8- Footing and Column Strengthening - تدعيم القواعد و الأعمدة

8- خبرة مواقع ذهبية - تدعيم القواعد الخرسانية و الأعمدة - Footing and Column Jacket
قد يعتقد البعض أن هذا الموضوع مستهلك , ولكن طريقة التناول و التفاصيل جديدة و مختلفة .
متي ندعم القواعد الخرسانية لمبني , وهل كل المباني يمكن تقوية أعمدتها و قواعدها, طريقتين مختلفتين لتدعيم القواعد مع التفاصيل, هذا ما سوف نستعرضه فى هذه الحلقة.

[@michaelsabbagh2673]

شكرا جزيلا مهندس عادل. ممكن حلقة عن بريكاست كنكريت خصوصا الوصلات بين الاعمدة و الكباري و القواعد و كمرة محمولة على كمرةو وصلت الهلكور مع الكمرة و العامود. شكرا جزيلا.

[@adelshedid-1]

ان شاء الله

[@muslim7737]

جزاك الله خيرا عنا مهندس عادل

[@ibrahimfarag5185]

جمعه مباركه ياهندسه استفسار من حضرتك كيف يتم حساب عدد كانات التزريع لربط قاعده جديده بقاعده قديمه بيسموها shear studs

[@adelshedid-1]

زى ماتكون، بس التكلفة تسمح بزيادة احمال، او انقاذ مبنى من الانهيار، ومعروف ان تكلفة الترميم عالية، المهم انها تكون امنة

[@ibrahimfarag5185]

ربنا يبارك فعلم حضرتك وعملك ماشاء الله عليك خبرة كبيرة جزاك الله خير على مشاركة علمك وخبرتك

[@mohamedalmahdy-vr6do]

بارك فيك يا دكتور حلقة مهمة جدا. بس لو فيه كود يبين اشتراطات هذا لأجل الرجوع إليه في أي وقت.

[@adelshedid-1]

هو نفس كود القواعد العاديه

[@mhammadfayad7208]

ياباش مهندس كم نسبة الحديد اللي مفروض تكون في القواعد ...

[@ibrahimyasser4719]

حقة اكثر من رائعة وخبرات لا تقدر بثمن، شكرا جزيلا يا بشمهندس عادل

[@adelshedid-1]

الحمد لله انها نالت اعجابك ووجدتها مفيدة، شكرا جزيلا

[@osamakhaled8169]

طيب لو لبشه ازاي بيتم التعامل معاها

[@adelshedid-1]

نفس الشىء، زود مساحة اللبشة القديمة بخرسانة عادية، واعتبر ان اللبشة القديمة كان لم تكن، ولبشة جديدة فوقها واكبر منها فى المساحة و السمك اذا كان متاح فى الردم القايم

[@adelshedid-1]

معلش، اكتشفت ان التعليقات كانت مغلقة،، والان تم تدارك الخطا و فتحت لاى استفسار

[@ahmedgamal1493]

م عادل هل لابد ان تكون كانات مشرشرة حتي يكون هنآك تماسك جيد بينها وبين العمود القديم

[@adelshedid-1]

لا مش شرط

[@ahmedgamal1493]

@@adelshedid-1 شكرا لحضرتك لان بعض الآراء تقول ان الكانات الاملس سوف يحدث لها انزلاق حتي بعد استخدام مادة لاصقه

[@adelshedid-1]

غير صحيح، ولكن حاليا كل المقاولين يستعملوا التسليح المشرشر لانه اوفر فى التصميم وفرق السعر بسيط جدا او غير موجود فى الكميات الكبيرة

[@khaledali9835]

وفى هذه الحالة لايتم عمل سملات للقواعد الجديدة لربطها مع بعض ومقاومة الهبوط ؟

[@adelshedid-1]

دى نقطه جيدة ، لو المشروع فقط للتقويه بنسبة ١٠ % او زيادة دور يبقى مش محتاج ، لكن لو اكتر يبقى سملات او ميدات مع القاعدة الجديدة مطلوب ، وشكرا للملاحظة الهامة ، هنا ركزنا على القاعدة فقط وليس المشروع

[@ibha1387]

