2022 жыл - Балалар жылына орай мектеп оқушылары арасында шағын футболдан аудандық жарыс өткізілді.

2022 жылдың 21 қазан күні спорт алаңы ашылды. Спорт алаңның лентасын салтанатты қию рәсімі спорт ардагерлері Марат Паритұлына және Сансызбай Баткенұлына ұсынылды. Спорт алаңның салтанатты ашылуына Жаңақала ауданының әкімі Закарин Дархан Әмірханұлы, Жаңақала ауылдық округінің Қапанов Ақан Болатұлы, спорт ардагерлері Марат Паритұлы, Сансызбай Баткенұлы, Жаңақала аудандық мәдениет, тілдерді дамыту, дене шынықтыру және спорт бөлімінің басшысы Танзенов Данял Жұпмағамбетұлы, Жаңақала аудандық "Jastar" спорт клубының директоры Гумаров Жанболат Жасқайратұлы және аудан жастары қатысты. Құттықтау сөз сөйлеген аудан әкімі және спорт ардагерлері барша жаңақалалықтарды жаңа алаңның ашылуымен құттықтады. Жаңақала аудандық «Jastar» спорт клубының және Жаңақала аудандық жастар ресурстық орталығының ұйымдастыруымен 25 қазан - Республика күні және 2022 жыл - Балалар жылына орай мектеп оқушылары арасында шағын футболдан аудандық жарыс өткізілді.
Аудандық жарысқа қатысқан командалар
1. Ә. Жангелдин ЖОББМ командасы;
2. Д. Нұрпейісова ЖОББМ командасы;
3. Е. Орақбаев ЖОББМ командасы;
4. М. Жүнісов ЖОББМ командасы;
5. М. Мирманов ЖОББМ командасы;
6. №3 жалпы орта білім беретін мектебінің командасы;
7. Жаңақала жалпы орта білім беретін мектебінің командасы;
Жарыстың қорытындысы бойынша
І орын Е.Орақбаев жалпы орта білім беретін мектебінің командасы;
ІІ орын Жаңақала жалпы орта білім беретін мектебінің командасы;
ІІІ орын Д. Нұрпейісова жалпы орта білім беретін мектебінің командасы;
Номинациялар бойынша
«Үздік ойыншы» Нұртаза Әли (Е.Орақбаев жалпы орта білім беретін мектебінің командасы);
«Үздік шабуылшы» Айтжанұлы Әли (Жаңақала жалпы орта білім беретін мектебінің командасы);
«Үздік қақпашы» Талапқали Досымжан (Д. Нұрпейісова жалпы орта білім беретін мектебінің командасы);
Жарыстың жүлделі орындарға ие болған спортшылар аудандық «Jastar» спорт клубының дипломдарымен, медальдарымен және Жастар ресурстық орталығының кубогімен, демеушілік білдірген Еслямғалиев Медет және Ибрашев Берік жеке кәсіпкердің ақшалай сыйлықтарымен марапатталды.