Рет қаралды 104,666
Адамзат тарыхы көптөгөн доорлорго жана түрдүү маданияттарга күбө болду. Улам жаңы бир маданият келген сайын, туруштук бере албаган эскиси жок болуп кете берди. Заман өзгөргөнгө жараша дал ошол цивилизациялардын маданият жаюу ыкмалары да өзгөрүүгө дуушар болуп жатат. Алгач маданий куралдын кызматын гезит жана радио аткарса, кийинчирээк анын ордун киноиндустрия жана телевидение басты. Ал эми азыркы тапта ар бир өлкө өз маданиятын интернет жана сериалдар аркылуу жайып жатат. Мындан ары сериалдар ар бир өлкөнүн жумшак күчүнө, б.а. маданий жол менен басып алуу, колонизация ыкмасына айланды.