٤ تخزينات مستغناش عندهم طول السنة مش بس في رمضان 👌🏻

طول السنة مش بستغني عن التخزينات دي👌🏻 مستنية رأيكم و اسئلتكم في comments ❤️
__
اول حاجة بخزنها دايما
البوفتيك :
الطريقة :
كيلو بوفتيك من السمانة
مش بحب ادقه
بحبه محمل كدة و من حتة طرية فا ميشدش و مياخدش سوا
هتبله
ب ٢ بصل مفروم في كبة
و انزل عليهم
بملعقة ملح كبيرة
و ملعقة فلفل اسود صغيرة
( ملعقة صوي صوص اختياري )
( ملعقة ويرشستر صوص اختياري )
و اقلبهم مع بعض كويس
و بعدين انزل ٢ بيض و اقلب
و يتسابو في تتبيلة اقل حاجة ساعه
انا بسيبهم ليلة في العادي 👌🏻
و بس كدة
بعدها بشيل البوفتيك من تتبيلة
و بعدين بحطه في بقسماط
و بضغط ب ايدي جامد كدة
وانت بحطه في بقسماط عشان ميفكش
وبخزنه و بس كدة
لازم لازم لازم وقت ما نعوز نحمره نستناه يفك بدرجة حرارة المطبخ👌🏻
__
تاني حاجة بخزنها طول السنة
كور الكفتة علي الشوي
بتنجزني في وصفات كتيرة جدا
و اما بتزنق في وقت بعملها جنب مكرونة و بيبقي غداء خطير
الطريقة :
هنجيب كيلو لحمة مفرومة
عليها ١٠٠ جم لية اختياري
و نبشر بصلتين كبار و تاخد
التفل بتاعها بس
ننزل كل المياه الفي البصل عشان الكفتة متفكش مننا
و ننزل ملعقة كبيرة ملح
ملعقة صغيرة فلفل اسود
و ملعقة باكنج بودر
و ملعقة بهارات كفتة
و ابل ايدي بمياه البصل
الصفناه ده
و نصبع الكفتة او نكورها
و ندخلها الفريزر
ساعه قبل ما نحطها تتخزن عشان تمسك نفسها
و بس كدة
و برضه لازم نستناها تفك قبل
ما نشويها 👌🏻
__
تالت حاجة بخزنها طول السنة اللحمة المعصجة
يلاهوي بتساعدني في وصفات كتيرة جدا
الطريقة
في طاسة هنزل ملعقة زيت
و بعدين انزل ب بصلتين مفرومين صغيرين ادبلهم كويس
و بعدين انزل نص كيلو لحمة مفرومة حمراء
و اقعد اقلب فيهم
و بعدين انزل ملعقة ملح كبيرة و نص ملعقة فلفل اسود صغيرة
و ربع ملعقة صغيرة بهارات
و مرقة اختياري
و اسيبها علي نار شوية
لحد ما تشرب اي مياه فيها
و تبقي مفلفلة كدة
و بعدها نخزنها عادي 👌🏻
و دي بقي مش لازم نستناها تفك
ممكن تفكها عادي علي النار وقت ما نحتاجها👌🏻
خطيرة بجد منجزة اوووووي
__
رابع حاجة بخزنها
اللحمة المعصجة بس بطماطم
الطريقة
في طاسة هحط ملعقة زيت
و انزل ب ٢ بصلة مفرومة
و اشوحهم و بعدين انزل نص كيلو لحمة مفرومة
و بعدين اقلب فيهم كويس
و بعدين انزل ملعقة ملح كبيرة
نص ملعقة صغيرة فلفل اسود
ربع ملعقة بهارات
٢ مرقة اختياري
٥ طماطم مضروبين في كبة
ملعقة صلصة كبيرة
و اسيبهم علي النار
يتسبكو مع بعض و بعد ما تخلص
استناها تبرد و بعدين اخزنها
عادي
و دي برضه مش لازم تستنوها تفك عشان تستخدموها
ممكن عادي تفكوها في طاسة علي النار

[@hendobbess5080]

وفي ملاحظة كمان متصبيش الحاكه وهي سوخنه في الحافظات البلاستيك لان دة خطر على الصحة

[@nessrienhussein1760]

و مراعاة حجم الحاجة المتشالة مع حجم العلبة ... مينفعش علبة كبيرة نصها فاضي و هتكون تلج و مساحة مهدرة على الفاضي.

