26 мая 2023 г.

#Soʻnggi_qoʻngʻiroq
✨Bitiruvchilarga atalgan "Keles munavvar oqshomlari"
Kecha Toshkent tumanidagi markaziy Amfiteatrda "Soʻnggi qoʻngʻiroq" kuniga bagʻishlangan "Keles munavvar oqshomlari" shou-konserti oʻtkazildi.
Har birimizning hayotimizda «Soʻnggi qoʻngʻiroq» oʻzgacha his-tuygʻularni junbishga keltiradi. Hayajonlantiradi. Toʻlqinlantiradi. Yoshlantiradi. Yoshartiradi.
Bu yilgi bitiruvchi oʻgʻil-qizlarimizga havasimiz kelmasdan ilojisi yoʻq. Sababi, respublika Prezidentining maktab bitiruvchilariga ilk tabrigi yoshlarimizga alohida berilayotgan eʼtiborning yana bir amaliy va tarixiy isboti boʻldi. Demak yoshlar yurtning nufuzi, ishongan kuchi, taraqqiyot mezoni, kelajak timsoliga aylanib ulgurdi.
Toshkent tumani hokimligining bitiruvchilarga atalgan "Keles munavvar oqshomlari" tadbiri ham aynan maktabni tugatgan yigit-qizlarimizning kayfiyatlarini koʻtarish va katta hayotga katta ishonch bilan kuzatish maqsadida tashkil qilindi.
Oʻylaymizki, bu galgi "Keles munavvar oqshomlari" bitiruvchilarda shou-konsert vaqtidagi koʻtarinki kayfiyat unutilmas onlar kabi xotiralarida muhrlanib qoladi.
📹Jarayon videolavhada.