Рет қаралды 34,934
Маңғыстау облысындағы ірі мұнай компаниясы "ӨзенМұнайГазға" транспорттық қызмет көрсететін серіктестіктің жалдамалы жүргізушілерінің наразылығы әлі басылар емес. Жұмыс істеу үшін көліктерін несиеге алған бір топ азамат басшылар "тариф бағасы өседі" деген уәдесінде тұрмады деп ашынады. Ал жүргізушілерді жалдап мұнай компаниясының тапсырысын орындап отырған "МұнайСпецСнаб" жауапкершілігі шектеулі серіктестігі тариф бағасы тікелей "ӨзенМұнайГазға" қатысты деп отыр.
МАХАББАТ НҰРЖАНҚЫЗЫ, тілші:
- "ӨзенМұнайГаз" акционерлік қоғамының тікелей қызметтерін атқаратын "МұнайСпецСнаб Компани" жауапкершілігі шектеулі серіктестігінің жалдаған жалдамалы жұмысшылары осымен бүгін үшінші күн наразылыққа шығып тұр. Дәл қазір осы жерде алпыстан астам көлік жүргізушісі бар. Айтуларынша, наразылыққа шыққан бірінші күннен бастап "МұнайСпецСнаб" компаниясы келімшартты тоқтататындарын айтса да, әлі күнге дейін жұмысқа шығуды өтініп келеді екен.
СӘТЖАН СҮГІРОВ, жүргізуші:
- Басшылардың уәдесі бойынша 2021 жылдан бастап 1400 теңге 10 сағатпен төлейміз деген уәдесі бар болатын. Бірақ осы январь айынан бастап біз жұмысқа шыққан кезде сағатқа 1200-ден төлейтінін ескерткен жоқ.
СҮЙІНДІК КӨШКІНБАЙ, жүргізуші:
- 9 сағат 1200-ден шығың дейді. Ол біздің жағдайымызға келмейді. Әрқайсысының кредиті бар, жетпейді. Газ қымбат, тамақ қымбат, машинаның запчастьі бар. Жүріп-тұратын майың бар, газың бар.
Ал ӨзенМұнайгаз қызметкерлердің жалақысын белгілеу мердігер компанияның құзыретінде екенін мәлімдеді. Өңірдегі ірі мұнай компаниясына транспорттық қызмет көрсететін "МұнайСпецСнаб" тарифті өзгерте алмайтындарын айтады. Өйткені, келімшарт жасалып қойған.
ЕРЛАН САБИЕВ,"МұнайСпецСнаб Компани" ЖШС директоры:
- Келісімшарт бойынша Өзенмұнайгазбен оның беріп отырған тарифі төмен болып тұр. Менің ашық тендерден ұтып алған бағам сол. Өзенмұнайгаздың да бюджеттері қысқарып жатыр, сосын істей алмаймыз деп отыр.
Серіктестік жүргізушілерді қайта жұмысқа қабылдаймын деп отыр. Алайда жүргізушілердің талабы басқа. Олар енді "жұмыссыз қалсақ әкімдіктен жұмыс сұраймыз" дейді.
.
.
.
.
Бізді әлеуметтік желіде оқыңыздар:
KZbin - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #жаңаөзендегі_ереуіл