40後自悠行 ﹣長洲 20.6.2013

長洲
酷熱警告都去行？因為要有藍天白雲也 ! 今次行長洲，絕早出發，早D冇咁曬，7點35分已到埗，個天好靚，果然有藍天白雲。
首先去東灣，一早便見游早水的人士。向華威酒店方向行，看了古代石刻，估計是三千多年先民的遺蹟，好珍貴，保護得好，還未見『XX到此一遊』的塗污。經過觀音灣，去到觀音廟，續往前行，到了觀景亭，欣賞一會觀音灣和東灣的美麗景色。上行向奇石區進發，觀賞了花瓶石、叮噹石、人頭石、玉壐石、烏龜石等等。跟著去南氹灣，一個美麗的小海灣，那裏有南氹天后宮。
欣賞及小休後，向長洲山頂區行，到了天福亭，休息後便落山，好快便到海旁，看了中興街天后宮和洪聖廟，接著遊覽長洲西面的景點，有張保仔洞、西灣天后宮及五行石，坐街渡由公眾碼頭去西灣碼頭，收五蚊，超值之至，慳腳步之餘又唔駛曬，行路要半個鐘呢 ! 好彩有街渡喺度等，好快開船，一陣便到西灣碼頭。
參觀了西灣天后宮、張保仔洞，相傳是張保仔和海盜藏身地點，洞口又細洞又黑媽媽，有兩個女仔居然夠膽爬入去，從另一邊爬出嚟，後生可畏也！佩服之至，洞的附近風景一流，又蔭又涼，舒服 ! 五行石是一塊很大的石，斜斜的擱在海邊大石上，因為通往五行石的小路毀壞，沒有機會近距離看。
回程時沒有街渡，沿海邊行咗30分鐘，番到碼頭，條路曬到傻，擔遮至頂得順，已是中午，續參觀長洲北邊景點，看了北帝廟。
原本計劃是登上長洲山頂的北眺亭，從那裏可觀賞長洲全景，眼見火傘高張，34度，還是理性一點，回程為上策。
長洲好熱，但遠不及市區熱，快樂的一天，感謝神！
＊我覺得長洲景點指引不足夠、不夠清楚，有分叉路時又欠指示，部分景點要詢問幾個人才去到，要改善。