2023_Week 38_Karen_KJOH Devotional_Pride

တ​နွံဘၣ်တနွံ နကဖးဘၣ် လံာ်ဟ့ၣ်ဂံၢ်ဟ့ၣ်ဘါဘၣ်ဃးဒီး သးအတၢ် တူၢ်ဘၣ် လၢတၢ်ဆိကမိၣ်ထံပဲာ်ထံနီၤဖး နနီၢ်ကစၢ် သးအတၢ်ဟူး တၢ်ဂဲၤဒီးနီၢ်သးအတၢ်ဒိၣ်ထီၣ်အဂီၢ်န့ၣ်လီၤ. သးအတၢ်တူၢ်ဘၣ်တဖၣ် မ့ၢ်ယွၤအတၢ်ဟ့ၣ်ဃံလၤလၢပဂီၢ်လီၤ. သးအတၢ်တူၢ်ဘၣ်တဖၣ် ဟ့ၣ် ပှၤတၢ်ကစီၣ်အရ့ဒိၣ်တဖၣ်လၢ တၢ်ဟးဆှဲးတၢ်ဘၣ်ယိၣ်ဘၣ်ဘီ, တၢ် ထိၣ်ဟူးထိၣ်ဂဲၤပသး, တၢ်မၤတၢ်ဆၢတဲာ်တဖၣ်, တၢ်ဟံးထီၣ်ခီၣ်ခါ, ဒီး တၢ်ဘျးစဲလၢပနီၢ်ကစၢ်ဒီးပှၤအဂၤ အဂီၢ်န့ၣ်လီၤ. သနာ်က့, သးအ တၢ်တူၢ်ဘၣ်တနီၤကီခဲဒီးလုၢ်ဘၢကွံာ်ပှၤသ့လီၤ. အဂ့ၤလၢပကဘၣ်ပာ် သူၣ်ပာ်သးတူၢ်လိာ်ဒီးကျဲးစၢးနၢ်ပၢၢ်ပသးအတၢ်ဟူးဂဲၤတဖၣ်ဘၣ်ဆၣ်, ပတကြၢးပျဲအပၢပတၢ်အိၣ်မူဘၣ်. ထဲယွၤတဂၤ ကြၢးပၢပတၢ်အိၣ်မူ လီၤ. နသးဘၣ်ဒိဧါ. နသးလီၤဘှံးဧါ. နသးခုဧါ. လၢနတူၢ်ဘၣ် သးအတၢ်ဟူးတၢ်ဂဲၤဖဲလဲၣ်တခါခါအပူၤန့ၣ်, နကွဲမုာ်သးစီဆှံ လၢ ကလဲၤဒီးနၤလၢနတၢ်လဲၤခီဖျိတဖၣ်အပူၤ, နဲၣ်နၤလၢ နကတိဖျိမၤနၢၤ သးအတၢ်တူၢ်ဘၣ် လၢအသဟီၣ်ဆူၣ်, အကီအခဲ, ဒီးမၤပှဲၤ နသး သမူအတၢ်လဲၤကျဲလၢ တၢ်မုၢ်လၢ်န့ၣ်တက့ၢ်.