يا دكتور السملات شرط تكون موجودة ل عدد الادوار مثلا 5 ادوار ول حسب تقرير التربه و يكتفا القواعد المنفصلة فيها ؟

[@adelshedid-1]

اي مبنى حتى لو دور واحد لازم يكون فيه سملات لكل قاعدة فى اتجاهين ، لتقليل انبعاج الاعمدة و تحسبا لاحتمال اى هبوط و كمان لتحمل اوزان الجدران

[@Omarmohamed-dy5pu]

شكرا جزيلا يا بشمهندس عادل على الحلقة الرائعة . بس لو انا عندى القاعدة بس اللى محتاجة تدعيم والعمود مش محتاج . ليه لازم برده ادعم العمود مع القاعدة ؟

[@adelshedid-1]

لازم ندعم العمود ولو لدور واحد، لنجبر اى حمل زيادة ان يتجه للقاعدة القديمه، وبعدين لو القواعد فقط محتاجة تدعيم دى حاله نادرة ولا تنتج الا من ان تصميم الاعمدة كان صح و القواعد غلط، ومعظم احوال تدعيم القاعدة ناتج من زيادة احمال و بالتالى الاعمدة محتاجة مراجعة، اخيرا احنا بنجبر المبنى ان يستخدم قاعدة جديدة وهنا لا بد من مشاركة العمود

[@soryasorya1841]

أخي الكريم أنا اشتريت قطعة أرض معمول فيها أعمدة بطول مترين وستين أردت زيادة طول الأعمدة إلى أربعة متر البناء لي عندي ماكسرش الأعمدة القديمة ربط حديد جديد مع القديم وصب خرسانة فوق العمود القديم وكملو بوضع السقف أنا اليوم نادمة أشد الندم لأني ماكسرتش الاعمدة القديمة وأقمت أعمدة جديدة هل هناك خطر ؟؟؟ ما الحل أخي وجزاء الله خير الجزاء

[@adelshedid-1]

هناك عوامل كتير فى الموضوع ، اولا زيادة ارتفاع العمود بتقلل من قدرته على التحمل ، ثانيا هل تم ربط حديد التسليح بطول مظبوط ولا طول قصير ، وهل الاعمدة مربوطه بميدات ام لا ، لازم كل شىء يراجعه مهندس التصميم ، واذا كان كل شىء سليم ومحتاج يزود قدرة الاعمدة على التحمل ممكن يعمل قمصان للاعمدة ولاتسالى كيف لانى شرحتها فى نفس الفيديو و الشرح للمتخصصين من المهندسين و يحتاج تصميم و اشراف جيد على التنفيذ

[@soryasorya1841]

​@@adelshedid-1 نعم تم ربط الحديد بطول 70 سم او اكثر والاعمدة مربوطة بميدات نعم مشكور أخي على الرد

[@soryasorya1841]

​@@adelshedid-1 أستاذي العزيز عملت بنصيحتك وانا في خضم الاشغال لعمل قمصان للأعمدة وأنا شاكرة لك

[@soryasorya1841]

يا أستااااذ أنقذني عملت قميص للعمود وحصل تعشيش لان العمال ماعندهمش هزاز بماذا أعوض الهزاز ؟؟؟ مع العلم طول العمود 4 متر كيف اتفادى هذا المشكل في الاعمدة المتبقية شكرا

[@adelshedid-1]

لو مافيش هزاز، اوقف العمل، ولو الهزاز مكانه ضيق، يتخدم من الخارج، مع زيادة بلاستيسيزرفى الخرسانة لتحسين القوام

[@soryasorya1841]

@@adelshedid-1 كيف يتخدم من الخارج مافهمت عليك يا استاذ ؟؟

[@adelshedid-1]

فى الحقيقة انا لا احب ان اتكلم عن المشروعات الصغيرة التى ليس بها ابسط الامكانيات، لكن العمال المهرة كانوا يستخدمون الهزاز من الخارج بملامسته لجوانب الشدة للعمود او القميص و الطرق على الخشب بالشاكوش

[@ibrahimfarag5185]

ربنا يبارك فعلم حضرتك وعملك ماشاء الله عليك خبرة كبيرة جزاك الله خير على مشاركة علمك وخبرتك