Ghamon ka toota hay aasman (Faryadi zainab hay amma jaan) x2 Jo sun sako to tumhain sunaaon, Main kaisey ujri houn ye bataaon, Tumhain ho andaza merey gham ka, Agar main zakhm e jigar dikhaaon, Hay gham main doobi ye daastan (Faryadi zainab hay amma jaan) x2 Musafirat nay ye din dikhaya, Ke aik pal bhi sukoon na paya, Sitam garon nay yahan bula kar, Tumhari aulad ko rulaya, Tumhara kunba hay be aman (Faryadi zainab hay amma jaan) x2 Hoi jo subh e daham to rokar, Hussain kehtey they merey akbar, Azan e aashoor tum hi dogey, Tumhi ho ham soorat-e- payamber, Na bhool paaongi wo azan (Faryadi zainab hay amma jaan) x2 Ye soch kar hi fida kiyee they, Hussain par main nay donon baitey, Na mujh say bichhrey mera brother, Hain merey lal o gohar bhi sadqey, Magar na qismat thee mehrban (Faryadi zainab hay amma jaan) x2 Ghareeb dukhtar ka haal dekho, Aseer o muztar ka haal dekho, Ba nok e naiza sar e bureeda, Merey brother ka haal dekho, Abhi hain baqi or imtehan (Faryadi zainab hay amma jaan) x2 Ujar gia ghar ujar gai main, Chuta brother ujar gai main, Merey muhafiz ke baad amnan, Chhini jo chadar ujar gai main, Ujar gia hay mere jahan (Faryadi zainab hay amma jaan) x2 Hazar sadmey uthaaey dil par, Na sar pay saya na sar pay chadar, Rasan say shaney bandhey huey hain, Magar ye dekho aey meri maadar, Haram ki tanha houn pasbaan (Faryadi zainab hay amma jaan) x2 Azan-e-akbar say ibtida ki, Merey brother nay karbala ki, Phir aik din main ujar gia ghar, Jawan betey nay bhi qaza ki, Hay qaid sadmon main meri jan (Faryadi zainab hay amma jaan) x2 Chala jo bhaai pay run main khanjar, Main ghar say nikli beghair chadar, Koi bachaley koi bachaley merey, Yahi fughan thee merey labon par, Zameen roi or aasman (Faryadi zainab hay amma jaan) x2 Qalam main taqat naheen hay safdar, Bayan kaisey karoon woh manzar, Ye bain zehra say bint-e- zehra, Nay jab kiyee be qarar hokar, Labon pay jari tha ye bayan (Faryadi zainab hay amma jaan) x2