Рет қаралды 35,143
#1000production #birivaridi #zenfirasadixova
O Dəli Kür filmində çəkikdiyi açıq-saçıq rola görə daş qalaq edilmişdi. Amma sənətə olan sevgisi onun kariyerasının uğurlu olmasına şərait yaradıb. Biri var. Dəli Kür fikmindəki Mələk, Əməkdar artist Zemfira Sadıxova
Zemfira Emin qızı Sadıxova 17 iyun 1939-cu ildə Bakıda anadan olub. Ailədə iki bacı, bir qardaş olublar. Zemfira xanım məktəb illərində qılıncoynatma dərslərinə, idman gimnastikasına və at sürməyə gedib. Musiqini çox sevib. O vaxtlar çoxunun evində radio yox olmayıb. O isə sevdiyi melodiyaları dinləmək üçün tez-tez xalasıgilə qaçırmış. Məktəbi bitirdikdən sonra qonşu olduğu, uşaqlıqdan bir yerdə oynadığı oğlanla ailə həyatı qurub. Bu evlilikdən onların bir oğlu dünyaya gəlib. Ancaq bir neçə ildən sonra aktrisanın həyat yoldaşı dünyasını dəyişib. Daha sonra o, Moskva Kinematoqrafiya İnstitutuna daxil olmaq istəyib. Valideynləri isə onu buraxmayıb. Deyiblər ki, ora uzaqdır, tək yaşaya bilməzsən. Bundan inciyən Zemfira növbəti sənət seçimini də özü etməyib valideynlərinin ixtiyarına buraxıb. Və sənədlərini ADU-nun İqtisad fakültəsinə verib. O, hər dəfə Bakıda yerləşən Teatr İnstitutunun yanından keçəndə göz yaşlarını saxlaya bilmirmiş. Ürəyində qalan arzusuna görə xiffət çəkirmiş. İqtisad fakültəsində yarım semestr oxuduqdan sonra nəhayət ki, özündə cəsarət tapıb sənədlərini geri götürüb və Teatr institutuna gedib. Adil İskəndərov, Məlik Dadaşov, Müxlis Cənizadə, Rza Təhmasib və Rahib Hüseynov kimi tanınmış pedaqoqların qarşısında imtahan verib Teatr İnstitutuna qəbul olunun. İnstitutu bitirdikdən sonra onu təyinatla Gənc Tamaşaçılar Teatrına göndəriblər. Xalq artisti Yusif Vəliyevlə ilk tanışlığı da orada olub. İşlədiyi iki il ərzində o teatrda heç bir rol almayıb, ancaq kütləvi səhnələrə çıxıb. Yalnız “Son məktub” tamaşasında sonradan başqa ifaçının yerinə təyin olunub. Burada Yusif Vəliyev onun atasını oynayıb. Yusif Vəliyevin ikinci evliliyi də uğursuz olandan sonra o, özündən 24 yaş kiçik aktrisa Zemfira Sadıqova ilə tanış olub. Həyat yoldaşından ayrılan Zemfira xanım Yusifin evli olduğunu biləndə onunla münasibəti kəsib və İrəvan teatrına işləməyə gedib. Lakin Yusif rejissor Şamil Mahmudbəyov vasitəsilə onu geri qaytarmağa nail olub. Aktrisa həmin illəri belə xatırlayır: “Yusifi ilk dəfə 1965-ci ildə Kürdəmirdə “Komsomol” tamaşasındakı Gəray bəy rolunda görüb vuruldum. O vaxta qədər onu tanımırdım. Səhəri günü hamılıqla bərabər yemək yeyəndə söhbət edib, tanış olduq. Kürdəmirdən qayıtdıqdan sonra ailə qurduq. 1965-ci ildə rəsmi nikahımız olsa da, bir yerdə yaşamırdıq. Mən anamla, Yusif də qızları ilə yaşayırdı. Yusifin o zaman evi yox idi. Yoldaşının sağ olduğunu biləndən sonra oğlumu, anamı götürüb İrəvana getdim. Ayrılıq vaxtı mənə çoxlu məktublar yazırdı, oxuyub ağlayırdım. Heç kim bilmir, amma Yusif çox romantik idi. Məni çox sevirdi. Niyə onun yanına qayıtdım - soruşursunuz. Onu mənə, mənim ona sevgim tükənməzdi... Gəldim və ayrıla bilmədim. Nə mən, nə o... Birlikdə anamgildə yaşamağa qərar verdik. Məni teatrda işləməyə qoymadı, ona görə radioya getdim”.
Zemfira xanımla ailə quranda aktrisa xörək bişirməyi bacarmırmış. Ona bu məsələdə Yusif Vəliyev köməklik edib, xörəkləri bişirməyi öyrədib. Vəliyev erkən dünyasını dəyişdiyi üçün aktrisa gənc yaşda dul qalıb. Üstəlik, atasının ölümündən sonra qızı Bahar böyük şok keçirib, ürək xəstəliyi yaşayıb, beş il həkimlərin nəzarətində müalicə alıb. Oğlunu və qızını təkbaşına böyüdən aktrisa çox məhrumiyyətlərlə üz-üzə qalıb. Üstəlik işsizlik təhlükəsi də yaşayıb. “Cəmil Əlibəyli “Azərbaycanfilm” kinostudiyasının direktoru olanda məni filmlərə çəkilməyə qoymurdu. Çünki onun dediyini eləmirdim. Bu haqda danışmaq mənə yaraşmaz. Kino sınaqlarından uğurla keçirdim, hamı razı qalırdı, bircə Cəmil Əlibəyov deyirdi ki, Zemfiranın potensial imkanları yoxdur. Bir gün iclas keçirdi, Eldar Quliyev, Həsən Turabovu və başqalarını çağırdı, hamının yanında məni “yararsız aktrisa” adlandırıb, işdən çıxarmaq istədi. Yusif rəhmətə getmişdi, iki uşaqla qalmışdım. Dedim, mənim başqa sənətim yoxdu. Məsələ böyüdü və mənim işdən çıxarılmağıma icazə vermədilər”.
82 yaşlı aktrisa hazırda qızı və nəvələri ilə birgə yaşayır. Onlardan heç biri aktrisanın yolunu davam etdirməyib. Zemfira xanım buna özü razılıq verməyib.