Ağakərim Nafiz Şirvanı haqqında verliş (1/3)

“Yurd yeri” verilişdə muğam ustadı, bir çox öz mahnı və təsniflərinin ifaçısı kimi gözəl tanıdığımız Ağakərim Nafizin bu yaxınlarda çap edilmiş kitabı “Ağakərim Nafiz Şirvani. Divan. Bakı, “Elm və təhsil”, 2017, 630 səh. “ təqdim edilir. Kitaba ustadın həyat və yaradıclığı haqqında məlumat, əsərləri haq¬qında qısa tədqiqat, 500-dən çox şeiri - qəzəlləri, təxmisləri, nəzirələri, rübailəri, bəzi tərcümələri daxil edilmişdir. Bu təxmis və nəzirələri o, Hafiz Şirazı, Cahanşah Hə-qiqi, Mövlana Lütfi, İmadəddin Nəsimi, Əlişir Nəvai, Ne’mətullah Kişvəri, Sultan Süleyman Qanuni - Mühibbi, Məhəmməd Füzuli, Baqi, Nabi, Nişat Şirvani, Naşid, Seyid Əbülqasim Nəbati, Seyid Əzim Şirvani - Seyyid, Məhəmməd Hadi, Mirzə Ələkbər Sabir kimi dünya şöhrətli qəzəl ustadlarının əsərlərinə yazmışdır.
Verilişdə ustad xanəndə və şairlə birgə Prof, f.e.d Vaqif Yusifli, kitabın redaktorları Kəmalə Cəfərzadə, Hafiz Qaralar və kitabın naşırı Turan İbrahimov iştirak edirlər.
Ssenari müəllifi: Avdı Qoşqar
Rejissor: Aydın Ənvəroğlu
Operator: Cavid Şərifoğlu
Mətni oxudu: Eldost Bayram
Verilişdə xanəndə haqqında “Azərbaycantelefilm” 1997-cı ildə çəkilmiş “Naməlum səs” filmindən də kadrlar daxil edilmişdir (Quruluşçu rejissor - Nazim Abbas, ssenari müəllifləri - Kamil Şahverdi, Vüqar Tapdıqlı, redaktor - Əhməd Oğuz).