44. KOCURSKA ŽATVA - Kulturna manifestacija tancu i pisnji

44. Коцурска жатва отримана 12. юлия у Велькей сали Дома култури у Коцуре. Програму зоз шпиванками отворела Жридлова шпивацка група КУД Жатва зоз провадзеньом оркестра КПД Карпати з Вербасу под руководством Любомира Сакача Андрия. Под руковдством истого оркестра ше зоз шпиванками представело КПД Карпати зоз Вербасу, а перши блок зоз шпиванку завар Павле Медєши. З танцом ше представел Дом култури зоз Руского Керестура з провадзеньом оркестра под руководством Кристияна Нярадия. Потим наступела шпивацка ґрупа зоз КПД Дюра Киш зоз Шиду, як и КПД Драґутин Драґен Колєсар зоз Бачинцох, фолклораше зоз КУД Тарас Шевченко зоз Дюрдьова, а потим и члени КУД Йоаким Гарди зоз Републики Горватскей. Тоту часц вечаршей програми заварли ветеранє зоз Руского културного центру з Нового Саду. Потим наступела шпивацка ґрупа зоз КУД Др Гавриїл Костельник зоз Кули, зоз шпиванку ше представели и мишана шпивацка ґрупа Дружтва Руснацох зоз Суботици. Члени Дружтва Руснак зоз Петровцох у тей часци програми одшпивали вецей шпиванки. На концу святочного концерту домашнї, млади танцоше зоз фолклорней ґрупи КУД Жатва одтанцовали Руски танци.