2008江蕙 - 戇阿媽 Gōng A-má(高音質)

[@哈哈哈-z4o]

作詞：潘協慶 作曲：陳冠甫 編曲：Terence 天猶未光 thinn iáu-buē kng 露水猶含霜 lōo-tsuí iáu kâm-sng 你就落床 lí tiō lo̍h-tshn̂g 輕步撆䘼 khin-pōo pih-ńg 三兩手攢好早頓 sann-nn̄g-tshiú tshuân hó tsá-tǹg 想攏無想 siūnn lóng bô siūnn 有好料 ū hó-liāu 全部款款予阮 tsuân-pōo khuán-khuán hōo gún 少年為囝 siàu-liân uī kiánn 食老為戇孫 tsia̍h-lāu uī gōng-sun 無你泡的茶 bô lí phàu ê tê 無你漿的被 bô lí tsiunn ê phuē 無你𤉙半工的糜 bô lí kûn puànn-kang ê bê 才知有阿媽 tsiah tsai ū a-má 日子才遐好過 ji̍t-tsí tsiah hiah hó kuè 戇阿媽 gōng a-má 你敢有想阮這粒金柑糖 lí kám ū siūnn gún tsit lia̍p kim-kam-thn̂g 莫行傷遠 mài kiânn siunn hn̄g 你若跤酸著歇睏 lí nā kha sng tio̍h hioh-khùn 毋通忍 m̄-thang lún 戇阿媽 gōng a-má 若鼻著含笑花蕊的芳味 nā phīnn-tio̍h hâm-tshiò hue-luí ê phang-bī 毋通袂記 m̄-thang buē-kì 佇天邊彼面 tī thinn-pinn hit bīn 有我咧想你 ū guá teh siūnn lí 月清路遠 gue̍h tshing lōo hn̄g 阿媽的偝巾輕重無論 a-má ê āinn-kin khin-tāng bô-lūn 一角一分 tsi̍t-kak tsi̍t-hun 步步為序細拍算 pōo-pōo uī sī-sè phah-sǹg 想攏無想 siūnn lóng bô siūnn 有好料 ū hó-liāu 全部款款予阮 tsuân-pōo khuán-khuán hōo gún 少年為囝 siàu-liân uī kiánn 食老為戇孫 tsia̍h-lāu uī gōng-sun 無你泡的茶 bô lí phàu ê tê 無你漿的被 bô lí tsiunn ê phuē 無你𤉙半工的糜 bô lí kûn puànn-kang ê bê 才知有阿媽 tsiah tsai ū a-má 日子才遐好過 ji̍t-tsí tsiah hiah hó kuè 戇阿媽 gōng a-má 你敢有想阮這粒金柑糖 lí kám ū siūnn gún tsit lia̍p kim-kam-thn̂g 莫行傷遠 mài kiânn siunn hn̄g 你若跤酸著歇睏 lí nā kha sng tio̍h hioh-khùn 毋通忍 m̄-thang lún 戇阿媽 gōng a-má 若鼻著含笑花蕊的芳味 nā phīnn-tio̍h hâm-tshiò hue-luí ê phang-bī 毋通袂記 m̄-thang buē-kì 佇天邊彼面 tī thinn-pinn hit bīn 有我咧想你 ū guá teh siūnn lí