٤ تكنيكات في اللفاح (الكاست) رقم ١ Lure Techniques

مساكم الله بالخير 🌹 في نهاية الشهر الفضيل الله يتقبل جميع أعمالكم ويحفظكم يا رب..
.
.
كثير من الأسئلة تيي لنا بالخاص وللاخوان في طريقة استخدام التكنيك لل لورز الميارير وطبعاً في وايد أنواع للميارير ..
.
.
حبيت أوضح بالفيديو ٤ أنواع مثل ما نقول أساسية من التكنيكات ومهمة جداً ودائماً نقول خل تفكيرك خارج الصندوق لا تلزم نفسك بشيوخلاص هذيل ٤ انواع تقدر تدمج بينهم تقدر تسوي اكثر من شي لازم الواحد يسعى ويجتهد ويجرب وينوع لين يوصل حق الهدف اللي يبيهفي بعض الأيام نطلع ونشوف السمج يلحق الميرور وما يطقه ليش!!؟ عدة عوامل كثيرة منها انه شبعان منها طريقة التكنيك منها الحجمللميرور منها اللون منها عدم الوصول للاكشن والتكنيك اللي يجذب السمجة الخ عدة عوامل فالتنويع وبذل الأسباب جدا مهم إلى ان نصلللحل ..
.
.
مصلحات مهمة جداً ((دائماً نسمع مصطلحات بس مرات نقول يعني شنو فهذا توضيح لها)) retrieve اللي نقصده فيه حركة الهاندل فيالمكينة سواء ربع لفة أو نص لفة أو لفة كاملة أو بشكل مستمر سواء بطيء أو سريع .. + Twitch اللي نقصده فيها يعني حركة القصبة(الضربات اللي تصير بالقصبة يسمونها توتش في اتجاه كانت سواء يمين او يسار او فوق او تحت حسب طبيعة المكان) + pause البوزيقصد فيه الوقفة (وقفة الميرور عن السحب والتوتش) وتتنوع ما بين ثاني او ثانيتين او اكثر مافي قاعدة معينة ..
.
.
الخلاصة ((تقدر تنوع بالكاست الواحد ما بين التويتش والبوز والرتريف)) والتجارب اهيا اللي تعطيك الخبرة وملاحظة مهمة وايد منالضربات تيي لك عن طريق الوقفة (البوز) وتشوف الضربة بالتوب ووتر اما تحت الماي تحس فيها ويصير الفايت (( طبعاً بالفيديو بتعليقيذكرت اغلب السمج يضرب على البوز لا طبعاً مو المقصد نسبة كبيرة ولكن في كثير من السمج يضرب على البوز)) للتوضيح..
.
.
في أنواع من الميارير ال floating يعني يطفح فوق ما ينزل مع السحبة راح ينزل حسب حجم القفشة اللي فيه واذا هديت الرتريف راحيصعد .. + ال sinking يعني يغوص ينزل فيه ثقل وفي انواع حسب الشركة يقول هيفي سنك او سلو سنك يعني شي ثقيل وينزل بسرعة اوينزل ببطئ + ال suspend اللي اهوه يوقف بين المايتين يعني مجرد ما تسحب يظل بنفس المكان وهذا النوع من الانواع المفضلة عندي وطبعاًاللي ذكرناه سابقاً كله هم يعتمد على هذي الانواع ..
.
.
في شغلة مهمة مع الخبرة راح تعرف بعض انواع السمج شنو تحتاج مثال رتريف سريع او بطيء .. على سبيل المثال اتكلم عن تجاربي حقالشعم نصيده بميرور الكرانك بيت على رتريف بطيء + في بعض الأحيان مع تويتش او توتشين واكمل الرتريف البطيء ومثال آخر الحمام(الجش) يحتاج حق رتريف سريع علشان تصيده مو معناته ما راح اصيده بطريقة اخرى ولكن اهيا سمجة عن تجاربي تضرب على الرتريفالسريع + توتشات والتنويع او الجيرك الخ كثير ..
.
.
وباذن الله بنزل لكم اكثر من فيديو نفس الطريقة واقدم كل ما هو مفيد في سبيل تطوير الهواية الجميلة وما شاء الله في شباب وايد بالكويتوالخليج والوطن العربي قاعدة تسعى بتقديم المعلومات وكل ما هو مفيد وقواكم الله جميعاً ..
اذن الله هناك فيديوات وخطط قادمة ..
نتمنى لكم مشاهدة ممتعة أعزائي واخواني المتابعين ..
أخوكم ومحبكم/ حسين علي عبدال (بونور) @kayakchiy_Q8 على الانستقرام + اليوتيوب
تعليقك سواء بالإعجاب أو بالنقد فهو للمصلحة وله كل التقدير والاحترام ..
نلتقي معكم في حلقات قادمة باذن الله ..
أتمنى الإشتراك بالقناة وتفعيل زر التنبيه (علامة الجرس) ..
ولا تنسون لايك وكومنت لدعم القناة ..
ونسأل الله التوفيق لنا ولكم

