27 мая 2021 г.

Мас күйінде көлік айдап, жол жиегіне спирттік ішімдік төккен Атыраулық тұрғын анықталды
26 мамыр күні Атырау қаласы​ Құрманғазы ​ көшесі​ Мерей бағдаршамында аялдап тұрған​ маркасы «Lada Largus» автокөлігінің жүргізушісі ​ спирттік ​ ішімдікті жол бойына төккен. Оны​ Полиция басқармасы Жедел басқару орталығының бейнебақылау қызметкерлері қоғамдық тәртіпті қадағалау кезінде бірден байқаған. Жақын маңдағы патрульдік полицейлер күдік тудырған автокөлікті Жарбосынов көшесінде тоқтатып, тексеру кезінде жүргізушінің масаң күйде болғаны анықталды.
Аталған жайт бойынша «Lada Largus» автокөлігінің 1992 ж.т. жүргізушісіне қатысты​ ҚР ӘҚБтК-нің 608 бабы 1 бөлімі (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру ) бойынша әкімшілік хаттама толтырылып, автокөлік айыппұл тұрағына қойылды.
Өз кезегінде Атырау қаласының полицейлері автокөлік жүргізушілерін жол қозғалысы ережелерін қатаң сақтауға сондай-ақ жол үстінде тазалық тәртібін сақтап, қоғамдық орындарды ластамауды ескертеді.Автокөлікті мас халде жүргізудің соңы жазатайым оқиға мен адам өліміне әкеп соқтырыруы мүмкін.
#Атырауполиция #ПолицияАтырау #Атыраулықполицейлер #ПолицейскиеАтырау #Атыраулықтәртіпсақшылары #СтражипорядкаАтырау #АтырауоблысыПолицияДепартаменті #ДепартаментполицииАтырау