Рет қаралды 69,999
სწრაფად გავრცელდა მთიულეთს
დანაბარები მეფისა
გაუტეხელნო მთიულნო
შვილნო ვითარცა მეხისა 2x
გადაგვიბუგეს ქალაქი
მტერს ვეღარა ვყრი ღონესა
ურჯულნო თარეშს იწყებენ
გულები დააღონესა 2x
რა მაისმინეს მთიულთა
ერეკლეს დანაბარები
ჩაიცვეს ჯაჭვის პერანგი
აკრიფეს შუბი, ფარები.2x
ლომისის კართან შაგროვდნენ
შასთხოვენ ხატებს შველასა
დაგვლოცე დიდო ლომისავ
და შაგვეწიე ყველასა.2x
ფიცს დებენ ხატის წინაშე
არავინ გადგეს შორადა,
თუმც გავტეხთ ამ ფიცს ვაჟკაცნო
დედამც შავირთოდ ცოლადა! 2x
სამასი გმირი ვაჟკაცი
არაგვის ჭალებს დაუყვა,
მიდიან ძმათა საშველად
კრწანისის გზებზე გაუყვა. 2x
ეკვეთნენ არაგველები
ხმლები იშიშვლეს ლომებმა,
ჯერ ვერ დაღალა მკლავები
ამდენმა ბრძოლა-ომებმა2x
ერთ კაცსა ათი ებრძოდა
ემატებოდა ათია..
იბრძვიან მთიულთ შვილები
მაჯებში ცეცხლი ანთია.2x
ომიდან გაჰყავთ ერეკლე,
მხლებლები გზას უკაფავენ
მისდევენ არაგველები
და მტერს ფეხდაფეხ კაფავენ 2x
" სად მიგყავთ მოხუცი მეფე,
ნუთუ დაჰკარგე ღონია,
მთიულნი ჩამამივიდნენ,
ახლა იწყება ომია.
მათ გვერდით თუ არ ვიბრძოლეთ,
ეგრე ვის გაუგონია";
ცხენი მოვარდა ხადაში,
შუბით ფერდშია დაჭრილი,
სისხლი აქვს მოსართავებზე,
უნაგირ აჭრილ-ჩაჭრილი. 2x
სამასი ვაჟის დედაი,
სამას შვილს ელის კარადა,
სამასი ვაჟი სამშობლოს
შამაკრულიყო ფარადა.2x
მზე სტუმრად იყო დედობას,
სხივები წითლად სდიოდა,
იხუტებს დროშას მთიული,
გულს სისხლი ჩამასდიოდა2x
............................................................
ხადაში გლოვის ზარი დარეკეს
იმოსებოდნენ შავად დედები,
შავ ღრუბლებს ჰფენდენ ცრემლის სადენად,
გუდამაყრის და მთიულთ დედები 2x
კრწანისის ველზე მთიულებს,
ჩასძინებიყო ლომებსა,
მათი გმირული სურათი,
თვით მტერსაც დააღონებსა.
მათი სახელის დიდება,
ახლაც ბევრს დააღონებსა.2