Рет қаралды 1,215
Gəncə Regional Mədəniyyət İdarəsi Goranboy rayon Mədəniyyət Mərkəzinin Zeyvə kənd Folklor Evinin təşkilatçılığı ilə "Zəfər Səlnaməsi bir tarix oldu" adlı tədbir keçirilmişdir.
Tədbirdə Şəhid Qazi ailələri, hərbicilər,ziyalılar,kənd sakinləri,ictimaiyyət nümayəndələri və məktəblilər iştrak etmişdir.
İlk öncə torpaqlarımızın azadlığı uğrunda canlarından keçərək tarix yazan igid oğullarımızın əziz xatirəsi bir dəqiqəlik sükutla yad edildi.
Tədbiri giriş sozü ilə açan Zeyvə kənd Folklor Evinin direktoru Aygül Rəsulova çıxışı zamanı bildirmişdir.
Hər bir xalqın tarixi onun şanlı keçmişinin salnaməsi, bu günün bünövrəsi, gələcək taleyində zəfərlərə aparan yola işıq saçan günəş kimidir. Qəhrəmanlıqla dolu olan, zəfərlərə şahidlik edən tariximizdən gələn səslərin bizə anlatdığı hekayələri dinlədikcə düşünürəm ki, biz həqiqətən də xoşbəxt bir nəsilik. Ona görə ki, şahidi olduğumuz son 30 ildə gələcək nəsillərin yaddaşında qürur dolu tarixi hekayələrə səbəb olan ağrılı-acılı, çətin günlərdən böyük qələbəyə, şanlı zəfərə doğru aparan yolun hər addımının şahidi olduq. Bu yolda hədəfə milli birlik, vəhdət içində irəlilədik. Bəhs olunan tariximiz ta qədimlərdən bu günə kimi yazıda qeyd olunan və məqalənin həcm etibarilə yer verə bilmədiyimiz lider və sərkərdələr xalqımızın rəşadətinin, dövlətimizin qüdrətinin simvolu və təzahürləri, Vətən müharibəsində şahidi olduğumuz qəhrəmanlığın və şanlı zəfərin istinad nöqtəsi, ilham mənbəyidir. Tarixin axarını dəyişən şəxsiyyətlər, igid, mərd, şücaətli oğullarımız bu gün olduğu kimi, gələcəyimizdə də zəfər yolunun işıq saçan mayakları olacaqlar. Bizlərə bu sevincli Qələbəni yaşadan Ali Baş Komandanımıza Müzəffər Ordumuza minnətdarıq.
Çünki bizə qələbə adlı şirin neməti daddıran igidlər öz əcdadlarının yolundan bir an belə geri durmayıb, əzəli və əbədi torpaqlarımızı düşmən tapdağından xilas etdilər. Bu hər zaman belə idi, sabah da belə olacaq deyə Aygül Rəsulova bildirmişdir.
Tədbirdə məktəblilərin ifasında vətənpərvərlik mövzusunda şer parçalatı söylənilərək Zəfər Marşı musiqisi ifa edilmisdir.
Sonda Qazilərimiz Zəfər tortunu kəsərək onlara göstərilən diqqət və qayğıya görə olkə başçısı cənab İlham Əliyevə Birinci vitse-prezident Mehriban Əliyevaya sonsuz minnətdarlıqlarını ifadə etdilər.