه اعرف الزرع بعد مايطلع بيمل علي جامبه ليه هوفي السطح وزعه في الاقفص انا لسه ببداء في الزرع ريت تفيدني وجزاك الله خير

[@earthonourroof1284]

السلام عليكم ورحمة الله وبركاته تشرفت بحضرتك في قناتنا المتواضعة وان شاء الله بدايه موفقه في الزرع وبالنسبه اميل الزرع علي جنبه بيبقي سببه تقارب النباتات أو ضعف التسميد مما يؤدي إلي أن يكون المجموع الخضري وخاصة الساق. يكون ضعيف وانصح حضرتك بعمل تباعد بين النباتات لمسافات كافيه والتسميد الدوري بكميات تناسب حجم النمو للنبات وتحت امر حضرتك في اي استفسار

[@amlsaber3403]

@@earthonourroof1284 جزاك الله خيرا وبارك الله فيك يعني تنصحنا اسميد ازيه وكل اده ايه انا لسه بجرب الزرع الزرع بيخد وقت كمان علي مايطلع وبعد كده بيمل علي جامبه انا زرعت توم وبصل والعرش الأخضر طلعه اسميد ازيه انا بسقي يماه البنجر وسميد الخميره

[@kokykoky2752]

ربنايبارك بعمرك وصحتك

[@earthonourroof1284]

ويبارك في حضرتك ويديم عليك فضله وسعته

[@يومياتالهناوالسعاده-ض7ش]

بسم الله ما شاء الله الله اكبر

[@earthonourroof1284]

شكرا جدا لزوق حضرتك بارك الله لكم

[@احمدالشناوي-ت8ز]

ربي اشرح لي صدري ويسر لي أمري

[@earthonourroof1284]

آمين يارب العالمين بارك الله لكم في جميع أموركم ورزقكم التوفيق والسداد

[@ahmedelgamil6624]

الله يبارك لك في زرعك وفي صحتك وعافيتك ويوسع رزقك

[@earthonourroof1284]

بارك الله فيكم ورزقكم مثل ما دعوت لنا وأكثر ووهبنا وإياكم حسن ثواب الدنيا والاخره

[@rababahmed7298]

ربنا يبارك فيك

[@earthonourroof1284]

ويبارك في حضرتك كلي شكر وامتنان لزوق سيادتك

[@هدىالحداد-ض2ت]

جميل ماشاء الله الله يبارك فى حضرتك يارب انا عجبتنى الطريقة الأخيرة مافيهاش بهدلة لو هزرع فى صندوق فى بلكونة البيت هاتبقى سهلة عليا

[@earthonourroof1284]

بارك الله في حضرتك وان شاء الله حضرتك تزرعيه بالطريقه الي عجبة حضرتك وهيكون رائع وتحت امرك في اي استشاره بارك الله لكم وفيكم

[@amalsobeeh-1991]

تسلم ايدك يا شيف

[@earthonourroof1284]

ربنا يعزك يا باشا

[@aabb9229]

أعتقد طريقة ولاد الزوات تعطي إنتاج أكتر

[@earthonourroof1284]

الله ينور علي حضرتك وفعلا بتدي مسافه معقوله للاشتعال لتكوين رؤوس ضخمه ولا تستهلك مجهود كبير من المزارع وبارك الله فيكم

[@aabb9229]

ربنا يبارك فيك....... ويخضر مابين إيديك ويجعله في ميزان حسناتك.

[@salwasalib2014]

روي الارض بالميه كل اد ايه حضرتك ما قولتش و يكبر بعد اد ايه . و شكرا .

[@earthonourroof1284]

السلام عليكم ورحمة الله وبركاته اول ريه بتبقي بعد فتره اطول مايمكن يعني لو الأرض تستحمل عطش لحد عشرين يوم مفيش مشكله ولو اكبر عادي إنما لو الصناديق صغيره والتربه قليلق تبقي لحد لما تحس ان البصل اخد اللون الاخضر الغامق يعني دق جامد في الأرض بعدها بيبقي الري كل اسبوع واهم شئ تستخدم سماد طبيعي في الريات وهو البصل بيأخد 3ريات بس في عمره لو مزروع في ارض مفتوحه إنما زراعتها علي السطح بيحممها التربه القليله فتقدر تسقيه كل اسبوع لحد شهر 4وتوقف لحد لما ينشف وبعدين تقلعه بعدها باسبوعين يعني علي نص 4وربنا يباركلك في زرعك

[@AbedMhamad-h3e]

اللهم فرج هم اهل غزة

[@earthonourroof1284]

آمين يارب العالمين وينزل علي أهلها جميعا الصبر والسلوان ويرحم ميتهم ويشفي مرضاهم إنه ولي ذلك والقادر عليه

[@hebaahmed4252]

جزاك الله خير انا زرعت من البذره بس مطلعش

[@earthonourroof1284]

وجزاك مثله وأكثر أن شاء الله لسه في فرصه ممكن تلحق تزرعه شتل هات شتلات من اي مكان قريب وازرعها أن شاءالله هتبقي تمام

[@ahmedawd5367]

اللهم صل وسلم وبارك على سيدنا ونبينا وحبيبنا سيدنا محمد اشرف الخلق و المرسلين رسول الله صل الله عليه و سلم

[@earthonourroof1284]

اللهم صلي وسلم وبارك علي محمد خاتم رسل الله

[@احمدالشناوي-ت8ز]

والله طريقة ولاد القوات افضل ولكن نريد كيفية رعاية البصل بعد زراعته

[@earthonourroof1284]

شكرا لحضرتك لمشاهدتك الفديو كاملا وتخيرك الطريقه المناسبه لك وان شاء الله قادم عما قريب جدا فديو تسميد ورعاية البصل بالتفصيل

[@emadelasy352]

انا بستخدم طريقة بن الذوات أسهل وانضف

[@salwasalib2014]

ايوا بس بتتروي ميه كل اد ايه ؟ و يكبر و يخلص بعد اد ايه ؟

[@nourmariam8490]

تسلم ❤

[@earthonourroof1284]

سلمت من كل سوء وشر

[@nashwariad6232]

طب نحصد امتى يعنى بياخد نصف سنه مثلا ولا ايه علمات انى احصدة خلاص انه طلع

[@earthonourroof1284]

السلام عليكم ورحمة الله وبركاته علامات النضج لتظهر بداية من شهر 4تظهر الرؤس وتصب وبالمتابعه حتي ينشف الساق بعدها يتم اقتلاع البصل الاحمر ولو حضرتك هتخزنه اتركه فتره اطول للجفاف التام وبارك الله لكم في زرعكم

[@MahasenMostfa]

الجيرده الاهوف شكاره جير ولااجيبه منين

[@earthonourroof1284]

السلام عليكم ورحمة الله وبركاته في شكاير اسمها كربونات كالسيوم أو المحسن وسعرها رخيص أو في سوبر فوسفات كالسيوم ولو تعزر الأمر علي حضرتك ممكن تجيب بدرة بلاط مفيش مشكله خالص من اضافتها للتربه مره واحده قبل الزراعه أن شاء الله هتحسن أداء التربه جدا وبالذات قبل زراعة البصل

[@رانيامحمود-م6ق]

انا جايبه شلته من الاسبوع اللي فات يوم الثلاثاء والارض مش جاهزه فيهم ايه عشان ما يبوظش منى

[@earthonourroof1284]

السلام عليكم ورحمة الله حضرتك حطيهم في كيسه بلاستيك تغطي الجزور فقط وخلي الساق والأوراق باينين ورشي مايه علي الجزور رشه خفيفه هنيعيشوا أن شاء الله فتره طويله او ممكن تحطهم في شاليه صغيره وترويهم ريه واحده ولما الارضتجهز تخلعهم وتنزرعهم تاني عادي مفيش مشكله أن شاء الله

