Рет қаралды 97,878
“ဘယ်လိုပဲဖြစ်ဖြစ် ဒီဟာက သားသမီးတွေလို ဖြစ်သွားတာပေ့ါဗျာ။ ဖြစ်သွားတော့ နေမကောင်းရင် ဆေးခန်းပြ ဆရာဝန်အိမ်ခေါ် ဆေးထိုး... အလုပ်တော့ရှုပ်တာပေါ့ဗျာ။ ဒီတစ်ခေါက်ထောင်ကျတော့လည်း မမွေးဘူးလို့နေတာ။ အဲဒါ တိုက်ရုံးခန်းက လူတွေက ကြောင်ပေါက်လေး ၄ ကောင်လာပေးထားလို့ အိမ်ကနေ နို့ဘူးမှာပြီး နို့တိုက်ပြီး မွေးခဲ့တာ၊ အခုပြန်လွတ်တော့ ကျန်ခဲ့တာပေါ့”
ချစ်စဖွယ် ကြောင်လေးတွေ ၃၄ ကောင်ကို ပိုင်ဆိုင်ထားသူကနိုင်ငံရေးအကျဥ်းသားဟောင်း ၈၈ မျိုးဆက်ကျောင်းသားခေါင်းဆောင် ဦးမြအေးပါ။
သူ့ကို ဖက်ဒရယ်ဒီမိုကရေစီအရေးလှုပ်ရှားသူ နိုင်ငံရေးသမားတစ်ဦးအဖြစ် လူသိများပြီး သီချင်းတွေရေးစပ်သီဆိုတဲ့အနုပညာသမားအဖြစ်လည်း သိကြပေမဲ့ သူ့ဘဝ တစ်ဖက်မျက်နှာစာမှာ သူဟာ တိရစ္ဆာန်လေးတွကိုလည်း နူးနူးညံ့ညံ့ချစ်ခင်မွေးမြူတတ်သူပါ။
ဒီတစ်ခေါက် တကျော့ပြန်စစ်အာဏာသိမ်းမှုအောက် အစောဆုံးဖမ်းဆီးခံရသူတွေထဲမှာ ပါခဲ့တဲ့ ဦးမြအေးဟာ နှစ်နှစ်နီးပါးအကြာမှာတော့ သူချစ်တဲ့ကြောင်လေးတွေနဲ့ ပြန်ဆုံစည်းနိုင်ခဲ့ပါတယ်။ တိရစ္ဆာန်ထိန်းသိမ်းရေးဂေဟာတစ်ခုအလားထင်မှတ်လောက်တဲ့အထိ ကြောင် အကောင် ၃၀ ကျော် မွေးမြူထားတဲ့ ဦးမြအေးအကြောင်း၊ တစ်ခါ နိုင်ငံရေးနဲ့ပတ်သက်လို့ သူဆက်လုပ်ဆောင်သွားမယ့်အခြေအနေ စတာတွေကိုရုပ်သံမှာကြည့်ပါ။
ဘီဘီစီမြန်မာပိုင်း