Рет қаралды 36
Наурыз мерекесі биылғы жылы өзгеше форматта , он күн бойы әр күнге ерекше атау беріліп, тойланып жатқаны белгілі . Әр күнде атауына сәйкес іс- шаралар атқарылып, мерекенің мән- мағынасы ашыла түсуде.
Ғ. Мұратбаев атындағы Жетісай гуманитарлық- техникалық колледжінде айтулы мереке өз деңгейінде атап өтіліп, бұл мерекенің береке мен бірліктің, татулық пен достықтың, жаңару мен жаңғырудың негізі екені паш етілуде. Колледждің ұстаздары мен студенттері онкүндіктің "Жаңару күнінде" оқу орнының ауласын қоқыстардан тазартып, жүзден аса түрлі ағаштарды, көз жауын алар гүлдерді отырғызды. Іс- шараға колледж директоры Л.Баймаханованың өзі қатысып , игі шараға қатысушы барша ұжымға осынау күннің мән- мағынасын түсіндіріп, еккен ағаштарымыздың , гүлдердің көгеріп, оқу орнымызға, қала берді өңір табиғатының көркейе түсуіне ізгі тілегін білдірді.
Өз ауламыз, өз аймағымыз көркейіп сұлулана түссе, экологиялық ахуалы жақсара түссе , қураған дүниенің орнына жаңа көшеттер отырғызылып жатса бұл жаңару емей немене ? Табиғатпен бірге жаңарып, жаңа идеяларға, жаңа армандарға үміт артайық , ағайын !