[@Alfaissaly_Fishing]

ماشاء الله ابدعت ❤️😍🎣🎣🐠🐠🐠

[@user-lp8or2dt1s]

يعطيك العافيه احسنت شرح جميل وفي مكانه عن تجربه يامعلم😍👍

[@kayakchiyQ8]

الله يعافيك ويحفظك يا رب شهادة اعتز فيها يالغالي 🙏🏽🌹

[@wtf_man4976]

الله يعطيك العافيه على هالشرح البسيط 💪🏽💪🏽

[@Q80100]

الله يعطيك العافية شي طيب عسى الله يبارك فيك

[@kayakchiyQ8]

الله يعافيك ويحفظك يا رب من ذوقك وكل الشكر على الكلام الطيب والدعم 🌹🙏🏽

[@bluerhinoq8]

ماشالله خوش شرح مختصر ومفيد قواك الله الزلم استمر

[@kayakchiyQ8]

حبيبي شهادة اعتز فيها منك الله يحفظك والله يقويك يالغالي 🌹🌹

[@ali9094492]

يعطيك الله العافية يا أستاذ أبونور

[@kayakchiyQ8]

الله يعافيك ويحفظك حبيبي يالغالي ❤️🙏🏽

[@aljuwaisri_89]

سلام عليكم اخوي ممكن اخذ الفيديو وحطه بحسابي

[@abdullahaltheyabi7414]

ماشاء الله استفدت من هالفيديو والله يعطيك العافيه استمر

[@kayakchiyQ8]

حبيبي اخوي عبدالله شهادة اعتز فيها منك يالغالي الله يحفظك 🌹🌹

[@abdullahalasfoor2203]

تبارك الله على المجهود و الشرح

[@kayakchiyQ8]

حبيبي يالعصفور بعض ما عندك الله يحفظك يا رب 🌹🌹

[@hussainalfailakawi4733]

قواك الله بو نوووووور خوش نصايح

[@kayakchiyQ8]

الله يقويك ويحفظك يالعضيد بو علي بعض ما عندكم 🌹🌹

[@abdulrahmanalmutairi3668]

الله يعطيك العافية يا بو نور

[@kayakchiyQ8]

الله يعافيك ويحفظك يا رب ❤️

[@bbaroun4468]

عاش بو نور. عساك عالقوه 🌹

[@kayakchiyQ8]

عاش من قال حبيبي بارون والله يقويك ويحفظك يا رب 🌹🌹

[@user-wn8nu8zn2q]

مبدع

[@kayakchiyQ8]

تسلم اخوي ماجد الله يحفظك 🙏🏽🌹

[@whoknowswheretheroadgoes1326]

الله ينور عليك

[@hussein8311971]

أحسنت بونور قواك الله 🌹🌹🌹

[@kayakchiyQ8]

الله يقويك ويحفظك حبيبي بو كريم بعض ما عندك 🌹🌹

[@user-nh8lk9bd8c]

اخوي شنو نوع القصبه الي بالفيديو

[@josephmatar8995]

السلام عليكم كيف نعرف التكتيك لكل لور؟

[@kayakchiyQ8]

وعليكم السلام ورحمة الله وبركاته .. في كثير فيديوات باليوتيوب ولكن الاغلب باللغة الانقليزية وراح تستفيد منهم لانه بحر من المعلومات .. اغلب الميارير تشترك بعدة تكنيكات متشابهة ولكن تختلف من حيث السرعة والتنويع .. اللي فيه اختلاف الميارير السطحية التوب ووتر ..

[@josephmatar8995]

@@kayakchiyQ8 شكرا

[@kayakchiyQ8]

@@josephmatar8995 عفواً بالخدمة 🌹👍🏽

[@vmkoofer5146]

مقدمه طويله

[@kayakchiyQ8]

كل الشكر لك يالغالي فعلاً مقدمة طويلة وتم التعديل عليها وقريب اذا خلصت جم حلقة ننزلها 🙏🏽🌹