[@رانيامحمود-م6ق]

@@earthonourroof1284 بعد اذن حضرتك انا جايبه 20 شلته للارض وجوزي قال لي مش هينفع ازرعهم دلوقتي عشان انا مش هيروي الارض ينفع احطهم في ميه زي ما حضرتك حطيتهم في الجردل كده عادي

[@سهيردياب-ك5ذ]

ممكن اعرف استري البراعم منين؟

[@earthonourroof1284]

السلام عليكم ورحمة الله وبركاته موجود حضرت في أماكن الطرق السريعه علي طريق القاهره المنصوره أو اي قريه قريبه من حضرتك بس بسرعه شويه لان الشتلات كتيرها اسبوع وتكون خلصت خالص ولو في فدقريب من حضرتك سوق في بلد ارياف بيبيعوا فيه الشتلات دي ربط الربطه ب10جنيه

[@اتعلمالتمريض]

السلام عليكم ورحمه الله وبركاته انا عندى ارض الجنينة بتاعة البيت فيها دودة مبوظة البتنجان والطماطم عايزة مبيد الحشرات غير ضار ياريت الرد ضرورى

[@earthonourroof1284]

السلام عليكم ورحمة الله وبركاته افضل مقاومه لديدان التربه هي التنميه اليدويه وممكن حضرتك تسهل علي نفسك الموضوع شويه وتحط سماد عضوي أو بقايا المطبخ في مكان بعيد عن الزرع وفي الليل بتتجمع الديدان دي علي السماد والفضلات فيكون سهل التخلص منها أن شاءالله وممكن حضرتك تجروش مجموعة حبوب ريفو مع جير وترش بيهم التربه أن شاءالله هيقضعليها بس بردو التقنيه اليدويه مهمه جدا

[@شيرينشرارة]

انا جبت الشتله وللاسف حطتها في التلاجه والعيدان الخضرا دبلت شويه هل ينفع ازرعها

[@earthonourroof1284]

إن شاء الله هينفع هوا بيستحمل بس ما كانش ليها لازمه التلاجه هو لما بيجوا يزرعوه في الأرض ممكن يفضل اكتر من يوم من غير زراعه وبيشد كويس بعدها وربنا يحسن زرع حضرتك

[@mayamohammed1034]

اللهم صل وسلم وبارك على سيدنا محمد

[@earthonourroof1284]

وذد وسلم وصلي علي شفيع الامه وكاشف الغمه ونور القلوب وطبيبيها محمد صلي الله عليه وسلم

[@jgbs-kt7so]

معلش يا ريت تعمل لنا فيديو ثاني عشان تاكد لنا كده من السماد رمل او تربه

[@earthonourroof1284]

عنيا

[@SHOOFwE7HKOM]

ممكن الزراعة من البذور أللى بتطلع من البصل الاخضر

[@earthonourroof1284]

السلام عليكم ورحمة الله البذور توخذ في الأصل من البصل المزروع من البصل الناشف القديم أو فيما يسمي البصل المقوى أو الذي يزرع من بصل المطبخ ويترك حتي يكون كرات تحتوي علي عدد كبير من البذور تجفف تماما وتزرع في السنه التاليه للزراعه

[@nevakhamis6574]

اجيب منين البصل ال بيتزرع انا من القاهرة

[@earthonourroof1284]

السلام عليكم ورحمة الله للاسف سكان القاهره صعب جدا حصولهم علي معظم الشتلات فلو توفر لحضرتك طريقه توصلي بيها لأقرب الريف لحضرتك هتلاقيها كتيرراووممكن حضرتك توصي حد يكون بينزل اى طريق زراعي مشاتله منتشره بكثره علي الطرق والله لو اقدر ابغته لحضرتك مش هتأخر فعلا

[@ahmadhijazi98]

أنا عايز أعرف جدي. وجدّك الله يرحمهم كانوا بيعرفوا انه فيه حاجة اسمها كمبوست او سماد كيماوي؟ وللا عرفوا البصل جديد.

