2BBTK • 17 may - İntellektual yarış

17 may 2023-cü il tarixində Heydər Əliyev ili çərçivəsində “İctimai elmlərin əsasları” fənn birləşməsinin müəllimlərinin təşkilatçılığı ilə intellektual yarış keçirilib.
Tədbir kollecinin “Şəfa”rəqs qrupunun təqdimatı ilə başlayıb. Tədbirdə Kollecin 6 şöbə üzrə tələbələri müvafiq komanda adları altında yarışıb.
"Tibb bacısı (qardaşı) işi-2" şöbəsi - “Turan birliyi”, "Laboratoriya diaqnostikası və tibbi profilaktika" şöbəsi - “Saturn”, "Ortopedik stomotologiya" şöbəsi - “Light of God”, "Əczaçılıq" şöbəsi - “Brain”, "Tibb bacısı (qardaşı) işi-1" - “Целебра”, "Mamalıq" şöbəsi - “Simurq” adı altında qələbə üçün mübarizə apardılar.
Hər bir komanda üzrə intellektual səviyyəyə malik 4, rəssamlıq bacarığı olan 1 tələbə mübarizə apardı. Rəssam tələbələr “Çiçəklənən Qarabağ” mövzusunda rəsmlərini təqdim etdilər. Hər bir rəsm rəhbərlik tərəfindən verilmiş ballara əsasən qiymətləndirildi.
Balların hesablanması "İnformasiya texnologiyaları" fənn müəllimləri tərəfindən həyata keçirildi. İntellektual yarışmanın qalibi "Ortopedik stomotologiya" şöbəsini təmsil edən “Light of God” komandası oldu.
"Tibb bacısı (qardaşı) işi-1" şöbəsini təmsil edən “Целебра” komandası isə rəsm üzrə qalib elan olundu. Qaliblər kollecin təşəkkürnamələri və müxtəlif xüsusi hədiyyələrlə təltif olundu. Yarışmanın digər iştirakçıları da təşəkkürnamə və hədiyyələrlə təltif edildi.
Tədbirin sonunda kollecin “Təbib" vokal qrupu “Əziz kollecim” mahnısını ifa etdi.
#2bbtk #viktorina #tibb