[@hagartarek3871]

العلب دي حبيبتي بتكون آمنة للحاجات السحنة و مسموح تدخل الميكرويف p.p.5 او نوع تبروير فبتكون آمنة

[@نورهاندرويش-ذ5ث]

نضافه وشطاره وشياكه زي ماالكتاب بيقول 🎉❤

[@فلسطينقضيتي-س7ع]

ممكن تعملينا جولة في مطبخك علشان ناخد منه أفكار انا بجدد مطبخي وحبا اشوف مطبخك كامل ما شاء الله عجبني جدا 💖

[@youtysh4608]

+1

[@asmaaibrahim4844]

كنت داخلة اكتب نفس التعليق والله ❤بجد رائع

[@sihamal-abbadi8710]

الأناقه وانتي بتطبخي بصراااحه حكاااااايه ❤

[@dramalgamal2063]

بتستهلكي كميه بيض رهيبه 😂😂

[@totasayed4761]

هي بتعمل كميات ما شاء الله اكيد عشان كده

[@hebaelwan2721]

فعلا كتير اوي ٦ بيضات

[@smoussa7506]

وتوابل 😅

[@salmasayed883]

فعلا انا اتصدمت من كميه البيض والتوابل

[@emyhala3152]

عسولة ماشاءالله عليكي ميوش عندما تجتمع الشطارة والاناقة معا 🥰🌹

[@halaaboshosha8216]

ماشاء الله مرتبة ومنظمة جداااا

[@youtysh4608]

جولة ف مطبخك بليز و عملتيه فين و كل حاجة بالتفصيل

[@nashwaradwan5800]

شطوره واموره وشيك ونظيفه ومرتبه ماشاء الله عليكى

[@noorhaleem9698]

ملح كتييييير وبيض اكتررر😮😅

[@Easybaking_26]

اللحمة المفرومة بالطماطم لو قسمتيها على اكتر من حافظة افضل عشان تعملك اكتر من وجبة

[@محمدجمال-ف5و4ز]

ماشاء الله لاقوه الا بالله

[@amlSaad-l5q]

ربنا يصلح مابين ايديكى ويعطيكى الصحة والعافية

[@Heba.fayed88]

الطقم الي عليكي روعه ياميوي ممكن اعرف منين بالله وتسلم ايدك انت هايله اول ةمره اشوفك ومعجبه بيكىي وبشطارتك واناقتك

[@AsmaaFathy-g8z]

سكر بجد ❤❤❤ ربنا يبارك فيكي حبيتي بتفرج علي فيديوهاتك من الصبح والله تسلم ايدك. ❤

[@yehiakhalaf2272]

ماشاء الله تسلم ايدك وكل سنة وانتي طيوبه وينعاد عليكي وعلينا الايام بخير يارب

[@omarabdallah2189]

كميه الملح والبيض مبالغ فيها

[@nessrienhussein1760]

كتيرة جدا و خصوصا تتبيلة البفتيك الباقي منها مش هيستخدم بيبقى فيها دم من اللحمة ...و هي بتشيل اي تتبيلة عليها بايدها قبل ما تحطها ف البقسماط و حاجة تاني اللحمة لازم تبات في التتبيلة علشان تتشرب الطعم و تتطرى و متشدش في القلية مش تتبلها من هنا و بعدين تحطها ف البقسماط

[@saramahmoud8034]

ميوي عنوان الطبخ بأناقه 😅😅

[@heshammekky1724]

هو حضرتك بتعملي واصفات بس ولا لو حد عنده عزومه تقدري تحضري الأكل ليهم بارضو

[@samiamonir5896]