[@earthonourroof1284]

جدي كان يعرف أن في سماد اسمه سباخ لو تعرفه إنما لو جدك ميعرفوش دي مشكلتك انت وهو والسماد الكيماوي تاريخه وتواجده قبل جدي وجدك بكتير ولا حضرتك من زمان اوي للدرجه دي ممكن يكون عندكم كانوا لسه معرفوش الزراعه كلها وكانوا في لسه في العصور الحجريه

[@hema-hi3gs]

انا اول مرة ازرع بصل علي السطح وزارع في براميل بلاستك بقالي 12يوم. ياريت حضرتك تكلمنا علي التسميد والرش. ومن رأي طريقة الخطوط افضل عشان بتسهل في الري وبتاخد عدد اكتر في الشتلات👌🏻

[@earthonourroof1284]

شاكر لحضرتك حسن المتابعه وعسي الله إنا نكون سببا لنفعكم وعلي راسي طلب حضرتك وسنقدم فديو توضيحي وتفصيل عن التسميد والرعاية والرش للبصل في اقرب وقت

[@sehamedress1933]

من فضلك انا اول مره اشوف فيديوهاتك ممتازه ليه سوءال كل ماازرع كسبره ونعناع الكسره يطلع عرقن رفيعين وبعدين يموتوا والنعناع مش ناجحه فيه وعايزه ازرع انا عندي طمي بيتموس ورمل ياريت تفيدني

[@ahmedeltokhey9161]

المساطب

[@magyahmed9958]

ما هى مكونات التربة 🎉🎉🎉

[@earthonourroof1284]

السلام عليكم ورحمة الله وبركاته خليط من التربه السوداء بنسبة 50,%و40%رمال صفراء نظيفه لم تستخدم قبل ذلك و10%اما سماد فضلات حيوانات أو نترات صوديوم وبعض الجبس الزراعي وبعدها توكل علي الله ستكون رائعه لجميع نباتاتك أن شاء الله

[@poppop-nh5yz]

ممكن اعرف التربه دى اسمها ايه اللى بيتزرع فيها البذور واجيبها منين

[@earthonourroof1284]

التربه دي مكونة من تراب اسود ورمل وكمبوست وجبس زراعي وبقايا أوراق أشجار جافه تماما ومخلوطه كويس مع بعضها مش شاريها وومكن حضرتك تكونها عندك بكل سهوله

[@يومياتالهناوالسعاده-ض7ش]

تمام بصمه والمنتدى

[@earthonourroof1284]

كل الشكر لزوق حضرتك

[@AhlamHammad-r1m]

هل ماء الطرمبه يصلح للزراعة

[@earthonourroof1284]

السلام عليكم ورحمة الله وبركاته مياه التربه جوفيه مرتفعة الأملاح بعد الري بها فتره ترفع نسبة الأملاح في التربه وتسبب تملح التربه مما يعرض التربه لظهور امراض وتفقد خصوبتها لذلك لا انصح حضرتك باستخدامها

[@ماماوزهووورافىالبيت]

يعنى ممكن اضيف جير عادى للتربه

[@earthonourroof1284]

الجير هو أكسيد الكالسيوم وبعد اطفائه بالماء يصبح هيدروكسيد الكالسيوم وله دور كبير في معادلة حامضية التربه الذي يطلق عليه ph فيمكن لحضرتك إضافة كميه مناسبه من الجير بعد اطفائها بالماء وان شاء الله سيتحسن أداء التربه بعدها

[@emanAbdelraaof-mk3gg]

تسلم ايدك حضرتك منين اول مره ادخل في القناه

[@earthonourroof1284]

ربنا يعز حضرتك ويسعد ايامك أنا من مدينة اجا محافظة الدقهليه

[@emanAbdelraaof-mk3gg]

