Рет қаралды 113,252
Наурыздағы жұмсалған миллиондарға байланысты басы дауға қалған Сәкен Майғазиев қызметінен кетті. Қоғамда, әсіресе, әлеуметтік желіде ел Шымкент қаласының наурыздағы шараларға жұмсаған 500 миллион теңгеден астап қаражатының есебін ең алдымен Майғазиевтен сұраған еді. Бүгін Шымкент қалалық мәдениет басқармасы оның мәдениет үйі жетекшілігінен өз еркімен кеткенін хабарлады.
Басқарма Сәкен Майғазиев "шығармашылық жұмысының көбеюіне" байланысты қызметінен босатуды сұранып, өтініш білдірген деді. Әншінің тікелей өзінен қызметінен кетуі жайлы пікір алу мүмкін болмады. Қоғам белсенділері Сәкен Майғазиев басқарған Мәдениет үйі арқылы 500 миллионнан астам сомаға түрлі шаралар өткізу үшін тендерлер жарияланғанын, алайда оның есебі ашық болмағанын наурыз айының соңында жазған болатын. Бұл мәселеге журналистік зерттеу жүргізген "Қазақ таймс" порталының тілшісі Мият Кәшібай Сәкен Майғазиев «Түркістан сарайы» директоры болып тұрып, жақында тағы бір мемлекеттік сатып алу жасаған дейді. Тілшінің айтуынша, "Түркістан сарайы" Шәмші әндерінің концертін өткізу үшін қызметін небәрі бірнеше күн бұрын ғана бастаған кәсіпкермен құны 60 млн теңгеге келісімшарт жасасыпты.
МИЯТ КӘШІБАЙ, журналист:
- "Цимедиагрупп" он алтыншы шілдеден екі күн бұрын ғана мемлекеттік тіркеуден өткен компания. Сондай мемлекеттік тіркеуден өткеніне екі-ақ күн болған компанияға не себепті бір көзден алпыс миллион тендер бергені бізге түсініксіз.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#СәкенМайғазиев #Наурыз #Шымкент #тендер