Ұлы дала жорығы - 2022. Арнайы репортаж

«Ұлы дала жорығы - 2022» марафон-бәйгесі 29 қыркүйекте Түркістанда өз мәресіне жетті. Ұлттық құндылық пен ат өнерін дәріптеген дүбірлі додаға 19 өңірден 200-ге жуық сәйгүлік қатысты. Әр команда марафон-бәйгеге бес аттан қосып, 600 шақырымнан кейін оларды ауыстырып отырды. Шабандоздар күніне 100 шақырымды бағындырды. Сонысымен көптің ыстық ықыласы мен жоғары бағасына ие болды. Сайыстың соңғы күні жарыс жолында 4 команда қалды. Командалық есеп бойынша Маңғыстаудың «Көкмойнақ» командасы көшпелі бәйгенің жеңімпазы аттанды. Ұзақ жолға мойымаған шын мықтылар 24 млн теңгенің сертификатын иеленді. Екінші орын Жетісу өңірінің «Жетісу» командасына бұйырды. Оларға 12 млн теңге берілді. Ал Түркістан облысының «Теріскей» командасының шабандоздары 9 млн теңге сыйақыны қанжығаларына байлады.

[@ronaldmorris8991]

Promo SM