احسن ناس هو ينفع البصل مع النعناع

[@sanaamohamed110]

لو قعدت حوالي اسبوعين ينفع تتزرع

[@earthonourroof1284]

السلام عليكم ورحمة الله وبركاته اسبوعين كتير اوي اوي صعب أنه يشد كويس

[@jgbs-kt7so]

عايزين نعرف التسميد هل بيترش له حاجه

[@earthonourroof1284]

حاضر عنيا أن شاء الله اعمل لحضرتك فديو تفصيلي بالمراحل التسميد

[@monaseif8445]

السلام عليكم ورحمه الله من فضله الفديو ده فى شهر ايه انا عوزه ازرع بصل وثوم. احنا الان فى ١٧/ ١٢ / ٢٠٢٣. ازرع امتى من فضلك ياريت تساعدني فى الزراعة على السطح ذى ما انت عامل ومواعيد التسميد

[@earthonourroof1284]

السلام عليكم ورحمة الله وبركاته حضرتك ممكن تزرعه دلوقتي وهيبقي كويس جدا لان فترة زراعته من اول شهر 12لمده شهر وان شاء الله حضرتك بس ازرعه بالطريقه الي شرحتها وان شاء الله هعمل لحضرتك فديو تسميد بالتفصيل وتوكل علي الله

[@ملكلوكه-ت8ك]

أجيب ممكن الفصل ده

[@earthonourroof1284]

السلام عليكم ورحمة الله موجود علي الطرق السريعه كتير مشاتل للمزارعين أو لو في سوق جمب حضرتك في ارياف بيبيعوا في الشتلات دي ولو حضرتك ما عرفتش توصل ليها عرفني ممكن يكون في حل عندي لحضرتك

[@AhmedAhmed-c2b8c]

عاوز اعرف متى يتم جمع البصل بعد زراعة الشتلات فى القصيص على السطح يعنى بعد كام شهر يستخدم فى الطبيخ

[@earthonourroof1284]

السلام عليكم ورحمة الله وبركاته مدة البصل في الأرض أربعة أشهر يعني حضرتك من نهاية شهر 3يتم حصاده الي شهر 4

[@AhmedAhmed-c2b8c]

متى يتم ظهور زهرة البذور فى البصلة التى تم غرسها فى التربة القصيص بعد كام شهر لاستخدام البذور بتعتها فى زراعة شتلات اخرى لو سمحت يا باشمهندس

[@jgbs-kt7so]

انا جايبه ب 30 جنيه بصل بس مش عارفه ازرعه وليه بيموت معايا عايزه اعرف التسميد بتاعه ورغم ان مكانه واسع يعني

[@earthonourroof1284]

بصل ناشف ولا شتلات حضرتك عرفني لأن في فرق كبير جدا

[@jgbs-kt7so]

هل البصل بيترش له ملح

[@earthonourroof1284]

ملح ازاي

[@marcellewilliam764]

أعتقد الافضل هى رجل الغراب لأنها بتسيب فرصة لروس كبيرة

[@earthonourroof1284]

ماشاء الله عليك شكلك فلاح شاطر بالفعل كدا

[@waseemgamal5073]

لو سمحت هو سعر الصندوق كام

[@earthonourroof1284]

آخر مره شاري نفس النوع الي عندي ب35جنيه وممكن حضرتك لو في حد بيبيع خرده قريب منك يكون سعره اقل شويه وربنا يوفقك للصالح

[@yasserali4822]

والله واحشني ياعم احمد

[@earthonourroof1284]

ماشي يا حاج ياسر مختفي خالص ولا اي متابعه خالص ربنا ييسر لك امورك وتكون احوالك تمام

[@waseemgamal5073]

وبيجاب الصندوق منين

[@earthonourroof1284]

