Рет қаралды 858,232
Реформадан көз ашпайтын зейнетақы жүйесі тағы өзгеретін болды. Бүгін Еңбек және халықты әлеуметтік қорғау министрі Тамара Дүйсенова 2030-ға дейін жұмыс істейтін жаңа жобаны таныстырды. Жүйеге енгізілетін өзгерістер Кәрім Мәсімов премьерлікке қайтып келгелі жабық есік жағдайында ғана өтетін Үкімет отырысында талқыға түсті. Жүзеге асса, зейнетке шыққан барлық азаматтарға мемлекет базалық зейнетақы төлейтін болады. Базалық зейнетақының мөлшері қанша және ол кімдерге төленеді, астаналық әріптестеріміз анықтап көрген еді.