Рет қаралды 2,055
2024 жылдан бастап алқа билер соты азаптау, мас күйінде көлік жүргізу және рейдерлік секілді қылмыстық істерді қарайтын болады. Мемлекет басшысы алқа билердің қатысуымен істерді қарау мәселелерін реттейтін заңға қол қойып отыр. Міне, осылайша алқа билер қарайтын қылмыстық істердің құрамы 45-ке жетіп отыр.
Бұл заң жобасын бұған дейін сенат депутаттары қарап, мақұлдаған еді. Ал Жоғарғы сот алқа билер төрелігіне ауыр және ауырлығы орташа қылмыстарды беруді ұсынды. Олардың ішінде, адамның дене мүшелері мен тіндерін алуға мәжбүрлеу, азаптау, рейдерлік, екі және одан да көп кісінің өліміне әкеп соққан медицина немесе фармацевтика қызметкерлерінің кәсіби міндеттерін лайықты орындамауы сияқты істер бар. Сондай-ақ, алқа билер ауыр зардаптарға әкеп соққан балық ресурстарын, басқа да су жануарлары мен өсімдіктерін заңсыз өндіру, заңсыз аң аулауға қатысты деректерді де қарайды. Әрі жол қозғалысы ережесін бұзу арқылы бірнеше кісінің өмірін қиды деп айыпталушылардың ісі мен көлікті мас күйінде басқарған адамдар да алқа билерге жүгінеді.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал