60 ปี ศรีมอดินแดง

[@SumetSodadee]

สถาบันความฮู้ ค้ำชูอยู่ผืนแผ่น ก้ำฝ่ายเมืองขอนแก่น ถิ่นเสียงแคนดังก้อง แซซ้องทั่วอีสาน ส่าไปหลายเขตด้าน ลือสนั่นการศึกษา วิชาการทันสมัยแล่นไวบ่หยุดนิ่ง สิ่งดีๆ สร้างไว้เป็นหลักชัยให้สานต่อ 60 ปีที่ได้ก่อ มข.เป็นหนึ่งแล้ว เสียงแซวฮ้องชื่นชม สมกับที่เพิ่นสร้าง ภูมิหลังแต่ครั้งแต่ก่อน ออนซอนเด้เมืองขอน ยินสะออนบ่แล้วคราวนี้ เป็นที่ควร สะออนเด้ ถิ่นเนินดินแดงแห่งนี้ มีที่มา ก่อนจะเป็นมหาวิทยาลัยแห่งเมืองแก่นขอน ออนซอนแท้เด้ ผู้เพิ่นพาเฮ็ด พาสอน พัฒนามาก่อน จนฮอดบั้นบ่อนถึงตอนรุ่งเรือง สืบสานต่อเนื่อง บัณฑิตปราชเปรื่อง เลื่องชื่อลือไกล 19 คณะ 5 วิทยาลัย ผู้คนหลั่งได้มาศึกษา ผลงานดีเด่น จนได้เห็นประจักษ์ตา เกียรติประวัติ อันล้ำค่า สมนามลือชา ชื่อมหาลัย คนทั่วค่าย ทั่วค่าย กะยังได้จำจื่อ คนทั่วค่าย กะยังได้จำจื่อ นับได้หลายขวบมื่อ ที่ลือลั่นชื่อไกล จนว่าได้ล่วงใส่ 60 ความสมบูรณ์หนุนนำ ให้ซ่อยทำคุณได้ เผยแผ่ให้ แผ่ให้คนทั้งหลายได้ฮ่วม เผยแผ่ให้ คนทั้งหลายได้ฮ่วม มาฉลองเสพร่วม ได้ฮวมเข้าใส่กัน ขวัญเมืองขอนแก่น ดินแดนดอกคูนไสว มหาวิทยาลัย ความภูมิใจของไทอีสาน คือมอดินแดง แหล่งศึกษา มีมายาวนาน อุทิศตนสร้างคนสร้างงาน สืบปณิธาน ยึดมั่นเรื่อยมา ยกมือวันทา ถวยสักกาพระธาตุพนม อัญเชิญมากั้งเป็นฮ่ม น้อมบังคมให้สมพรดังว่า ประดิษฐานก้มกราบกรานพร้อมใจบูชา ยอไว้ ให้ได้เป็นตรา ประจำมหาวิทยาลัย เลยล่วงได้ ล่วงได้ มากายฮอดที่ เลยล่วงได้ จนมากายฮอดที่ 60 ปีขวบนี้ กะมีได้ชื่นบาน งานทุกด้าน เขียนอ่านการสอน ตาออนซอนเหลือหลาย ทั่วไทยกะคงฮู้ ชูเชิดไว้ เชิดไว้ มหาลัยดีเด่น ชูเชิดไว้ มหาลัยดีเด่น มีให้เห็น คักแล้ว จังยอย้องว่าดี สีอิฐสดใส เป็นหลักชัยของไทมข. ฮอยมือเพิ่นพาสร้างก่อ ยังสืบต่อให้พอได้ชม 60 ปีแล้ว ถิ่นสถานแห่งการอบรม สร้างสิ่งดีมอบสู่สังคม บ่มปัญญาด้านวิชาการ พื้นถิ่นอีสาน สุดตระการ เบ่งบานงามตา อยู่ดีบ่ได้โรยรา มข.พา ล้ำหน้าให้ก้าว อีกดนปานใด๋ ยังอยู่กับไทซุมเฮา มามื่อนี่สิเอิ้นขวัญป่าว มาเด้อ มาเต้า ผูกแขนโฮมใจ มาเด้อขวัญเอ้ย เด้อขวัญเอ้ย ให้มาโฮมฮวมเฮ้า ฮวมเฮ้า คือเฮาสิได้ว่า ฮอดวาระครบรอบ ครบรอบ 60 ปีมข. ให้สานต่อเด้อ ทางด้านปณิธาน อยู่ค้ำเมืองอีสาน ไปนานๆ อีกแหน่เด้อ อีกแหน่เด้อ ไปนานๆ อีกแหน่เด้อ ให้คงยืนมั่น คู่บ้านถิ่นเมืองสยาม ก้องทั่วไทยระบือนาม คนหลิงหล่ำ คือคำล้ำค่า พระธาตุพนมยังแผ่บารมีห่มมา สถิตประทับเป็นตราอยู่คู่ฟ้านภาขอนแก่น ให้อยู่ยั่งยืนนานแสน เป็นหลัก เป็นแก่น ขวัญมอดินแดง

[@Nicky-dc3zu]

รัก ม.ดินแดง

[@garfuseyou1168]

ขอเนื้อร้องด้วยครับ

[@ม.ย.อรัญเญ่]

หลังท่อนลำ คือทำนองอะไรครับ

[@Artit_Krajangsree]

ตรงไหนครับ

[@ม.ย.อรัญเญ่]

ถิ่นเนินดินแดงแห่งนี้มีมา...........​@@Artit_Krajangsree

[@Artit_Krajangsree]

ลำเดินขอนแก่นครับ @@ม.ย.อรัญเญ่