Рет қаралды 52,800
TIRANË - Jozefina Topalli dhe kryeministri Rama kanë zhvilluar një tjetër debat mes tyre në seancën e sotme në Kuvend. Topalli ka akuzuar Ramën se ai ka frikëtë përmendë fjalën dekriminalizm dhe se nuk mban përgjegjësi për kriminelët që ka futur në Kuvend. Ndërkohë kryeministri i është opërgjigjur se nuk ka asnjë kompleks ndaj të përmendurit të fjalës dekriminalizim por në ndryshim nga vetë Topalli por edhe kolegët e saj të opozitës ai nuk i bën bashkë raportet personale me ato të punës.
Kryeministri Rama e ka cilësuar të turpshme qëndrimin e Partisë Demokratike në Parlament. Sipas tij në vend që të diskutojnë për reforma dhe çështje të rëndësishme për të cilat njerëzit duan të dëgjojnë, PD e përdor Parlamentin për të vijuar propagandën e dështuar të kriminalizimit të Policisë.
Ai deklaroi se më 21 qershor do të jenë shqiptarët ata që do të tregojnë se sa vlen gjithsecili. Ai theksoi se opozita do të duhet të gëlltisë të gjitha ato që jashtënxjerrë nga goja më 21 qershor.
“Mos i jepni gojës shumë se do duhet të gëlltisni të gjitha ato që jashtënxirrni nga mbrëmja e 21 qershorit. Aty do shikoni sa shumë zemra keni fituar”.- tha Rama.
Rama më tej ka hedhur poshtë pretendimet opozitës për kriminalizim të policisë, ardhja e FBI-së për binjakëzim me Byronë e Hetimit, sipas tij kjo është rezultat u bindjeve të krijuara për seriozitetin dhe vlefshmërinë e punës së bërë deri tani nga policia dhe Ministria e Brendshme.
Kryeministri Rama ka përshkruar edhe qëndrimin e deputetëve të PD me të cilët ndodhte në gjyq, të cilët sipas tij sillen si pula para Gjykatësit, duke thënë se ne nuk kemi prova, por japim opinion. - See more at: shqiptarja.com/home/1/topallim...