Рет қаралды 124,040
今年2月確診COVID-19的「靚聲王」張偉文,醫生曾評估情況不樂觀,但最終走出鬼門關,復康出院。今日(9日)他舉行網上音樂會,雖然消瘦不少,但精神不錯。演出開始前接受傳媒採訪,能夠再次唱歌,69歲的他甫開口,感觸到連番落淚,身旁的經理人兼監護人方俊即時為他拭淚。
方俊早前透露,張偉文確診後有半邊肺花,張偉文今日受訪時卻已變得中氣十足,但由於本身有腰患,加上病後體弱,仍要以輪椅代步。訪問期間,他多次多謝公司上下幫手籌備演出:「大家都好幫我手去做呢個騷,覺得冇遺憾!佢哋非常之好,令我可以擺低好多困難。」又稱越做越精神:「由有事變冇事,冇事變得更加冇事,最緊要自己做得嚟。」更好有信心越唱越有:「我驚我會霸住個位喎!」
張偉文形容自己性格樂觀,連醫生都讚「應該冇咩後遺症,因為你樂觀」,他笑說唯一後遺症是:「要樂觀做人!」他指自己以唱歌作為事業,演出大於一切,確診初期非常驚:「唔知相信邊個好,點樣對我嚟講先準確,但其實都唔係好大件事。」
康復初期,張偉文被人影到暴瘦,體重最低只得90磅,慢慢才變得飽滿。他掛心工作,仍然想唱歌:「如果呢行仲有得做,唔會捨得唔做。」方俊透露,因為疫情令兩場演出延期,其中一場已確定可以在7月於沙田大會堂補場,另一場元朗演出就要再等安排,兩場都沒有觀眾申請退票,大家非常支持張偉文。
#張偉文 #COVID19 #娛壹