سكر والله

[@yumisuliman9681]

ممكن لينك العبايه ❤

[@nouranor9097]

ممكن بعد اذنك تقولي جايبه العبايه دي منين

[@Hm7_00]

ماشاءالله عليك ❤بس عندي ملاحظة / لا تصبين الاكل في البلاستيك وهو حار وبعد تدخلينه الفريزر او التبريد ع طول خطر ⛔️ على الصحه

[@hendobbess5080]

يا جماعة هي كمية الملح دي طبيعية 😮😮😮😮😮

[@nessrienhussein1760]

لا ...ملح كتير جدا ربنا يحفظهم و يحفظنا جميعا من الضغط العالي و أمراض الكلى 🤲

[@جاسى-ج2ف]

تسلم ايدك. لو سمحتى يا مى علب الحفظ دى اجبها منين

[@Rania_f]

تسلم ايدك يا قمر ❤

[@rozetamohamed2829]

ممكن تقوليلي عبايتك منين ؟

[@monamostafa1920]

شطوره ماشاءالله أنا جديده عندك .ممكن اعرف ايه الليمون اللي في الحله علي النار اللي في اخر الفيديو

[@MonyKazem]

عشان روائح المطبخ اللي مش حلوة

[@nessrienhussein1760]

و عليه فانيليا

[@mariammohamed9155]

رائعه كالمعتاد ما شاء الله عليكي انا محظوظه اني اتعرفت علي قناتك وبتابع فيديوهاتك

[@محمدمصطفي-ل9م7ه]

شطوره بشوف فيديوهاتك بتبسط

[@emanismail2244]

منين العباية القمر دي ماشاء الله

[@yaseenyousef6074]

بيضه واحده تكفي

[@nournasr8251]

ايه اسم الصنف الي عليه البيض

[@حكاياتصبايا-ث5ث]

ممكن تعمليلنا جوله في مطبخك

[@enasmoussa3383]

تسلم ايدك❤❤❤

[@sosomahmoud9309]

كمية بيض ع البوفتيك ملهاش داعي

[@سمرصابر-ح8غ]

عايزه اجيب تلاجه تونز ممكن تعرفيني افضل نوع ايه

[@سناءمصطفى-ل2ث]

انتي عسولة انتي ونهلة شياكة الاجانب

[@nournasr8251]

الصنف الي عليه بيض هتعمل ايه به

[@اسماءعبدالله-د4ل]

بحبك يا احلي واشطر مي في الدنيا

[@ahmadtarekk8329]

تسلم ايدك نوع الكبة ايه

[@ahlamabdelmoniem2082]

ايه كمية الملح والفلفل دى كلها .كل ده بيض

[@nessrienhussein1760]

في حاجة غلط ...والله العظيم افتكرتها هتعمل شكشوكة 😅

[@sandymontsr3848]

نوع بتوجازك ضروري ياميوو ونبي

[@Camelyacoco]

ماونتن فيو التجمع ولا اى 😊 🎉❤

[@Dollhouse969]

ماشاء الله

[@Esraainkitchen]

جمييييل

[@khaledtawfiq717]

انتى بتتشغلى فى الطبخ بكامل شياكتك والا عشان التصوير

[@يومياتأميوسف-ل2ج]

ماشاء الله تسلم ايدك 👍🔔👉

[@بسماللهالرحمننبدأ]

حافظوا على صحتكم من الأمراض البلاستيك والأكل الحار مضران لصحة الإنسان ❤

[@ahmedahmed-ve6dr]

هاي حضرتك انت عايشه بره

[@د.هدير]

هو ايه معناها فيديو بدون ما تتكلمي يعني ياريت تفهمينا بتعملي ايه بالظبط

[@د.هدير]

انتي عسولة وشيك خالص بس بلاش فيديو بدون ما تتكلمي

[@MonyKazem]

غيري استايل لبسك

[@Enasmokareb]

بالعكس لبسها شيك ومحترم سيبو الناس في حالها