3 super maska shtëpie: Flokë të gjatë/Fytyrë e tonifikuar pa pore/Qafë pa rrudha,dekolte e hidratuar

#rrezedielli #reportTV
Në studion e Rreze Dielli, në rubrikën “Bëje vetë” me estetisten Sidorela Gremi realizojmë tre maska të shpejta për flokët, fytyrën dhe rrudhat e qafës me përbërës natyral që të gjithë i kemi në shtëpi. Estetistja rekomandoi dhe terapinë me akull, një nga më të mirat për relaksimin, qetësimin dhe tonifikimin e fytyrës dhe dekoltesë. Mund të përgatisni vetë në shtëpi kubikë akulli me sherebel, kamomil, livando dhe aloe vera dhe të masazhoni për disa minuta mollëzat e fytyrës dhe pjesën e dekoltesë.
Maska e parë: 1 gotë oriz dhe 4 gota ujë shërben për ushqimin dhe rritjen e flokëve në mënyrë të shpejtë dhe të shëndetshme.
Maska e dytë: kos, mjaltë dhe lëng limoni shërben për një fytyrë të relaksuar dhe të freskët pas make up-it, gjithashtu pastron poret dhe mban të hidratuar lëkurën.
Maska e tretë: mjaltë dhe e bardhë veze, një maskë ideale për rrudhat e qafës.