حضرتك هتلاقيه كتير اوي عند بتوع الفاكهة وبتوع السمك بيجيبوا بضاعتهم فيها وممكن بتوع الخرده وفي مصانع بتبيعها بس بتغالي في سعرها جدا ملوش لزمه المستعمل افضل

[@mohamedriyad33]

هو بعد كده يبقى بصل ناشف للخزين

[@earthonourroof1284]

إن شاء الله هيكون كدا توكل علي الله وازعه هيوفر علي حضرتك كتير وباذن الله هعمل فديوهات التسميد هتفيد حضرتك في المراحل الجايه جدا

[@mohamedriyad33]

@@earthonourroof1284 شكرا جزيلا

[@Animal-husbandry1]

السلام عليكم أنا عندي سطح و بدي ازرع في ولكن اهلي بقولو انو مي التراب بتخرب القعده أو بتعمل الرطوبه هسا كلامهم صحيح

[@earthonourroof1284]

وعليكم السلام ورحمة الله وبركاته ممكن تزرع وتعمل حساب مياه الصرف بسهوله جدا وفي فديو علي القناه بيتكلم عن موضوع حماية السقف من مياه الصرف شوفه أن شاء الله استفاد منه كتير وهيفعك جدا

[@رانيامحمود-م6ق]

ما ينفعش احط التربه الطينيه على المسلح بتاع الارض واعمل لها حته مربعه كده وازرع

[@labibelsamadony4620]

​@@earthonourroof1284حمايه السطح من مياه الصرف

[@madyhady5994]

سؤالي لحضرتك ليه مزرعتش البصل بالبذور

[@earthonourroof1284]

السلام عليكم ورحمة الله وبركاته زراعة البذور من الاعوام السابقه لها معاييرها وطرق تخزين البذور والحفاظ علي صفات الإنتاج لذلك افضل شراء شتلات من أماكن موثوق منها تزرع بزور معالجه جدا ومعده للزراعة من قبل معامل البحوث الزراعيه

[@jgbs-kt7so]

طب نعرف بيتسرق كل قد ايه ميه

[@earthonourroof1284]

بيتسرق من فين بالظبط

[@dodo-rq9we]

كيف اتواصل مع حضرتك ، ممكن رقم التلفون ، محتاجة اسال علي بعض الاشياء

[@earthonourroof1284]

يشرفني التواصل مع حضرتك 01002214447

[@norayousef8282]

إزاي اشترك في القناة لمتابعة ماسبق من فيديوهات ؟

[@earthonourroof1284]

السلام عليكم ورحمة الله وبركاته اتشرف بتواجد حضرتك في قناتي المتواضعة حضرتك افتحي اليوتيوب واكتبي ارضنا علي سطحنا واضغطي اشتراك وفعلي زر الحرز لجميع الاشعارات بعدها حضرتك ممكن تشوفي اي فديو للقناه والجديد هيوصل حضرتك اول باول

[@samiraqassab215]

العنوان لزراعة الثوم والبصل .. ما شفنا كيفية زراعة الثوم ..الفيديو طويل فيه رغي واجد .. ...خفف الكلام الزايد

[@earthonourroof1284]

السلام عليكم ولو حضرتك تابعت فديوهات القناه السابقه ستجد فديو شرح تفصيلي لزراعة الثوم وان شاء الله هناك فديوهات متتابعه تبعا لمراحل نمو الثوم والبصل والرغي شاكر لحضرتك استخدام هذا المصطلح. إنما نحن نوضح للذين ليس لديهم فكره مسبقه إنما لو حضرتك لديك الفكره تخطي الفديو ويشرفنا مرور حضرتكم

[@madyhady5994]

استمر جزاكم الله خير الجزاء ونفعنا بعلمكم ودعواتكم

[@ana-sh]

زراعتك اصلا غلط لانه فيه فراغات كتير فاضيه

[@earthonourroof1284]

هو لو حضرتك عارف اصول للزراعه تقول كدا ازي فراغات ايه بس مين علمك الزراعه بس