Рет қаралды 4,466
Жаңаөзенде қала тазалығына жауапты жүздеген азамат жұмыссыз қалуы мүмкін. Өйткені әкімдік өкілдері тазалау жұмыстарымен айналысатын басқа компаниямен келісімшарт жасасқан. Бір күннің ішінде нәпақасыз қалудан қорыққан "Строй Инвест" компаниясының жұмысшылар әкімдік пен басшыларының арасындағы дауды түсіне алмай дал. Ал жаңа компаниямен екі-ақ айға 150 миллион теңгеге келісімшарт жасаған шенеуніктер ісімізде олқылық жоқ дейді.
Жаңаөзеннің қоқысын тазалап жүрген «Инвест строй» компаниясының жұмысшылары ертеңгі күндеріне алаңдайды. Өйткені «біздің орнымызға келген басқа компания жұмысқа кірісіп кетті», - дейді. Айтуларынша қаланың тазалығына жауапты компания бір күннің ішінде өзгеріп кеткен. Жыл басталғалы өз қызметімізді қалтқысыз атқарып келеміз деген жұмысшылар енді бір айдың жалақысы төленбей қала ма деп қорқады.
БАҚЫТЖАН ОРАЗЫМБЕТОВА, жұмысшы:
- Біз сонша бала-шағамыз бар, кредитіміз бар. Жұмыссыз қаласыңдар дейді. Дұрыс емес қой ол олардың істеп отырғандары. Осының ақшасында күн көріп отырмыз дала сыпырып. Енді біз жұмыссыз қалсақ қиын ғой онда. Біз енді не қыламыз енді?
ЗӘМЗА БИСЕМБАЕВА, жұмысшы:
- Қазіргі таңда жұмысшыларымыз алаңдаулы болып тұр. 20-сы күні әкімшілік тарапынан звондап жұмысшыларыңыз заңсыз жұмыс жасап жатыр деп. Қазір «Өркен 8» мекемесі ашылып, жұмысшыларымыз алаңдап отыр қай мекемеге кетерін білмей.
Ал «Инвест строй» компаниясының басшылары әкімдік еш ескертпестен басқа компаниямен келісімшарт жасасты дейді. Айтуларынша өткен жылы әкімдік алдағы уақытта да Инвест строймен жұмысты жалғастыруға уәде берген. Ал жаңа конкурс жарияланғанша келісімшартты екі айға ұзартуы керек болған дейді серіктестік басшысы.
СЕРІК ҚАРТАНБАЕВ, «Строй инвест» ЖШС директорының орынбасары:
- Қазіргі таңда бір көзден басқа мекемеге екі айлық қызмет көрсету мерзімін бердік дейді. Қазіргі таңда қызмет көрсетіп жатқан қызметкерлеріміздің бірінші мәселесі жалақысы болып тұр, қалай төленетіні. Екінші мәселе ұжымның арасында дүрбелең, алып-қашпа әңгімелер, түсініспестік жағдайлар туындап отыр.
Кәсіпкер әкімдіктің бір көзден сатып алу әрекетін заңсыз деп санайды. Яғни мемлекеттік сатып алулардың заңды нормаларын аттап өтті деп отыр. Дегенмен, екі айлық қоқысты тазалауға 150 миллион теңге бөлген әкімдіктегілер бұл уәжбен келіспейді. Керісінше барлық әрекетіміз заңға сай дейді.
ЕРБОЛ САРЫЕВ, Жаңаөзен қалалық тұрғын үй коммуналдық шаруашылық бөлімінің басшысы:
- Бұл мекеменің өзінде де қателіктер көп. Жұмысын атқармайды, екіншіден өзіне берілген міндеттемелерді де орындамай тұр. Бұл бәсекелестік орта. Бәсекелестік орта болғаннан кейін қай мекеме ұтып алады сол мекеме өзінің қызметін ары қарай жалғастырады. Енді жеңіліп қалған мекеменің қызметкерлері ұтып алған мекемеге өтіп тұрады.
«Инвест строй» серіктестігі енді әкімдікті сотқа бермек. Ал шенеуніктер өз ісіміз үшін заңды түрде жауап беруге дайынбыз деп отыр.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал